Êsêkiêl 9:6 - Nau Brah Ndu Ngơi 2023

⁶ Nkhĭt lĕ hom, ƀă phung bu ranh, ƀă phung mom ndăm, ƀă phung bu ur druh, ƀă bu ur me jêh ri phung kon se jê̆, ƀă bu-ur jêh ri kon se jê̆. Ƀiălah lơi hăn dăch mbu geh nchih nau mbên ta ndăr kleng. Ntơm hom tă bơh phung bu ranh gŭ panăp ngih.”

Êsêkiêl 9:6 ပူးပေါင်းရင်းမြစ်များ

Nau Ntơm 4:15

Brah Yêhôva lah: “Mâu ôh! Ƀiălah tơlah mbu nkhĭt Y-Kain, nơm nây bu mra plơng bôk bar tơ̆ pơh.” Brah Yêhôva nchih ăn nau mbên ta săk Y-Kain gay ma mbu mâp Y-Kain mâu dơi nkhĭt păng ôh.

II Nau Rêh Jêng 36:17

Yor nây, Brah Yêhôva đă hađăch phung Kaldê lơh khân păng, sŏk đao nkhĭt phung ndăm ta ngih brah kloh ueh khân păng, jêh ri mâu yô̆ ôh, ma phung ndăm mâu lah bu druh, bu ranh mâu lah phung rdja. Brah Yêhôva jao lĕ khân păng tâm ti hađăch phung Kaldê.

Nau Ngluh Êjipt 12:23

Brah Yêhôva mra hăn rgăn gay ƀư nđêh nji phung Êjipt; dôl saơ mham ta mbong mpông luh lăp, Păng mra hăn rgăn ro jêh ri mâu ăn ôh tông mpăr ƀư rai lăp tâm ngih khân may gay ƀư nau nđêh nji.

Yêrêmi 16:6

“Bunuyh toyh phung jê̆ mra khĭt da dê tâm neh aơ. Mâu geh nuyh tâp brôi, mâu lĕ geh nuyh nhĭm vơl, mâu lĕ rek tor săk jăn nơm mâu lah poih bôk yor khân păng.

Yêrêmi 25:29

Yorlah aơ, ƀon ri jêng ƀon bu ntơ ma amoh Gâp ƀiălah Gâp ntơm ăn tât nau mhĭk, pônây khân may mra klaih ma nau tâm rmal lĕ? Mâu! Khân may mâu mra klaih ôh ma nau tâm rmal, yorlah Gâp kuăl đao tât ma lĕ rngôch phung gŭ ta neh ntu,’” Brah Yêhôva ma phung tahan lah pônây:

Yêrêmi 44:7

Aƀaơ ri, Yêhôva Brah Ndu ma phung tahan, Brah Ndu Israel, lah pô aơ: ‘Mâm ƀư khân may ƀư ăn ma khân may nơm nau ƀai dŭt toyh kŏ tât bơh ma phung bu klâu, phung bu ur, phung kon se jê̆, phung oh bê dôl hôm pu bu ƀư rai lĕ bơh n'gor bri Yuđa, mâu hôm geh du huê bunuyh hôm klen ăn ma khân may?

Yêrêmi 44:8

Mâm ƀư khân may nsônh nuih Gâp ma kan ti khân ay may ƀư? Tâm n'gor bri Êjipt, ntŭk khân may mhe văch gŭ, khân may hŏ nhhơr ndơ ƀâu kah ăn ma phung brah êng kŏ tât dơn êng nau bu ƀư ngroh lơi, jêh ri jêng nau rak rtăp jêh ri bu ntêh rmot ta nklang lĕ rngôch ƀon lan ta neh ntu.

Yêrêmi 6:11

Yor nây, nuih n'hâm gâp prăp bêng ma nau ji nuih Brah Yêhôva, Gâp mâu dơi ât rklăk ôh. “Nkhŭt hom nau ji nuih nây ta klơ phung kon se ta trong sâng, Ta klơ phung ndăm dôl tâm rgum; Lĕ rngôch ur nđâp ma sai, Bu ranh jêh ri bunuyh âk năm bu mra nhŭp da dê.

