Êsra 10:5 - Nau Brah Ndu Ngơi 2023

⁵ Y-Êsra dâk, lah ma phung kôranh ƀư brah toyh, phung Lêvi, jêh ri lĕ rngôch phung Israel sơm ton pô aơ khân păng mra ƀư tĭng nâm nau hŏ lah jêh. Khân păng ton sơm ro.

Êsra 10:5 ပူးပေါင်းရင်းမြစ်များ

Êsra 10:3

Pôri aƀaơ, he tâm rnglăp hom đah Brah Ndu he, mprơh lơi lĕ rngôch phung bu ur nây jêh ri phung kon sau khân păng, tĭng nâm nau nchră bơh kôranh gâp jêh ri bơh phung geh nuih n'hâm klach yơk nau vay ntăm bơh Brah Ndu he. He ƀư hom lĕ nau nây tĭng nau vay Kôranh Brah nti.

Nêhêmi 10:29

tâm rnglăp ndrel phung oh nâu jêh ri phung ndrŏng khân păng gay sơm ton hăn tĭng tâm nau vay Brah Ndu hŏ ăn jêh ma Y-Môis, oh mon Păng, jêh ri djôt prăp, ƀư tĭng kơt lĕ rngôch nau vay ntăm, nau vay ƀư jêh ri nau vay dăp bơh Brah Yêhôva jêng Kôranh Brah hên.

Nêhêmi 13:25

Gâp nduyh jêh ri rak rtăp khân păng, gâp dong mbang bar pe nuyh mâu lah tôch sŏk khân păng jêh ri lah khân păng sơm ton knŏng ma amoh Brah Ndu pô aơ: “Khân may mâu mra mbloh ôh kon druh khân may đah kon ndăm khân păng mâu lah nđăp kon bu ur druh khân păng đah kon bu klâu ndăm khân may mâu lah ma săk jăn khân may nơm!

Nêhêmi 5:12

Khân păng lah: “Hên mra mplơ̆ ndơ nây jêh ri mâu hôm dăn du ntil ndơ ôh tă bơh khân păng. Hên mra ƀư di tĭng nâm may lah jêh.” Gâp kuăl đŏng phung kôranh ƀư brah jêh ri ăn khân păng sơm ton ƀư tĭng nâm nau ton nây.

Nau Hôr 1:5

Phung blau mĭn mra gŭ iăt jêh ri ntop nau gĭt blau lơn, Phung gĭt rbăng mra dơi joi nau bu ntĭm,

Nau Hôr 15:23

Mbung blau plơ̆ lah ƀư ăn bu răm maak, Nau ngơi di mông jêng ueh ngăn ngên!

Nau Hôr 27:9

Dak ƀâu kah jêh ri ndơ ƀâu kah ƀư răm maak nuih n'hâm bunuyh, Nau nkah tă tâm nuih n'hâm mĭt jiăng ăt rdơ̆ rbăn nâm bu pônây đŏng.

Nau Hôr 9:9

Ăn hom nau ƀŭn lap ma bunuyh blau mĭn, păng mra blau mĭn lơn; Sâm nti hom ma bunuyh sŏng srăng, păng mra ntop nau gĭt blau lơn.

Mathay 26:63

Ƀiălah Brah Yêsu ăt gŭ rklăk. Kôranh ƀư brah toyh lơn lah ma păng: “Gâp đă may tâm amoh Brah Ndu gŭ rêh mro mrăng ma nau sơm ton jêh ri lah ma hên gĭt, di lĕ may jêng Brah Krist, Kon Brah Ndu?”