Êsra 3:13 - Nau Brah Ndu Ngơi 2023

¹³ Bu mâu gĭt năl ôh bâr răm rhơn ma đah bâr phung nter nhĭm, yorlah phung ƀon lan troh nter hâu ngăn jêh ri bâr nter nây huy ăp ntŭk.

Êsra 3:13 ပူးပေါင်းရင်းမြစ်များ

I Phung Hađăch 1:40

Lĕ rngôch phung ƀon lan hăn hao tĭng ndô̆ hađăch. Khân păng uh n'hôm jêh ri nter huy hâk răm ngăn kŏ tât neh ntu n'gơ n'găr bơh nau troh nter khân păng.

I Phung Hađăch 1:45

Ta Gihôn, kôranh ƀư brah Y-Sadôk jêh ri nơm mbơh lor Y-Nathan tŏ jêh dak ƀâu kah ma Y-Salômôn ăn jêng hađăch. Jêh nây tă bơh nĕ khân păng hăn hao ma nau hâk răm jêh ri lĕ ƀon nteh drơu drơu da dê. Nây ro yơh jêng nteh khân may hŏ tăng.

Êsra 3:12

Âk phung kôranh ƀư brah, phung Lêvi, kôranh ƀon, jêng phung bu ranh hŏ saơ ngih brah kăl e ri, khân păng nhĭm nter dôl nôk saơ mbon ngih brah mhe bu hŏ ndâk njêng jêh, nôk nây geh âk đŏng phung êng troh nter yorlah răm rhơn.

Êsra 4:1

Tơlah phung rlăng đah phung Yuđa jêh ri phung Benjamin tăng lư ma phung tă ƀư bu nă lĕ sĭt jêh gŭ ndâk ngih brah ăn Yêhôva Brah Ndu phung Israel,

Nêhêmi 12:43

Tâm nar nây, khân păng nhhơr lĕ ndơ ƀư brah nau khư yơk jêh ri bêng nau răm maak, yorlah Brah Ndu ƀư ăn khân păng răm rhơn. Phung bu ur jêh ri kon se răm maak tâm ban lĕ. Nau răm maak tă bơh Yêrusalem bu tăng lư tât ntŭk ngai.

Nau Mprơ Ơm 5:11

Ăn ma lĕ rngôch phung rnơm nơm ma Kôranh Brah dơi gŭ maak, Troh bâr răm maak ƀaƀơ, Yorlah Kôranh Brah king n'gang lĕ bunuyh nây. Bunuyh rŏng ma amoh Kôranh Brah mra geh nau răm maak đŏng tâm May.

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Yêrêmi 50:4

Brah Yêhôva lah: “Tâm lĕ nar nây, tâm rô̆ nây, phung kon sau Israel jêh ri phung kon sau Yuđa plơ̆ sĭt ndrel n'grŭp; khân păng hăn ƀă nhĭm ƀă, tĭng joi Yêhôva Brah Ndu khân păng.

Sakari 4:7

Hơi yôk toyh ri, mbu moh may jêng? Tanăp măt Y-Sôrôƀaƀel may mra jêng neh lâng. Păng mra djôt leo lŭ mbon ma bâr bu nter lah: ‘Ueh maak ngăn! Ueh maak ngăn!’”

Phung Kôranh Phat Dôih 2:5

Khân păng ntơ rnha ntŭk nây jêng Bôkim jêh ri nhhơr mpa ƀư brah ma Brah Yêhôva ta ntŭk nây.

I Samuel 4:5

Tơlah Hip Nau Tâm Rnglăp Brah Yêhôva lăp tâm pôih tahan, lĕ rngôch phung Israel troh nter huy da dê ngăn, kŏ tât n'gơ n'găr neh.