Êsêkiêl 9:8 - Nau Brah Ndu Ngơi 2023

⁸ Dôl khân păng lơh nkhĭt gâp gŭ êng du huê. Gâp păn muh măt jêh ri kuăl nter pô aơ: “Ơ Yêhôva Brah Ndu! May ŭch nkhŭt nau ji nuih tâm ƀon Yêrusalem gay ƀư rai lơi lĕ rngôch phung hôm klen ta ƀon Israel mâm ƀư?”

Êsêkiêl 9:8 ပူးပေါင်းရင်းမြစ်များ

Nau Ntơm 18:23

Y-Abraham hăn văch dăch jêh ri ơh: “Brah Ndu mra ƀư rai lĕ phung sŏng srăng nđâp ma phung djơh mhĭk ƀơh?

I Nau Rêh Jêng 21:16

Y-Đavit n'gơr uănh, saơ tông mpăr Brah Yêhôva dâk vah vang neh đah trôk, ti păng djôt đao yơr ta klơ Yêrusalem. Y-Đavit jêh ri phung bu ranh dôl nsoh ao ƀau, chon mon tâm neh.

Êsra 9:5

Tât jêh mông nhhơr ƀư brah kêng mhaơ, gâp dâk tă bơh ntŭk rêh ni bêk prêng, ao tâm dâng jêh ri ao jong lĕ hêk jêh, jêh ri gâp chon kômâk, yơr ti gâp rle mpeh Yêhôva Brah Ndu gâp

Yêrêmi 14:13

Ƀiălah gâp lah pô aơ: “Aơ! Ơ Kôranh Brah Yêhôva, geh phung nơm mbơh lor lah ma khân păng pô aơ: ‘Khân may mâu mra saơ đao, mâu lĕ geh nau sa sât ji ngot, yorlah Gâp mra ăn ma khân may gŭ tâm nau đăp mpăn nâp ktang tâm ntŭk aơ.’”

Yêrêmi 14:19

“May hŏ chalơi ngăn jêh phung Yuđa hĕ? Di lĕ nuih n'hâm May dôl tâm rmot ma phung Siôn lĕ? Mâm ƀư may dong hên, Mâu ƀư bah ôh ma hên? Hên kâp gân ma nau đăp mpăn, ƀiălah mâu saơ nau ueh tât ôh; Ŭch kâp yan ƀư bah, knŏng saơ nau klach krit.

Yêrêmi 4:10

Gâp lah ro: “Ơ! Kôranh Brah Yêhôva! Nanê̆ May hŏ ndơm phung ƀon lan aơ jêh ri Yêrusalem jêh. May ton: ‘Khân may mra dơi geh nau đăp mpăn,’ pôri đao dôl kêng trô ko!”

Êsêkiêl 11:13

Dôl Gâp gŭ mbơh lor, Y-Pêlatia kon bu klâu Y-Bênaya, khĭt. Gâp păn muh măt jêh ri nter ma bâr huy lah pô aơ: “Ơ Yêhôva Brah Ndu! May mra ƀư rai ngăn lĕ phung Israel hôm e klen aơ?”

Êsêkiêl 4:14

Gâp lah: “Ơ Yêhôva Brah Ndu! Huêng gâp mâu mâp ƀư ƀơ̆ ôh. Ntơm bơh jê̆ tât aƀaơ ri, gâp mâu mâp sa ôh mpô mpa khĭt măt mâu lah mpô mpa bri hêk sa, jêh ri mâu lĕ geh ndơ ƀơ̆ lăp jêh tâm trôm mbung gâp.”

Êsêkiêl 7:8

Aơ hôm djê̆ lê̆ Gâp mra nkhŭt nau Gâp ji nuih ta may jêh ri ăn mpay nau Gâp nuih ma may. Gâp mra phat dôih may tĭng nâm nau gŭ ngao jêh ri mplơ̆ ma may ntil nau ƀơ̆ ƀơch may.

Nau Kơp Bunuyh 14:5

Y-Môis jêh ri Y-Arôn chon mon chŭn muh măt ta neh tanăp lĕ rngôch phung ƀon lan Israel tâm rƀŭn.

Nau Kơp Bunuyh 16:4

Y-Môis tăng nau nây păng chŭn muh măt ta neh,

Nau Kơp Bunuyh 16:45

“Du ngai hom tă bơh phung tâm rƀŭn aơ, Gâp mra ƀư rai khân păng ƀât lât dơm.” Ƀiălah bar hê khân păng chŭn muh măt ta neh,

Nau Vay Nkah Tay 9:18

Jêh nây, yor nau tih khân may hŏ ƀư jêh nôk ƀư nau mhĭk gay nsônh nau ji nuih Brah Yêhôva, gâp chon mbah tanăp măt Păng tâm puăn jât nar măng, nâm bu nôk ta lor, gâp mâu geh sa piăng let kŏ mâu đŏng nhêt dak.

Yôsuê 7:6

Y-Yôsuê nkhêk ao păng nơm jêh ri nđâp ma phung bu ranh Israel păn muh măt ta neh panăp Hip Nau Tâm Rnglăp Brah Yêhôva kŏ tât kêng măng jêh ri sui neh muy ta klơ bôk khân păng nơm.