Êsra 4:20 - Nau Brah Ndu Ngơi 2023

²⁰ Ta ƀon Yêrusalem hŏ geh phung hađăch geh nau dăng ktang chiă uănh ta mpeh đah ri dak krong, jêh ri bu nhhơr ndơ, chê̆ pi jêh ri chê̆ prăk rvăt samƀŭt rsong trong ma phung hađăch nây.

Êsra 4:20 ပူးပေါင်းရင်းမြစ်များ

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

I Phung Hađăch 4:21

Y-Salômôn chiă uănh lĕ rngôch ƀon bri hađăch, ntơm bơh dak krong Ơphrat tât neh phung Philistin, ma tât n'har Êjipt. Lĕ ƀon bri hađăch nây djôt ndơ nhhơr jêh ri pah kan ma hađăch Salômôn lôch du njăr rêh hađăch.

I Phung Hađăch 4:24

Yorlah Y-Salômôn chiă uănh lĕ nkual mpeh nhâp nar dak krong Ơphrat jêh ri phung hađăch lĕ nkual nây, ntơm bơh Tipsa tât ma Gaxa, pôri lam puăn mpeh geh da dê nau đăp mpăn.

I Phung Hađăch 5:1

Tơlah tăng lư ma Y-Salômôn hŏ bu tŏ jêh dak ƀâu kah gŭ ta sưng hađăch chiă uănh thoi ntrok mbơ̆ păng, hađăch Tyre jêng Y-Hiram prơh phung oh mon păng nơm hăn tât ma Y-Salômôn, yorlah Y-Hiram ăt rŏng ƀaƀơ ma Y-Đavit.

I Phung Hađăch 5:4

Ƀiălah aƀaơ ri, Yêhôva Brah Ndu gâp, ăn jêh ma gâp dơi đăp mpăn gŭ jŭm, mâu hôm geh ôh phung rlăng, mâu đŏng hôm geh nau mhĭk tât.

I Nau Rêh Jêng 18:13

Păng ndâk pôih tahan tâm n'gor Êđôm, jêh ri lĕ rngôch phung Êđôm jêng oh mon ma Y-Đavit. Brah Yêhôva kơl Y-Đavit geh nau dơi tâm nau tâm lơh ăp ntŭk păng hăn.

I Nau Rêh Jêng 18:3

Y-Đavit dơi đŏng đah Y-Hadadêser, hađăch ƀon Sôba, mpeh ma Hamat, dôl păng hăn ƀư ăn nâp nau chiă uănh tât ta dak krong Ơphrat.

I Nau Rêh Jêng 18:6

Y-Đavit dơm phung tahan ta pôih tâm n'gor Aram jêng ndơ ƀon Damas; phung Aram pah kan jêh ri chê̆ pi ma Y-Đavit. Brah Yêhôva kơl Y-Đavit geh nau dơi tâm nau tâm lơh ăp ntŭk păng hăn tât.

I Nau Rêh Jêng 19:19

Tơlah phung oh mon Y-Hadadêser saơ phung Israel dơi jêh đah khân păng; khân păng ƀư nau đăp mpăn đah Y-Đavit jêh ri pah kan ma păng. Pakơi taơ phung Aram mâu hôm ŭch kơl ôh ma phung Ammôn.

II Nau Rêh Jêng 17:11

Phung Philistin djôt leo ndơ jêh ri prăk nhhơr ma Y-Jôsaphat; phung Arabi leo đŏng ma păng lĕ mpôl mpô mpa rong geh pơh rbăn pơh rhiăng mlâm biăp nkuăng jêh ri pơh rbăn pơh rhiăng mlâm be nkuăng.

II Nau Rêh Jêng 9:14

mâu hŏ ôh kơp rnoh mah phung tăch drăp jêh ri phung tăch êng djôt tât, nđâp ma rnoh mah jêh ri prăk phung hađăch bri Arabi jêh ri phung kôranh chiă uănh bri djôt ăn ma Y-Salômôn.

Êsra 4:13

Pôri, ăn hađăch gĭt pô aơ tơlah ƀon aơ hŏ ndâk đŏng tât lôch jêh, jêh ri mpêr ƀon nkra ndâk tay, nanê̆ khân păng mâu mra nhhơr ndơ, chê̆ pi ôh, mâu lah chê̆ prăk ma nau rvăt samƀŭt rsong trong, jêh nây n'hêl nanê̆ prăk tâm ngih hađăch mra hŭch.

Êsra 4:16

Hên mbơh ăn hađăch gĭt tơlah ƀon aơ dơi ndâk njêng tay, jêh ri mpêr ƀon păng dơi nkra ndâk đŏng, nanê̆ ngăn hađăch mra mâu hôm geh tâm n'gor mpeh nhâp nar dak krong Ơphrat đŏng ôh.”

Êsra 4:19

Gâp hŏ ăn nau ntrŭnh bu sek uănh joi jêh ri bu lĕ saơ ntơm bơh rnôk rô̆ kăl e, ƀon aơ vay ƀư nau tâm rdâng ma phung hađăch, tâm rdâng jêh ri ƀư nau tâm rdâng vay tât geh tâm ƀon nây.

Êsra 4:21

Yor nây, khân may nchih hom du nau ntrŭnh rlu lơi ma nau ndâk tay ôh ƀon aơ, ăn tât nar gâp ăn samƀŭt nau ntrŭnh ma nau kan nây.

Êsra 7:24

Tâm ban lĕ gâp mbơh đŏng ma phung khân may gĭt, mâu dơi vay sŏk pi mâu lah prăk rvăt samƀŭt rsong trong bơh phung kôranh ƀư brah, phung Lêvi, phung kâp mprơ, phung gak njrăng mpông pêr, phung pah kan tâm ngih brah mâu lah bơh phung pah kan êng tâm Brah Ndu.

Nau Mprơ Ơm 72:8

Păng mra chiă uănh bơh dak mƀŭt aơ, tât ta dak mƀŭt ri, Bơh Dak Krong kŏ tât dŭt rplay neh.

Nau Nhĭm Vơl 1:1

Ơ! Ƀon aơ kăl e âk ngăn bunuyh, Aƀaơ gŭ êng du huê du! Kăl e geh nau dơi toyh ta nklang phung ƀon lan, Aƀaơ jêng nâm bu bu ur ndrô, Kăl e jêng hađăch bu ur ta nklang âk n'gor, Aƀaơ ri jêng pah kan jâk rgănh ngăn!

Êsêkiêl 19:11

Lĕ n'gĭng păng nâp ngăn, Tât jêng mâng jra ma kôranh chiă uănh. Tơm păng prêh ngăn Ta nklang tơm si pŭm. Ăp nơm saơ păng da dê, Yorlah tơm prêh, n'gĭng n'ha âk.

Mathay 9:9

Du tă bơh nây, Brah Yêsu saơ du huê bunuyh amoh Y-Mathiơ gŭ ta jrô riu pi; Brah Yêsu lah ma păng: “Tĭng hom Gâp.” Y-Mathiơ dâk, hăn tĭng Păng.