Êsêkiêl 8:3 - Nau Brah Ndu Ngơi 2023

³ Păng yơr ti tâm ban ma rup mpang ti djôt du pha sŏk ta klơ bôk gâp. Huêng Brah chông gâp leo klơ vah vang trôk đah neh tâm nau tâm saơ Brah Ndu mpơl ma gâp. Gâp dơi leo tât ma ƀon Yêrusalem, ta ntŭk lăp mpông pêr tâm nkual tâm trôm mpeh pa lơ, jêng ntŭk geh ndâk rup brah nau ntôn ƀư ma nau ntôn.

Êsêkiêl 8:3 ပူးပေါင်းရင်းမြစ်များ

I Phung Hađăch 18:12

Tơlah gâp du jêh tă bơh may, Huêng Brah Yêhôva mra djôt leo may hăn moh ntŭk gâp mâu gĭt ôh. Pôri, tơlah gâp nkoch tay ma Y-Ahap, jêh ri hađăch mâu saơ ôh may, nanê̆ păng mra nkhĭt lơi gâp. Oh mon may klach yơk ma Brah Yêhôva ntơm bơh hôm kon se jê̆.

II Phung Hađăch 16:14

Hađăch trơn ma nơng ƀư brah ma kông gŭ panăp Brah Yêhôva, ơm ta lor panăp ngih brah, vah vang nơng ƀư brah mhe jêh ri ngih Brah Yêhôva, jêh nây n'gân păng ta mpeh pa lơ nơng ƀư brah mhe.

II Phung Hađăch 2:16

jêh ri lah: “Aơ, tâm phung oh mon may geh prăm jât bunuyh dăng ktang. Dăn ăn khân păng hăn joi kôranh may. Klăp lah Huêng Brah Yêhôva djôt leo jêh păng hao jêh nây dơm păng ta klơ yôk mâu lah tâm rlŭng?” Y-Êlisê plơ̆ lah: “Lơi đă khân păng hăn.”

II Phung Hađăch 21:7

Bi ma rup brah Asêrah păng hŏ ƀư, pôri păng ndâk tâm trôm ngih Brah Yêhôva lah jêh ma Y-Đavit jêh ri Y-Salômôn, kon bu klâu păng, pô aơ: “Tâm ngih aơ jêh ri ta ƀon Yêrusalem, ntŭk Gâp lĕ săch jêh tâm lĕ rngôch ndŭl mpôl phung Israel, jêng ntŭk Gâp mra dơm amoh Gâp gŭ n'ho ro.

Nau Mprơ Ơm 78:58

Khân păng nsônh nuih Kôranh Brah yor lĕ ntŭk prêh, Ƀư ma Păng ji nuih yor lĕ rup trah.

Nau Ngluh Êjipt 20:4

Kon mâu dơi ƀư ma may nơm du mlâm rup brah tĭng nâm rup lĕ mpa tâm trôk ta klơ, mâu lah ta neh ntu, mâu lah tâm dak tâm dâng neh ntu.

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Nau Ngluh Êjipt 34:14

Lơi yơk mbah ôh ma brah êng, yorlah Brah Yêhôva, amoh Păng jêng Nơm blau ntôn; nanê̆ Păng jêng Brah Ndu blau ntôn.

Yêrêmi 32:34

Khân păng hŏ dơm jêh lĕ ndơ ƀơ̆ ƀơch tâm trôm ngih dơi ntơ ma Amoh Gâp, gay ƀư ƀơ̆.

Yêrêmi 7:30

Brah Yêhôva lah: “Phung kon ƀon lan Yuđa hŏ ƀư nau mhĭk tâm dâng măt Gâp. Khân păng dơm lĕ ndơ ƀơ̆ ƀơch tâm ngih dơi ntơ ma amoh Gâp, gay ƀư ăn păng ƀơ̆ ƀơch.

Êsêkiêl 1:1

Năm rơh pe jât, năng prăm ta khay puăn, dôl gâp gŭ ta nklang phung bu nă, gŭ ta kơh dak krong Kêbar, lĕ ndâr trôk pơk jêh ri gâp geh nau tâm saơ Brah Ndu mpơl ma gâp.

Êsêkiêl 10:3

Tơlah bunuyh nây hăn lăp phung chêrubim dâk pa ma ngih brah, jêh ri ndâr tŭk nkŭm bêng tâm nkual nhuang ta trôm.