Yêrêmi 9:21

Yorlah nau khĭt hŏ hao găn mpông bloh, Lăp mpôn ngih hađăch he, Nkhĭt jêh phung kon se rŏ trong sâng Jêh ri phung bu klâu ndăm tâm lĕ nhuang ƀon.

Êsêkiêl 11:1

Huêng Brah chông gâp leo klơ jêh ri njŭn tât mpông pêr Pa lơ ngih Brah Yêhôva mpeh luh nar. Aơ, ntŭk lăp mpông pêr, gâp saơ geh bar jât ma prăm nuyh, tâm nây geh Y-Jasania, kon bu klâu Y-Asur, jêh ri Y-Pêlatia, kon bu klâu Y-Bênaya, jêng phung kôranh chiă uănh ƀon lan da dê.

Êsêkiêl 9:4

jêh ri lah: “Hăn hom rgăn lam ƀon, jêng ƀon Yêrusalem, jêh ri nchih nau mbên ta ndăr kleng phung bunuyh vơl nter, nhĭm nhhiăng ma lĕ rngôch nau mhĭk hŏ ƀư tih jêh nklang ƀon aơ.”

Êsêkiêl 9:5

Jêh nây gâp tăng Păng lah ma phung êng pô aơ: “Tĭng hom pakơi bunuyh nây, hăn lam ƀon jêh ri lơh nkhĭt; măt may uănh lơi nhhuach ôh, mâu lĕ geh nau yô̆.

Amôt 3:2

Gâp knŏng gĭt khân may dơm Tâm lĕ rngôch phung băl mpôl bunuyh ta neh ntu; Yor nây, Gâp mra tâm rmal khân may Yor lĕ nau kue khân may.

Luka 12:47

Oh mon gĭt mĭn kôranh păng ŭch ƀiălah mâu ndrăp nkra nŭm jêh ri mâu ƀư ôh tĭng nâm kôranh păng ŭch, mra dơn nau rpăt âk ngăn.

Nau Vay Nkah Tay 2:34

Nôk nây hên sŏk lĕ rngôch ƀon toyh jêh ri ƀư rai lĕ phung bu klâu, phung bu ur nđâp phung kon se jê̆, mâu om du huê nuyh hôm rêh ôh.

Nau Vay Nkah Tay 3:6

He hŏ nkhĭt jêh lĕ ƀon toyh nây tâm ban ma he ƀư jêh ma Y-Sihôn, hađăch ƀon Hêsbôn, jêng ƀư rai lĕ rngôch ƀon toyh, nđâp phung bu klâu, phung bu ur nđâp ma phung kon se.

Nau Vay Nkah Tay 32:23

Gâp mra bun nau mhĭk ta klơ khân păng, Pănh ma hăr mplônh lăp ta khân păng.

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”

Nau Tâm Mpơl 14:4

Phung bunuyh nây mâu mâp ƀư ƀơ̆ ƀơch đah bu ur ôh, yorlah khân păng jêng phung kloh. Mbah ntŭk Kon Biăp hăn, phung bunuyh nây hăn tĭng ta ntŭk nây. Bu hŏ chuai jêh khân păng tă bơh nklang kon bunuyh gay ƀư play bôk yan ma Brah Ndu jêh ri ma Kon Biăp.

Nau Tâm Mpơl 7:3

jêh ri lah pô aơ: “Lơi ƀư mhĭk ma neh ntu, ma dak mƀŭt jêh ri ma tơm si ôh, kŏ tât nôk hên dơm ndơ tâp pŏng ta ndăr kleng phung oh mon Brah Ndu he.”

Nau Tâm Mpơl 9:4

Bu lah jêh ma khân păng lơi ƀư mhĭk ma gơ̆ rêp ta neh ntu, lĕ ndơ ndrêh jêh ri ma tơm si ôh, ƀiălah knŏng ƀư nau mhĭk ma phung bunuyh mâu geh ndơ tâp pŏng tă bơh Brah Ndu ta ndăr kleng khân păng.

I Samuel 15:3

Pôri aƀaơ, hăn hom tâm lơh đah phung Amalek jêh ri ƀư rai lĕ rngôch ndơ khân păng geh. May mâu mra yô̆ nđach ôh khân păng, nkhĭt lơi lĕ bu klâu, bu ur, phung kon se, lĕ ndrôk, biăp, seh samô jêh ri seh bri.’”