Êsra 10:6 - Nau Brah Ndu Ngơi 2023

⁶ Tơlah hăn luh tă bơh ngih Brah Ndu, Y-Êsra hăn lăp tâm jrô Y-Jêhôhanan, kon bu klâu Y-Êliasip. Păng lăp ta nây mâu sa piăng let jêh ri mâu đŏng nhêt dak lĕ, yorlah păng nhĭm nhhiăng yor ma nau tih mâu geh gŭ ueh răp jăp bơh phung tă bơh nau ƀư bu nă plơ̆ sĭt.

Êsra 10:6 ပူးပေါင်းရင်းမြစ်များ

Êsra 10:1

Tâm nôk Y-Êsra mbơh sơm, nhĭm n'ho mbơh nau tih jêh ri chon mon panăp ngih Brah Ndu, geh du phung ƀon lan Israel, nđâp phung bu ur jêh ri bu klâu jêh ri phung kon se jê̆ tâm rƀŭn du ntŭk gŭ jŭm păng, tâm ban đŏng nhĭm rngot da dê.

Êsra 10:7

Bu hăn mbơh lam n'gor Yuđa jêh ri Yêrusalem, kuăl lĕ rngôch phung tă bơh nau ƀư bu nă plơ̆ sĭt gay ma tâm rƀŭn ta Yêrusalem.

Êsra 9:4

Lĕ rngôch phung bunuyh tâm rƀŭn gŭ jŭm gâp, klach râm nsâr ngăn ma nau ngơi Brah Ndu Israel, yorlah tih mâu geh gŭ ueh răp jăp phung tă ƀư bu nă lĕ sĭt jêh hŏ ƀư tih; bi gâp lĕ krit ngăn gŭ ta nây kŏ tât mông nhhơr ndơ ƀư brah kêng mhaơ.

Nêhêmi 12:10

Y-Jêsua bă Y-Jôyakim; Y-Jôyakim bă Y-Êliasip; Y-Êliasip bă Y-Jôada;

Nêhêmi 12:22

Nau nchih amoh săk tâm ndrom samƀŭt phung kôranh ndŭl mpôl phung Lêvi jêh ri phung kôranh ƀư brah hŏ ƀư tâm rô̆ kôranh ƀư brah toyh lơn Y-Êliasip, Y-Jôada, Y-Jôhanan jêh ri Y-Jadua. Tât tâm rô̆ Darius chiă uănh, jêng hađăch n'gor Persi, mâu hôm geh amoh tâm ndrom samƀŭt ôh.

Nêhêmi 13:28

Du huê tâm phung kon bu klâu Y-Jôada, sau kôranh ƀư brah toyh lơn Y-Êliasip, hŏ nđăp kon druh Y-Sanbalat, phung Hôrôn, yor nau nây gâp mprơh păng du tă bơh gâp.

Nêhêmi 13:5

jêh ri jêng mpôl băl ma Y-Tôbia, hŏ ăn ma Y-Tôbia du jrô toyh jêng ta ntŭk nây ntơm saơm bu dŏng gay prăp ndơ ƀư brah rnih môi, ndơ ƀâu kah, ndơ dŏng, du kô̆ tâm jât ma ba ƀlê, ndrănh mhe jêh ri dak ngi ôlive, jêng lĕ ndơ tĭng nau vay ntăm prăp ma phung Lêvi, ma phung mprơ jêh ri ma phung gak njrăng mpông pêr, nđâp ma ndơ nhhơr prăp ma phung kôranh ƀư brah.

Nêhêmi 3:1

Kôranh ƀư brah toyh lơn Y-Êliasip ndrel ma phung oh nâu păng nơm jêng phung kôranh ƀư brah, ntơm ndâk mpông pêr Biăp jêh ri prăp ăn păng jêng kloh jêh nây dơm bar seng mpông. Khân păng thoi đŏng rdâk tât ma vâl tŭm Mêa jêh ri prăp ăn păng jêng kloh tât ma vâl tŭm Y-Hananel.

Nêhêmi 3:20

Pakơi păng geh Y-Baruk, kon bu klâu Y-Sakai, nkra du gâl êng tă bơh njônh ƀon tât ma mpông lăp ngih Y-Êliasip, kôranh ƀư brah toyh lơn.

Ndrom Samƀŭt bơh Yôp 23:12

Gâp mâu du ngai lĕ nau vay ntăm bơh bâr mbung Păng, Djôt prăp mro tâm nuih n'hâm gâp nau ngơi bơh bâr mbung Păng.

Nau Mprơ Ơm 102:4

Nuih n'hâm gâp nâm bu kao gơ̆ bu jot mpet jêh ri kro klêu; Gâp chuêl nđâp sông sa nhêt.

Nau Ngluh Êjipt 34:28

Y-Môis gŭ ta nây ndrel ma Brah Yêhôva tâm puăn jât nar jêh ri puăn jât măng, păng mâu sa ƀănh, mâu lĕ nhêt dak. Brah Yêhôva nchih ta bar rlat lŭ lĕ nau ngơi nau tâm rnglăp, jêng Jât Ntil Nau Vay Ntăm.

Êsai 22:12

Tâm nar nây, Kôranh Brah jêng Brah Yêhôva ma phung tahan Kuăl khân may ma nau nhĭm jêh ri klâng rngot, Poih bôk jêh ri nsoh ao ƀau;

Daniel 9:3

Gâp rle muh măt ma Kôranh Brah jêng Brah Ndu ŭch tĭng joi, mbơh sơm, vơl dăn ma nau ât sông sa, put bok ƀau jêh ri srih buh klơ bôk.

Nau Vay Nkah Tay 9:18

Jêh nây, yor nau tih khân may hŏ ƀư jêh nôk ƀư nau mhĭk gay nsônh nau ji nuih Brah Yêhôva, gâp chon mbah tanăp măt Păng tâm puăn jât nar măng, nâm bu nôk ta lor, gâp mâu geh sa piăng let kŏ mâu đŏng nhêt dak.