Êsra 3:1 - Nau Brah Ndu Ngơi 2023

¹ Tât khay pơh, tơlah phung Israel hŏ gŭ jêh tâm lĕ ƀon khân păng nơm jêh, pôri phung ƀon lan tâm rƀŭn tâm ban du huê bunuyh ta ƀon Yêrusalem.

Êsra 3:1 ပူးပေါင်းရင်းမြစ်များ

Nêhêmi 7:72

Phung ƀon lan nhhơr kô̆ hôm e, geh du rhiăng pơh jât kilô mah, du rbăn du rhiăng kilô prăk jêh ri prao jât ma pơh blah ao ma kôranh ƀư brah.

Nêhêmi 7:73

Pônây, phung kôranh ƀư brah, phung Lêvi, phung gak mpông pêr, phung mprơ, phung ƀaƀă êng jêh ri phung pah kan tâm ngih brah jêh ri lĕ rngôch phung Israel gŭ tâm ƀon khân păng nơm. Tât jêh khay pơh, phung kon sau Israel gŭ tâm ƀon khân păng nơm da dê.

Nêhêmi 8:1

Rnôk nây, lĕ rngôch phung ƀon lan tâm rƀŭn ndrel nâm bu du huê nuyh, ta nkual toyh tanăp ƀon mpông pêr Dak. Khân păng lah ma Y-Êsra jêng kôranh nchih samƀŭt djôt leo ndrom samƀŭt nau vay Y-Môis; nây jêng nau vay Brah Yêhôva hŏ ntĭm nti jêh ma phung Israel.

Nêhêmi 8:14

Khân păng saơ jêh nau bu nchih tâm nau vay Brah Yêhôva ntăm jêh ma Y-Môis ăn phung ƀon lan Israel gŭ tâm lĕ ngih bok dôl nau rƀŭn tâm khay pơh

Kan Lêvi 16:29

Nây mra jêng du nau vay dăp n'ho ro ma khân may: Ta nar jât khay pơh, nđâp lah khân may jêng bunuyh tơm bri mâu lah bunuyh gŭ njưh ta nklang khân may, ât sông sa da dê, chalơi khân păng nơm, mâu ƀư kan,

Kan Lêvi 23:24

“Ăn may ntăm hom ma phung ƀon lan Israel pô aơ: ‘Lơ nguay khay pơh jêng nar ăn ma khân may rlu, jêng du nar ndray đah tăng uh bâr nŭng, jêh ri geh du nau tâm rƀŭn kloh ueh.

Sôphôni 3:9

Rnôk nây, Gâp mra rgâl phung ƀon lan, Ƀư kloh trôm mbung, Gay lĕ rngôch kuăl amoh Brah Yêhôva da dê, Du ai pah kan ma Păng ndrel n'grŭp.

Kôranh Oh Mon 2:46

Ăp nar, khân păng gơih văch tât ngih brah; jêh ri ntơm bơh ngih aơ tât ta ngih êng, khân păng nkê̆ch piăng let jêh ri sông sa ndrel ma nau răm maak jêh ri ma nuih n'hâm nanê̆,

Kôranh Oh Mon 4:32

Nôk nây, lĕ phung chroh geh du ai nuih n'hâm, du nau mĭn, mâu geh bu nuyh uănh drăp ndơ păng nơm jêng ndơ êng, ƀiălah kơp ma lĕ rngôch ndô ndơ jêng ndơ mpôl.

I Kôrintô 1:10

Hơi phung oh nâu, tâm amoh Kôranh Brah he jêng Brah Yêsu Krist, gâp nkah ma lĕ rngôch khân may ăn geh du nau ngơi, gay ma tâm khân may mâu geh nau tâm nkhah, ƀiălah ăn geh nau tâm rnglăp ndrel ndrăng khân may tâm nau mĭn jêh ri du nau ntrâng.

Nau Vay Nkah Tay 16:16

Ăp năm pe tơ̆, ăn lĕ rngôch phung bu klâu tâm mpơl măt tanăp Yêhôva Brah Ndu khân may ta ntŭk Păng mra săch, nây jêng ta nar rƀŭn Piăng Let Mâu Geh Ndrui, nau rƀŭn Lĕ Pơh jêh ri nau rƀŭn Ngih Ndưp. Bu mâu mra yơr tanăp Brah Yêhôva ma bar ti dơm ôh,

Phung Kôranh Phat Dôih 20:1

Rnôk nây, lĕ rngôch phung ƀon lan Israel du luh ntơm bơh Dan tât ma Bêr-Sêba, nđâp lĕ n'gor Gilêat; hăn nâm bu du huê bunuyh jêh ri tâm rƀŭn tanăp Brah Yêhôva ta Mispa.