Êsra 3:5 - Nau Brah Ndu Ngơi 2023

⁵ Pakơi nây, khân păng nhhơr lĕ ndơ ƀư brah gŭch ƀaƀơ, nđâp ma lĕ ndơ ƀư brah ta nar bôk khay mhe jêh ri ta lĕ rngôch nar rƀŭn khư yơk prăp ma nau kloh ueh ma Brah Yêhôva, tâm ban đŏng lĕ ndơ ƀư brah ma ăp nơm ŭch nhhơr ma Brah Yêhôva.

Êsra 3:5 ပူးပေါင်းရင်းမြစ်များ

II Nau Rêh Jêng 31:14

Y-Kôrê, kon bu klâu Y-Imna bunuyh Lêvi, jêng nơm chiă uănh mpông pêr mpeh luh nar, jêng nơm mât lĕ ndơ nhhơr nđơr êng ma Brah Ndu, gay tâm pă lĕ ndơ bu nhhơr prăp jêh ma Brah Yêhôva jêh ri lĕ ndơ nhhơr dŭt kloh ueh.

Êsra 3:6

Ntơm bơh lơ nguay khay pơh, khân păng ntơm nhhơr ndơ ƀư brah gŭch ma Brah Yêhôva nđâp lah ê hŏ ndâk mbon ngih Brah Yêhôva.

Nêhêmi 10:34

Hên jêng phung kôranh ƀư brah, phung Lêvi jêh ri phung ƀon lan, tâm nchroh ma nau nhhơr lŏng ăp năm tĭng năng hŏ tâm nal jêh, tĭng nâm ăp ndŭl mpôl jêh ri djôt leo tât ta ngih Brah Ndu gay su long nây ta klơ nơng ƀư brah ma Yêhôva Brah Ndu hên, tĭng nâm nau hŏ nchih tâm nau vay.

Yêrêmi 33:18

phung kôranh ƀư brah noi deh Lêvi ăt mâu mra pưt lĕ du huê bunuyh pah kan tanăp măt Gâp gay ma nhhơr ndơ ƀư brah gŭch, su ndơ ƀư brah rnih môi, jêh ri nhhơr ndơ ƀư brah ăp nar.’”

Kan Lêvi 1:2

“May ngơi hom ma phung ƀon lan Israel pô aơ: ‘Dôl geh du huê tâm phung kon ŭch nhhơr mpa ƀư brah ma Brah Yêhôva, ăn khân may nhhơr ndrôk, biăp mâu lah be tă bơh mpô mpa rong khân may.

Kan Lêvi 1:3

Tơlah ndơ nhhơr bơh bunuyh nây jêng ndơ ƀư brah gŭch ma ndrôk, ăn păng săch du mlâm ndrôk nkuăng mâu geh têl khap ôh. Ăn bunuyh nây nhhơr ndơ nây ta mpông Ngih Bok Nau Tâm Rƀŭn tanăp Brah Yêhôva, gay ma Păng maak dơn.

Kan Lêvi 23:2

“Ăn may ntăm hom ma phung ƀon lan Israel pô aơ: ‘Aơ jêng lĕ nar rƀŭn Brah Yêhôva hŏ tâm nal jêh, ăn khân may mbơh nau aơ nâm bu mbơh nau lĕ yan tâm rƀŭn kloh ueh.

Nau Kơp Bunuyh 28:14

Ndơ nhhơr nhêt mra jêng bar lit ndrănh krăk ƀâu ma du mlâm ndrôk nkuăng, du lit n'gul ma du mlâm biăp nkuăng jêh ri du lit ma ăp biăp kon. Nĕ jêng ndơ ƀư brah gŭch ăp tơ̆ bôk khay tâm du năm.

Nau Kơp Bunuyh 28:19

Ăn khân may nhhơr ma Brah Yêhôva bar mlâm ndrôk nkuăng rah jêh ri pơh mlâm biăp kon nkuăng bêng du năm jêng ndơ ƀư brah gŭch, lĕ rngôch da dê mâu geh têl khap ôh.

Nau Kơp Bunuyh 28:27

Khân may mra nhhơr bar mlâm ndrôk nkuăng rah, du mlâm biăp nkuăng jêh ri pơh mlâm biăp kon nkuăng bêng du năm jêng ndơ ƀư brah gŭch geh n'hôl ƀâu kah, maak ma Brah Yêhôva.

Nau Kơp Bunuyh 29:13

Khân may nhhơr hom jât ma pe mlâm ndrôk nkuăng rah, bar mlâm biăp nkuăng jêh ri jât ma puăn mlâm biăp kon nkuăng bêng du năm mâu geh têl khap jêng ndơ ƀư brah gŭch, jêng ndơ ƀư brah ăn ŭnh sa geh n'hôl ƀâu kah, maak ma Brah Yêhôva.

Nau Kơp Bunuyh 29:2

Khân may nhhơr hom du mlâm ndrôk nkuăng rah, du mlâm biăp nkuăng jêh ri pơh mlâm biăp kon nkuăng bêng du năm, mâu geh têl khap jêng ndơ ƀư brah gŭch geh n'hôl ƀâu kah, maak ma Brah Yêhôva.

Nau Kơp Bunuyh 29:39

Nĕ jêng lĕ ndơ nhhơr khân may nhhơr hom ma Brah Yêhôva tâm lĕ nar rƀŭn nau khư yơk gay ƀư ndơ ƀư brah gŭch, ndơ ƀư brah rnih môi, ndơ nhhơr nhêt jêh ri ndơ ƀư brah ma nau đăp mpăn, padih lĕ ndơ ƀư brah nau ton jêh ri lĕ ndơ ƀư brah khân may nơm ŭch.”

Nau Kơp Bunuyh 29:8

Khân may nhhơr hom du mlâm ndrôk nkuăng rah, du mlâm biăp nkuăng, pơh mlâm biăp kon nkuăng bêng du năm, mâu geh têl khap jêng ndơ ƀư brah gŭch geh n'hôl ƀâu kah, maak ma Brah Yêhôva.

Nau Vay Nkah Tay 12:17

Bi ma tê̆ pi du kô̆ tâm jât bơh ba, ndrănh, dak ngi mâu lah lĕ kon dak bôk mpôl ndrôk, biăp khân may, mâu lah tâm ăp ndơ nhhơr ƀư nanê̆ nau khân may ton, lĕ ndơ ƀư brah ma nuih n'hâm rŏng mâu lah ndơ nhhơr yơr pôri khân may mâu dơi sa ôh tâm lĕ ƀon toyh khân may nơm.

Nau Vay Nkah Tay 12:6

Khân may mra djôt leo ta nây lĕ ndơ ƀư brah gŭch, lĕ mpa ƀư brah, pi du kô̆ tâm jât, ndơ nhhơr yơr, ndơ nhhơr ƀư nanê̆ nau ton, ndơ nhhơr ma nuih n'hâm rŏng, jêh ri lĕ kon dak bôk tâm mpôl ndrôk jêh ri biăp khân may.