Êsra 10:1 - Nau Brah Ndu Ngơi 2023

¹ Tâm nôk Y-Êsra mbơh sơm, nhĭm n'ho mbơh nau tih jêh ri chon mon panăp ngih Brah Ndu, geh du phung ƀon lan Israel, nđâp phung bu ur jêh ri bu klâu jêh ri phung kon se jê̆ tâm rƀŭn du ntŭk gŭ jŭm păng, tâm ban đŏng nhĭm rngot da dê.

Êsra 10:1 ပူးပေါင်းရင်းမြစ်များ

I Phung Hađăch 8:30

Dăn May rkêng tôr iăt nau oh mon May mbơh sơm jêh ri phung ƀon lan Israel May rle ma ntŭk aơ gay mbơh sơm. Bơh ntŭk May gŭ ta klơ trôk, dăn May hŏ tăng jêh ri sâm yô̆ an.

I Phung Hađăch 9:3

Brah Yêhôva lah ma păng pô aơ: “Gâp hŏ tăng jêh nau mbơh sơm jêh ri nau may ŭch dăn tanăp măt Gâp. Gâp prăp êng jêh ngih kloh ueh brah may hŏ ndâk, jêh ri dơm amoh Gâp ta nây n'ho ro. Măt jêh ri nuih n'hâm Gâp mra gŭ ta nây mro mrăng.

II Nau Rêh Jêng 20:13

Lĕ rngôch phung Yuđa, nđâp phung ur, phung kon se, gŭ dâk panăp Brah Yêhôva da dê.

II Nau Rêh Jêng 20:9

‘Tơlah nau mhĭk tât ma hên, mâu lah đao tak, mâu lah nau phat dôih, mâu lah nau ji kuet, mâu lah nau ji ngot, hên mra gŭ dâk tanăp ngih aơ jêh ri panăp May (yorlah amoh May gŭ tâm ngih brah aơ), jêh ri vơl dăn ma May dôl hên geh nau rêh ni hâu ngăn, May mra tăng jêh ri tâm rklaih hên.’

Êsra 10:6

Tơlah hăn luh tă bơh ngih Brah Ndu, Y-Êsra hăn lăp tâm jrô Y-Jêhôhanan, kon bu klâu Y-Êliasip. Păng lăp ta nây mâu sa piăng let jêh ri mâu đŏng nhêt dak lĕ, yorlah păng nhĭm nhhiăng yor ma nau tih mâu geh gŭ ueh răp jăp bơh phung tă bơh nau ƀư bu nă plơ̆ sĭt.

Nêhêmi 1:4

Nôk gâp tăng lĕ nau nây, gâp gŭ nhĭm nhhiăng, rngot rvê jŏ nar; gâp ât sông sa jêh ri mbơh sơm ma Brah Ndu klơ lĕ ndâr trôk dŭt prêh pô aơ:

Nêhêmi 1:6

Dăn măt Kôranh Brah treng uănh jêh ri tôr Kôranh Brah iăt nau gâp mbơh sơm gâp jêng oh mon Kôranh Brah, nau gâp mbơh sơm ăp nar nâm măng yor phung ƀon lan Israel, jêng phung oh mon Kôranh Brah gŭ tanăp măt Kôranh Brah jêh ri mbơh lĕ nau tih hên jêng phung ƀon lan Israel, hŏ ƀư tih jêh đah May. N'hêl nanê̆, gâp jêh ri phung chô yau gâp hŏ ƀư tih.

Nêhêmi 10:28

Phung ƀon lan hôm klen, phung kôranh ƀư brah, phung Lêvi, phung gak mpông pêr, phung mprơ, phung pah kan ta ngih brah, jêh ri lĕ rngôch phung nđâp ma ur kon bu klâu, kon bu ur khân păng tâm nkhah đah lĕ phung ƀon lan tâm n'gor bri khân păng gay tông tĭng nau vay Brah Ndu; lĕ rngôch jêng phung geh nau dơi jêh ri nau gĭt rbăng,

Nêhêmi 8:9

Y-Nêhêmi, kôranh mât uănh, Y-Êsra kôranh ƀư brah jêng kôranh nchih samƀŭt, nđâp phung Lêvi nti ntĭm phung ƀon lan, nti lah ma lĕ rngôch phung Israel, lah đah lĕ rngôch bunuyh Israel pô aơ: “Nar aơ jêng kloh ueh ma Yêhôva Brah Ndu khân may. Lơi klâng khĭt mâu lah nhhiăng nhĭm.” Yorlah lĕ rngôch phung ƀon lan nhĭm da dê tơlah gŭ iăt nau ngơi tâm nau vay.

