Êsra 3:11 - Nau Brah Ndu Ngơi 2023

¹¹ Khân păng mprơ tâm rdơn ndrăng khân păng gay mât ton jêh ri tâm rnê lah ueh ma Brah Yêhôva pô aơ: “Păng ueh ngăn, Nuih n'hâm yô̆ nđach Păng đah phung Israel hôm kŏ tât ƀaƀơ n'ho ro!” Jêh nây lĕ rngôch bunuyh ƀon lan ma du bâr nter huy toyh, tâm rnê Brah Yêhôva, yorlah mbon ngih Brah Yêhôva dơi ndâk njêng jêh.

Êsra 3:11 ပူးပေါင်းရင်းမြစ်များ

I Nau Rêh Jêng 16:34

Tâm rnê hom ma Brah Yêhôva, yorlah Păng jêng ueh; Nau ueh Păng hôm ƀaƀơ n'ho ro.

I Nau Rêh Jêng 16:41

Ndrel ma khân păng geh Y-Hêman, Y-Jêduthun jêh ri phung êng bu săch prăp ma kan tâm rnê ma Brah Yêhôva, yorlah nau ueh Păng geh kŏ tât ƀaƀơ n'ho ro.

II Nau Rêh Jêng 5:13

Phung uh nŭng nđâp ma phung mprơ ăn bu iăt khân păng tâm rnglăp tâm ban du huê, mât ton tâm rnê ma Brah Yêhôva. Khân păng mprơ ndrel nđâp ma bâr nŭng, bâr rgu dang nteh ăn huy, jêh ri lĕ gong êng, jêh ri mât ton ma Brah Yêhôva pô aơ: “Yorlah Kôranh Brah jêng ueh, Nau ueh Păng hôm tât ƀaƀơ n'ho ro!” Nôk nây, ngih Brah Yêhôva geh bêng tŭk

II Nau Rêh Jêng 7:3

Lĕ rngôch phung ƀon lan Israel saơ da dê ŭnh tă klơ jêh ri nau chrêk rmah Brah Yêhôva bêng ngih brah. Khân păng păn ta neh, nkŭp muh măt ta klơ mbon ngih, yơk mbah jêh ri tâm rnê ma Brah Yêhôva pô aơ: “Yorlah Kôranh Brah jêng ueh, Nuih n'hâm ueh Păng hôm gŭ ƀaƀơ n'ho ro!”

Nêhêmi 12:24

Phung kôranh ndŭl mpôl ma phung Lêvi geh: Y-Hasabia, Y-Sêrêbia jêh ri Y-Jêsua, kon bu klâu Y-Katmiêl jêh ri ma phung oh nâu khân păng dâk tâm tra năp tĭng mbŭch, tĭng mpôl, gay tâm rnê jêh ri lah ueh, tĭng nâm nau ntăm tă bơh Y-Đavit, bunuyh Brah Ndu.

Nêhêmi 12:40

Pôri bar mbŭch tâm rnê lah ueh nây nsrŭng tâm ngih Brah Ndu, gâp jêh ri du n'gul phung kôranh chiă uănh ƀư nâm bu nây lĕ,

Nau Mprơ Ơm 100:5

Yorlah Brah Yêhôva jêng ueh, Nau ueh Păng hôm geh mro mrăng Jêh ri nau răp jăp Păng hôm gŭ n'ho ro.

Nau Mprơ Ơm 103:17

Ƀiălah nau ueh Brah Yêhôva hôm ƀaƀơ n'ho ro Ma phung klach yơk ma Păng, Jêh ri nau sŏng srăng Păng prăp ma sau se khân păng.

Nau Mprơ Ơm 106:1

Halêluya! Mprơ tâm rnê hom ma Brah Yêhôva, yorlah Păng jêng ueh, Nau ueh Păng hôm ƀaƀơ n'ho ro.

Nau Mprơ Ơm 107:1

Tâm rnê lah ueh hom ma Brah Yêhôva yorlah Păng jêng ueh; Nau ueh Păng hôm ƀaƀơ n'ho ro.

