Êsra 3:10 - Nau Brah Ndu Ngơi 2023

¹⁰ Tơlah phung ƀư mon mbon ngih Brah Yêhôva, phung kôranh ƀư brah nsoh ao khân păng jêh ri djôt nŭng, bi ma phung Lêvi, kon sau Y-Asap djôt ching ndrup tâm nchâm dâk ta nây gay tâm rnê ma Brah Yêhôva tĭng nâm bu nau Y-Đavit, hađăch phung Israel, hŏ ntăm jêh.

Êsra 3:10 ပူးပေါင်းရင်းမြစ်များ

I Nau Rêh Jêng 15:24

Y-Sêbania, Y-Jôsaphat, Y-Nêthanel, Y-Amasai, Y-Sakari, Y-Bênaya, jêh ri Y-Êliêser jêng phung kôranh ƀư brah mra uh nŭng tanăp Hip Nau Tâm Rnglăp Brah Ndu; Bi Y-Ôbet-Êđôm jêh ri Y-Jêhia tâm ban đŏng jêng phung mât njrăng mpông pêr ma Hip Nau Tâm Rnglăp.

I Nau Rêh Jêng 15:27

Y-Đavit jêh ri lĕ rngôch phung Lêvi tung Hip Nau Tâm Rnglăp, phung mprơ jêh ri kôranh ma phung mprơ jêng Y-Kênania nsoh da dê ao jâr bok mhay rhên. Y-Đavit nsoh tay êphôt ƀư ma bok mhay.

I Nau Rêh Jêng 16:37

Pôri, Y-Đavit dơm ăn ma Y-Asap jêh ri ma phung oh nâu păng gŭ ta panăp Hip Nau Tâm Rnglăp Brah Yêhôva gay pah kan ƀaƀơ panăp Hip Nau Tâm Rnglăp ăp nar.

I Nau Rêh Jêng 16:42

Y-Hêman jêh ri Y-Jêduthun geh nŭng, rgu dang nteh ăn huy jêh ri lĕ gong êng gay tâm rnê ma Brah Ndu. Bi phung kon bu klâu Y-Jêduthun ƀư kan mât njrăng mpông pêr.

I Nau Rêh Jêng 23:5

puăn rbăn bunuyh mât njrăng mpông pêr, jêh ri puăn rbăn bunuyh tâm rnê ma Brah Yêhôva ma gong Y-Đavit hŏ ƀư jêh prăp ma kan tâm rnê Kôranh Brah.

I Nau Rêh Jêng 25:25

tơ̆ jât ma pham di ma Y-Hanani, ndrel ma phung kon jêh ri phung oh nâu păng, lĕ rngôch jêng jât ma bar nuyh;

II Nau Rêh Jêng 35:14

Jêh nau nây, khân păng ndrăp nkra ma khân păng nơm jêh ri ma phung kôranh ƀư brah, yorlah lĕ rngôch phung kôranh ƀư brah, jêng kon sau Y-Arôn, gŭ pah kan nhhơr ndơ ƀư brah gŭch da dê jêh ri ngi kŏ tât măng. Yor nây, phung Lêvi ndrăp ma khân păng nơm jêh ri ma phung kôranh ƀư brah, jêng kon sau Y-Arôn.

II Nau Rêh Jêng 35:15

Phung mprơ jêng kon sau Y-Asap, gŭ ta ntŭk khân păng nơm da dê, tĭng nâm nau vay Y-Đavit, Y-Asap, Y-Hêman, jêh ri Y-Jêduthun nơm tâm saơ ma hađăch, hŏ ntăm. Phung chiă mpông pêr gŭ ta ăp mpông, mâu ŭch trơn ôh bơh kan khân păng, yorlah oh nâu khân păng jêng phung Lêvi, ndrăp nkra ndơ dŏng ăn khân păng.

II Nau Rêh Jêng 5:12

jêh ri lĕ mpôl mprơ tâm phung Lêvi, jêng Y-Asap, Y-Hêman, Y-Jêduthun ndrel kon bu klâu jêh ri oh nâu khân păng, nsoh bok ao ma bok mhay rhên, djôt rgu dang nteh ăn huy, gong rêng loih, jêh ri gong rêng gŭ mpeh luh nar nơng ƀư brah ndrel ma du rhiăng bar jât nuyh phung kôranh ƀư brah jêng phung uh nŭng.

Êsra 2:41

Phung mprơ geh: phung kon sau Y-Asap, lĕ rngôch jêng du rhiăng bar jât ma pham nuyh.

Êsra 5:16

Yor ri Y-Sêsbasar hăn tât Yêrusalem jêh ri ndâk njêng mbon ngih brah Brah Ndu. Ntơm bơh nôk nây tât aƀaơ, nau ndâk nkra ăt thoi đŏng, ƀiălah ê hŏ lôch ôh.

Nau Mprơ Ơm 150:5

Tâm rnê hom ma Păng ndơ rgu ăn nteh huy ngăn, Dong ăn nteh gay tâm rnê Păng!

Ndrom Samƀŭt bơh Agê 2:15

Pôri aƀaơ, mĭn rvê hom, ntơm bơh nar aơ let panăp, lah ê hŏ bu dơm lŭ aơ ta klơ lŭ ri gay ma ndâk ngih Brah Yêhôva

Sakari 4:10

Yorlah mbu moh mưch rmot ma lĕ nau kan jê̆ lê̆ tâm nar ntơm mra gŭ maak lah saơ rse ndơ veh di rnhuan tâm ti Y-Sôrôƀaƀel. Pơh mlâm ŭnh kađen jêng găr măt Brah Yêhôva uănh lam bri neh.

Sakari 4:6

Păng lah ma gâp: “Aơ jêng nau ngơi bơh Brah Yêhôva lah ma Y-Sôrôƀaƀel: ‘Nau nây mâu di yor nau dơi ôh, kŏ mâu lĕ yor nau blau kan, ƀiălah yor Brah Huêng ueh Gâp.’ Brah Yêhôva ma phung tahan lah.

Sakari 4:7

Hơi yôk toyh ri, mbu moh may jêng? Tanăp măt Y-Sôrôƀaƀel may mra jêng neh lâng. Păng mra djôt leo lŭ mbon ma bâr bu nter lah: ‘Ueh maak ngăn! Ueh maak ngăn!’”

Sakari 6:12

Ăn may lah ma păng pô aơ Brah Yêhôva ma phung tahan lah: ‘Aơ geh du huê bunuyh amoh păng jêng Nkeh Nse mra chăt nse bơh ntŭk păng. Nơm nây mra ndâk ngih Brah Yêhôva.

Sakari 7:3

Khân păng ôp ma phung kôranh ƀư brah tâm ngih Brah Yêhôva ma phung tahan jêh ri ma phung nơm mbơh lor pô aơ: “Di lĕ hên dơi nhĭm vơl jêh ri prăp êng hên nơm ăn kloh ueh tâm khay prăm nâm bu hŏ vay ƀư tâm ăp năm?”

I Samuel 22:18

Yor ri, hađăch lah ma Y-Dôek: “May văch dăch hom jêh ri nkhĭt phung kôranh ƀư brah.” Y-Dôek, bunuyh Êđôm, rduh dăch nkhĭt phung kôranh ƀư brah. Tâm nar nây, păng nkhĭt pham jât ma prăm nuyh nsoh êphôt ƀư ma brai mhay.