Êsêkiêl 9:1 - Nau Brah Ndu Ngơi 2023

¹ Păng nter kuăl nteh huy ta tôr gâp pô aơ: “Ăn phung mât uănh ƀon toyh văch dăch hom, ăp nơm djôt ndơ tâm lơh ƀư rai tâm ti păng nơm.”

Êsêkiêl 9:1 ပူးပေါင်းရင်းမြစ်များ

II Phung Hađăch 10:24

Jêh nây khân păng lăp gay nhhơr mpa ƀư brah jêh ri ndơ ƀư brah gŭch. Ƀiălah Y-Jêhu hŏ dơm pham jât nuyh gŭ kâp dâp padih, jêh ri lah: “Bunuyh ăn klaih du huê tâm phung gâp jao ma ti khân may, nơm nây mra roh nau rêh păng.”

I Nau Rêh Jêng 21:15

Brah Ndu prơh du huê tông mpăr hăn gay ƀư rai Yêrusalem. Ƀiălah tơlah saơ tông mpăr dôl ƀư rai Yêrusalem, Brah Yêhôva tâm rgâl nau mĭn ma nau ƀư mhĭk nây, jêh ri Păng ntăm ma tông mpăr nơm ƀư rai: “Găp jêh! Nkân hom ti may.” Rnôk nây taơ, tông mpăr Brah Yêhôva dâk dăch ntŭk mprah ba Y-Ôrnan, bunuyh Jêbusit.

Nau Ngluh Êjipt 12:23

Brah Yêhôva mra hăn rgăn gay ƀư nđêh nji phung Êjipt; dôl saơ mham ta mbong mpông luh lăp, Păng mra hăn rgăn ro jêh ri mâu ăn ôh tông mpăr ƀư rai lăp tâm ngih khân may gay ƀư nau nđêh nji.

Êsai 6:8

Rnôk nây, gâp tăng bâr nteh Kôranh Brah lah: “Mbu nơm gâp mra njuăl? Mbu nơm mra hăn an ma he?” Gâp lah: “Gâp ta aơ, dăn njuăl hom gâp hăn.”

Yêrêmi 4:6

Yơr hom n'ha kơ rle mpeh Siôn! Hăn du hom, lơi ta nsrŭng ôh! Yorlah Gâp mra djôt tât du nau mhĭk tă bơh mpeh pa lơ, Jêng du nau ƀư rai toyh.

Êsêkiêl 43:3

Nau tâm saơ gâp saơ rnôk nây tâm ban đah nau tâm saơ hŏ mpơl ma gâp tơlah Păng văch ƀư rai ƀon aơ. Păng tâm ban đah nau tâm saơ gâp hŏ tâm saơ ta kơh dak krong Kêbar jêh ri gâp păn muh măt ta neh.

Nau Tâm Mpơl 14:7

Tông mpăr ngơi huy pô aơ: “Klach yơk hom ma Brah Ndu jêh ri tâm rnê Păng, yor mông Păng phat dôih tât jêh. Yơk mbah hom ma Nơm rhăk njêng trôk, neh ntu, dak mƀŭt jêh ri lĕ tu dak.”