Nau Mprơ Ơm 118:1

Tâm rnê hom ma Brah Yêhôva yorlah Păng jêng ueh; Yorlah nuih n'hâm ueh Păng hôm ƀaƀơ n'ho ro.

Nau Mprơ Ơm 131:1

Ơ Brah Yêhôva, gâp mâu geh nuih n'hâm sưr ôh, Măt gâp mâu n'hao êng nơm; Gâp mâu lĕ gâp mĭn ma ndơ toyh ir, Mâu lah lĕ nau kan rlau keh ir đah gâp.

Nau Mprơ Ơm 135:3

Mprơ tâm rnê hom ma Brah Yêhôva yorlah Brah Yêhôva jêng nơm ueh; Mprơ nau tâm rnê ma amoh Păng yorlah nây jêng nau maak.

Nau Mprơ Ơm 47:1

Hơi lĕ rngôch ntil mpôl bunuyh, tap ti hom! Troh hom nau maak ma Brah Ndu.

Nau Mprơ Ơm 47:5

Brah Ndu hao gŭ nklang bâr troh maak, Brah Yêhôva hao gŭ tâm bâr nŭng.

Nau Ngluh Êjipt 15:21

H'Miriam mprơ pô aơ: “Mprơ hom ma Brah Yêhôva Yorlah Păng dŭt prêh geh nau rnam. Păng hŏ mƀăr jêh tâm dak mƀŭt Seh jêh ri rmăk seh.”

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 44:23

Ơ lĕ ndâr trôk, mprơ rhơn hom, Yorlah Brah Yêhôva hŏ ƀư jêh nau nây! Ơ lĕ ntŭk tâm dâng neh ntu, troh nter hom! Ơ phung yôk, ơ krŏng jêh ri lĕ rngôch tơm si ta nây, Mprơ huy hom! Yorlah Brah Yêhôva tâm chuai jêh phung Yakôb, Jêh ri tâm mpơl nau chrêk rmah Păng tâm phung Israel.

Êsai 6:3

Phung sêraphim troh ndrel jêh ri lah: “Kloh ueh, kloh ueh, kloh ueh yơh Brah Yêhôva ma phung tahan! Lam bri neh bêng ma nau chrêk rmah Păng.”

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Ndrom Samƀŭt bơh Agê 2:3

‘Mbu tâm khân may jêng bunuyh hôm e hŏ tă saơ nau chrêk rmah ngih brah aơ ntơm saơm? Jêh ri aƀaơ, mâm khân may saơ păng? Mâu di bơh jêng tâm dâng măt khân may, păng mâu hôm đŏng geh du ntil ndơ?’

Sakari 4:7

Hơi yôk toyh ri, mbu moh may jêng? Tanăp măt Y-Sôrôƀaƀel may mra jêng neh lâng. Păng mra djôt leo lŭ mbon ma bâr bu nter lah: ‘Ueh maak ngăn! Ueh maak ngăn!’”

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Luka 1:50

Jêh ri Păng yô̆ nđach ma phung bunuyh klach yơk mbah ma Păng, Ntơm bơh rnôk aơ tât rnôk ri.

Yôsuê 6:10

Ƀiălah Y-Yôsuê ntăm jêh ma phung ƀon lan pô aơ: “Khân may mâu dơi nter huy, lơi ăn bu tăng bâr khân may ngơi, mâu dơi ngơi du tong ôh kŏ tât mông nar gâp mra đă ma khân may troh nter, pôri mơ khân may mra troh nter huy.”

Yôsuê 6:16

Tât tal pơh, tơlah phung kôranh ƀư brah uh nŭng, Y-Yôsuê lah ma phung ƀon lan: “Troh nter hom, yorlah Brah Yêhôva hŏ ăn jêh ƀon aơ ma khân may.

Yôsuê 6:5

Nôk khân păng uh nŭng du ndruh jong jêh ri tơlah khân may mhe tăng bâr nŭng rnôk nây ăn lĕ rngôch phung ƀon lan nter dŭt huy, mpêr ƀon nây mra rlâm lĕ, jêh nây phung ƀon lan mra hao mpêr, ăp nơm hăn hao song panăp.”