Nau Mprơ Ơm 119:136

Dak măt gâp hoch nâm bu dak n'hor, Yorlah bu mâu tông prăp ôh ma nau vay May.

Nau Mprơ Ơm 32:5

Gâp mbơh jêh nau tih ma May, Gâp mâu pôn ôh nau djơh mhĭk gâp; Gâp lah: “Gâp mra mbơh lĕ nau gâp ƀư tih ma Brah Yêhôva, Jêh ri May yô̆ an nau tih gâp.” (Sêla)

Yêrêmi 13:17

Ƀiălah tơlah lĕ bunuyh mâu iăt ôh Huêng gâp mra nhĭm ăn ma nau sưr lĕ bunuyh. Gâp mra nhĭm rngot ngăn, hoch truh dak măt, Yorlah phung biăp Brah Yêhôva bu nhŭp rdu.

Yêrêmi 9:1

Ơ! Ŭch ma bôk gâp jêng dak n'hor, Măt gâp jêng tu dak măt, Gâp mra nhĭm ndăng nar măng Ăn phung bunuyh bu nkhĭt kon bu ur ƀon lan gâp!

Daniel 9:20

Gâp thoi tay nau nkoch bri jêh ri mbơh sơm, mbơh nau tih gâp tâm ban lĕ nau tih phung ƀon lan Israel gâp jêh ri tâm mpơl tanăp Yêhôva Brah Ndu gâp nau vơh vơl ăn ma yôk kloh ueh Brah Ndu gâp.

Ndrom Samƀŭt bơh Ôsê 14:2

Khân may djôt hom nau ngơi Plơ̆ sĭt ma Brah Yêhôva; Lah hom ma păng pô aơ: “Dăn sŏk lơi lĕ nau mhĭk hên Jêh ri mplơ̆ nau ueh uĭn, Gay ma hên dơi nhhơr ndơ ƀư brah tâm rnê ma trôm mbung. Ntrok ma ndrôk nkuăng.

Sakari 12:10

“Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.

Mathay 3:6

Khân păng mbơh nau tih jêh ri păng ƀư ƀaptem ma khân păng tâm dak krong Yurdan.

Luka 19:41

Tơlah văch dăch, uănh saơ ƀon nây, Brah Yêsu nhĭm ma păng jêh ri lah:

Kôranh Oh Mon 10:30

Y-Kôrnei plơ̆ lah: “Puăn nar pa năp aơ dơh, klăp lah mông aơ, jêng pe mông mhaơ, dôl gâp mbơh sơm tâm ngih gâp, ƀât lât geh du huê bunuyh nsoh ao rmah ƀlĭp tâm mpơl tanăp gâp

Kôranh Oh Mon 21:5

Tơlah lĕ nar hên gŭ njưh ta nây, hên hăn trong tay. Lĕ rngôch phung oh mon ndrel ma phung ur kon khân păng njŭn hên tât padih ƀon, jêh nây lĕ rngôch hên chon kômâk ta kơh dak mƀŭt jêh ri mbơh sơm.

Samƀŭt Pôl Njuăl Ăn Ma Phung Nsing Ta Ƀon Rôm 9:2

pô aơ gâp rngot ngăn, nuih n'hâm gâp ji mro mrăng.

Nau Vay Nkah Tay 31:12

Tâm rgum hom phung ƀon lan, lĕ bu klâu, bu ur, phung kon se jêh ri nơm gŭ njưh ƀât lât tâm ƀon khân may, gay ma khân păng dơi tăng jêh ri dơi nti nau klach yơk ma Yêhôva Brah Ndu khân may jêh ri blau njrăng ƀư tĭng kơt lĕ rngôch nau ngơi tâm nau vay aơ.

Yôsuê 7:6

Y-Yôsuê nkhêk ao păng nơm jêh ri nđâp ma phung bu ranh Israel păn muh măt ta neh panăp Hip Nau Tâm Rnglăp Brah Yêhôva kŏ tât kêng măng jêh ri sui neh muy ta klơ bôk khân păng nơm.

Yôsuê 8:35

Y-Yôsuê răk rĭng lĕ rngôch nau Y-Môis ntăm tanăp lĕ rngôch phung ƀon lan Israel, lĕ phung bu ur, phung kon se, jêh ri phung bu năch gŭ tâm nklang khân păng.