Êsra 4:19 - Nau Brah Ndu Ngơi 2023

¹⁹ Gâp hŏ ăn nau ntrŭnh bu sek uănh joi jêh ri bu lĕ saơ ntơm bơh rnôk rô̆ kăl e, ƀon aơ vay ƀư nau tâm rdâng ma phung hađăch, tâm rdâng jêh ri ƀư nau tâm rdâng vay tât geh tâm ƀon nây.

Êsra 4:19 ပူးပေါင်းရင်းမြစ်များ

II Phung Hađăch 18:7

Yor ri, Brah Yêhôva gŭ ndrel păng, ăp nau păng ƀư, păng geh nau dơi. Păng dâk tâm rdâng dah hađăch Asiri, mâu tông bâr ma păng ôh.

II Phung Hađăch 24:20

Yorlah nau Brah Yêhôva ji nuih tât jêh ta ƀon Yêrusalem jêh ri n'gor Yuđa, kŏ ma tât Păng mprơh khân păng du bơh tanăp măt Păng. Jêh nau nây, Y-Sêdêkia hao tâm rdâng đah hađăch Babilôn.

Êsra 4:15

gay ma bu sek uănh joi tâm nau rêh jêng phung chô yau hađăch. Tơlah bu sek uănh joi tâm ndrom samƀŭt nau rêh jêng nây, hađăch mra gĭt pô aơ ƀon nây jêng du ƀon tâm rdâng, ƀư nau mhĭk ma phung hađăch jêh ri lĕ n'gor. Ntơm bơh rnôk kăl e, phung ƀon lan gŭ ta nây vay ƀư nau tâm rdâng jêh ri yor nau nây ƀon aơ bu hŏ ƀư rai jêh.

Êsra 4:18

Samƀŭt khân may njuăl jêh ma gâp lĕ rblang jêh ri rŏ rah vah tanăp măt gâp.

Êsra 4:20

Ta ƀon Yêrusalem hŏ geh phung hađăch geh nau dăng ktang chiă uănh ta mpeh đah ri dak krong, jêh ri bu nhhơr ndơ, chê̆ pi jêh ri chê̆ prăk rvăt samƀŭt rsong trong ma phung hađăch nây.

Êsra 5:17

Pôri aƀaơ, tơlah hađăch mĭn ueh, ăn bu sek uănh joi hom tâm ntŭk jrô prăp lĕ ndơ khlay ngih hađăch ta Babilôn, gay saơ gĭt lah ngăn hađăch Sirus ăn samƀŭt nau ntrŭnh ndâk đŏng ngih brah ma Brah Ndu ta ƀon Yêrusalem mâu lah mâu. Pakơi nây, dăn hađăch ăn samƀŭt nau ntrŭnh ma nau kan aơ.”

Nau Hôr 25:2

Nau chrêk ma lơp bơh Brah Ndu pôn ndâp du ntil nau, Ƀiălah nau chrêk ma lơp bơh phung hađăch jêng joi saơ du ntil nau nây.

Nau Vay Nkah Tay 13:14

pôri ăn khân may ôp, joi ăn gĭt, sek uănh nanê̆. Tơlah nau nkoch nây jêng ngăn, jêh ri n'hêl nanê̆ jêng nau ƀơ̆ ƀơch kơt nĕ hŏ tât geh ta nklang khân may,