Êsra 3:12 - Nau Brah Ndu Ngơi 2023

¹² Âk phung kôranh ƀư brah, phung Lêvi, kôranh ƀon, jêng phung bu ranh hŏ saơ ngih brah kăl e ri, khân păng nhĭm nter dôl nôk saơ mbon ngih brah mhe bu hŏ ndâk njêng jêh, nôk nây geh âk đŏng phung êng troh nter yorlah răm rhơn.

Êsra 3:12 ပူးပေါင်းရင်းမြစ်များ

Êsra 3:13

Bu mâu gĭt năl ôh bâr răm rhơn ma đah bâr phung nter nhĭm, yorlah phung ƀon lan troh nter hâu ngăn jêh ri bâr nter nây huy ăp ntŭk.

Ndrom Samƀŭt bơh Yôp 8:7

Nđâp lah ntơm saơm may jê̆ lê̆ Ƀiălah rnôk kăndơ̆ may mra jêng toyh ngăn.

Nau Mprơ Ơm 126:6

Mbu nơm n'ho ma hăn n'ho ma nhĭm, Djôt leo ntil grăp srih, N'hêl nanê̆ mra plơ̆ sĭt ma nau răm maak, Mbăk nchăp ba khân păng nơm.

Nau Mprơ Ơm 147:1

Halêluya! Ueh ngăn yơh dôl mprơ tâm rnê ma Brah Ndu he; Răm maak ngăn jêh ri di tâm rnê ma Păng!

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Êsai 60:22

Nơm djê̆ lơn mra geh rbăn phung kon sau, Nơm rdja lơn mra jêng du mpôl băl bunuyh ktang. Gâp jêng Brah Yêhôva, Gâp mra ƀư gơnh nau nây di nau tâm nal!

Yêrêmi 50:4

Brah Yêhôva lah: “Tâm lĕ nar nây, tâm rô̆ nây, phung kon sau Israel jêh ri phung kon sau Yuđa plơ̆ sĭt ndrel n'grŭp; khân păng hăn ƀă nhĭm ƀă, tĭng joi Yêhôva Brah Ndu khân păng.

Ndrom Samƀŭt bơh Agê 2:3

‘Mbu tâm khân may jêng bunuyh hôm e hŏ tă saơ nau chrêk rmah ngih brah aơ ntơm saơm? Jêh ri aƀaơ, mâm khân may saơ păng? Mâu di bơh jêng tâm dâng măt khân may, păng mâu hôm đŏng geh du ntil ndơ?’

Sakari 4:10

Yorlah mbu moh mưch rmot ma lĕ nau kan jê̆ lê̆ tâm nar ntơm mra gŭ maak lah saơ rse ndơ veh di rnhuan tâm ti Y-Sôrôƀaƀel. Pơh mlâm ŭnh kađen jêng găr măt Brah Yêhôva uănh lam bri neh.