Êsra 4:12 - Nau Brah Ndu Ngơi 2023

¹² Mbah hađăch gĭt rah vah phung Yuđa tă bơh ntŭk hađăch gŭ hŏ hăn tât ntŭk hên ta ƀon Yêrusalem. Khân păng dôl ndâk nkra tay nau tâm rdâng jêh ri nau mhĭk ngăn; khân păng ntơm ndâk nkra tay mpêr ƀon, bi mbon hŏ nkra lôch jêh.

Êsra 4:12 ပူးပေါင်းရင်းမြစ်များ

II Phung Hađăch 18:20

May mĭn knŏng ma rplay ngơi dơm dam dơi rgâl nau blau nchră jêh ri nau dăng ktang gay tâm lơh hĕ? Pôri aƀaơ, ma mbu may rnơm nsing kŏ tât may janh tâm rdâng đah gâp?

II Phung Hađăch 24:1

Tâm rnôk Y-Jêhôjakim chiă uănh, hađăch Babilôn jêng Y-Nêbukatnetsar hăn lơh bri dak Yuđa. Y-Jêhôjakim, tông bâr hađăch tâm pe năm, jêh nây Y-Jêhôjakim mĭn plĕch jêh ri dâk tâm rdâng đah hađăch Babilôn.

II Nau Rêh Jêng 36:13

Păng tâm rdâng đŏng đah hađăch Nêbukatnetsar, jêng nơm hŏ nchâp păng sơm ton ma amoh Brah Ndu. Păng plơ̆ jêng dăng bôk jêh ri kranh nuih n'hâm, mâu ŭch plơ̆ sĭt ma Yêhôva Brah Ndu Israel.

Êsra 4:11

Aơ jêng samƀŭt kơt nchih tă bơh samƀŭt khân păng hŏ njuăl jêh ma hađăch Artasersês: “Phung oh mon may, gŭ tâm n'gor mpeh nhâp nar dak krong Ơphrat, mbah hađăch Artasersês.

Êsra 4:15

gay ma bu sek uănh joi tâm nau rêh jêng phung chô yau hađăch. Tơlah bu sek uănh joi tâm ndrom samƀŭt nau rêh jêng nây, hađăch mra gĭt pô aơ ƀon nây jêng du ƀon tâm rdâng, ƀư nau mhĭk ma phung hađăch jêh ri lĕ n'gor. Ntơm bơh rnôk kăl e, phung ƀon lan gŭ ta nây vay ƀư nau tâm rdâng jêh ri yor nau nây ƀon aơ bu hŏ ƀư rai jêh.

Êsra 4:19

Gâp hŏ ăn nau ntrŭnh bu sek uănh joi jêh ri bu lĕ saơ ntơm bơh rnôk rô̆ kăl e, ƀon aơ vay ƀư nau tâm rdâng ma phung hađăch, tâm rdâng jêh ri ƀư nau tâm rdâng vay tât geh tâm ƀon nây.

Êsra 5:3

Tâm rnôk nây, Y-Tatênai, kôranh chiă uănh n'gor mpeh đah ri dak krong, Y-Sêthar-Bôsênai, jêh ri phung pah kan ndrel ma khân păng, hăn joi phung Yuđa, gay lah ma khân păng: “Mbu moh ăn nau ntrŭnh aơ ma khân may dơi ndâk tay du mlâm ngih brah aơ jêh ri mpêr ƀon aơ?”

Êsra 5:9

Hên ôp ma phung bu ranh nây pô aơ: ‘Mbu moh ăn nau ntrŭnh ma khân may ndâk ngih brah aơ jêh ri mpêr ƀon aơ?’

Nêhêmi 1:3

Khân păng lah ma gâp pô aơ: “Phung hôm rêh klen jêh pakơi nau ƀư dĭk gŭ tay tâm n'gor geh nau rêh ni jêh ri geh nau bêk prêng ngăn ngên, bi ma mpêr ƀon Yêrusalem lĕ rlâm, jêh ri lĕ mpông ƀon lĕ ŭnh sa.

Nêhêmi 6:6

Tâm samƀŭt geh nchih: “Phung ntil mpôl êng bu tăng lư jêh ri Y-Gesem lah đŏng pô aơ May jêh ri phung Yuđa tâm nchră ŭch tâm rdâng; yor nau nây, ri dĭng may rdâk nkra jêh mpêr ƀon toyh, jêh ri tĭng nâm nau bu nkoch nây, may ŭch hao ƀư hađăch ma khân păng.

Êsther 3:8

Y-Haman lah ma hađăch Y-Asuêrus pô aơ: “Geh du phung ƀon lan chah rai, gŭ lam ta nklang phung mpôl băl tâm lĕ ƀon bri hađăch; nau vay khân păng êng đah nau vay phung mpôl băl êng, jêh ri khân păng mâu djôt prăp ôh nau vay hađăch. Yor ri, ăn nau yô̆ ma khân păng mâu jêng ueh ôh ma hađăch.

Yêrêmi 52:3

Yorlah nau Brah Yêhôva ji nuih ma lĕ nau mhĭk hŏ geh tât jêh ta ƀon Yêrusalem jêh ri n'gor Yuđa Păng mprơh khân păng du bơh tanăp măt Păng. Y-Sêdêkia hao tâm rdâng đah hađăch Babilôn.

Daniel 3:8

Rnôk nây, ƀaƀă geh phung Kaldê văch ŭch phong phung Yuđa.

Daniel 9:25

Pônây ăn may gĭt jêh ri gĭt rbăng ntơm bơh geh nau ntrŭnh njêng tay jêh ri rdâk tay ƀon Yêrusalem kŏ Nơm Dơn Tŏ Dak Ƀâu Kah tât, pôri geh pơh năng pơh jêh ri prao jât ma bar năng pơh. Ƀon nây bu dơi rdâk tay, geh trong jêh ri pôih nâp, dôl rnôk jêr jŏt ngăn.

Luka 13:34

“Hơi Yêrusalem, Yêrusalem! May nkhĭt phung nơm mbơh lor jêh ri klŭp ma lŭ phung bu njuăl ma may! Âk tơ̆ jêh Gâp ŭch tâm rgum phung kon may tâm ban ma iăr me rtŭk kon păng gay pôn lơi tâm dâng năr păng, ƀiălah khân may mâu ŭch ôh.

Kôranh Oh Mon 24:5

N'hêl nanê̆ ngăn, hên mâp bunuyh aơ tâm ban ma nau ji tưp, ƀư uh ah ma lĕ rngôch phung Yuđa lam neh ntu jêh ri jêng kôranh ma mpôl Nasaret.

I Têsalônik 5:22

ăn khân may der ngai lĕ rngôch nau djơh mhĭk.