Êsêkiêl 11:1

Huêng Brah chông gâp leo klơ jêh ri njŭn tât mpông pêr Pa lơ ngih Brah Yêhôva mpeh luh nar. Aơ, ntŭk lăp mpông pêr, gâp saơ geh bar jât ma prăm nuyh, tâm nây geh Y-Jasania, kon bu klâu Y-Asur, jêh ri Y-Pêlatia, kon bu klâu Y-Bênaya, jêng phung kôranh chiă uănh ƀon lan da dê.

Êsêkiêl 11:24

Huêng Brah chông gâp leo klơ jêh ri ma nau tâm saơ, Huêng Brah, Brah Ndu dơi njŭn gâp lăp n'gor bri Kaldê, tât ma phung bu mprơh du jêng bu nă. Jêh ri nau tâm mpơl gâp hŏ saơ du jêh bơh gâp.

Êsêkiêl 2:9

Gâp n'gơr uănh jêh ri saơ du ti djôt du ndrom samƀŭt ndơ̆ let gâp.

Êsêkiêl 3:12

Rnôk nây Huêng Brah chông gâp leo klơ jêh ri gâp tăng nau nteh mpât ktang ngăn pakơi gâp pô aơ: “Khư tâm rnê ma nau chrêk rmah Brah Yêhôva tă bơh tâm ntŭk Păng dôl gŭ!”

Êsêkiêl 3:14

Huêng Brah chông gâp leo rlet klơ jêh ri leo gâp hăn; gâp hăn nuih n'hâm bêng ma rngot ngăn ngên, ji nuih ngăn. Ti Brah Yêhôva dơm ta klơ gâp ma nau ktang ngăn.

Êsêkiêl 37:1

Ti Brah Yêhôva dơm ta gâp; Păng leo gâp luh yor ma Huêng Brah Yêhôva jêh ri dơm gâp ta nklang rlŭng; rlŭng nây bêng ma nting.

Êsêkiêl 40:2

Tâm lĕ rngôch nau tâm saơ bơh Brah Ndu, gâp saơ Păng leo gâp lăp bri Israel jêh ri dơm gâp ta klơ du gôl yôk prêh ngăn, ta klơ yôk nây, mpeh pa dâng, geh du ntil nau ndâk nkra nâm bu du rplay ƀon.

Êsêkiêl 43:5

Huêng Brah chông gâp leo klơ jêh ri njŭn gâp lăp nkual tâm trôm, jêh ri nau chrêk ma lơp Brah Yêhôva bêng ngih brah.

Êsêkiêl 43:8

Tơlah khân păng ndâk mpông ngih khân păng dăch mpông ngih Gâp jêh ri ndâk n'gâng mpông khân păng dăch n'gâng mpông Gâp, kŏ tât vah vang Gâp đah khân păng knŏng tâm ƀah du mlâm mpir dơm, pôri khân păng hŏ ƀư ƀơ̆ amoh kloh ueh Gâp. Yor nau kan ƀơ̆ khân păng ƀư jêh yor nây Gâp ji nuih dĭng ƀư rai lơi khân păng.

Êsêkiêl 5:11

Yêhôva Brah Ndu lah: “N'hêl nê̆ tĭng nâm Gâp gŭ rêh mro mrăng, yor may hŏ ƀư ƀơ̆ ƀơch jêh ntŭk kloh ueh Gâp tă bơh lĕ nau mhĭk Gâp tâm rmot yor ri Gâp mra ƀư rai may mâu mra nhhuach. Măt Gâp mâu mra yô̆ may đŏng ôh.

Êsêkiêl 7:20

Đơ ndơ nkrơ̆ săk ƀư ăn ma nau sưr khân păng jêh ri khân păng dŏng ndơ nây ƀư lĕ rup brah mhĭk jêh ri ndơ tâm rmot. Yor nây, Gâp hŏ ƀư ăn ndơ nây jêng ndơ ƀơ̆ ƀơch ma khân păng!

Êsêkiêl 8:5

Păng lah ma gâp: “Hơi kon bunuyh, n'gơr uănh hom mpeh pa lơ.” Pônây gâp n'gơr măt uănh mpeh pa lơ, jêh ri nĕ, mpeh pa lơ mpông pêr nơng ƀư brah, ntŭk trong lăp, geh rup brah nau ntôn nây.

Êsêkiêl 9:2

Jêh ri, geh prao nuyh tă bơh mpông pêr ta klơ mpeh pa lơ văch tât, ăp nơm djôt ndơ tâm lơh nkhĭt bunuyh tâm ti. Tâm phung khân păng geh du huê nsoh ao bok mhay, ta gang bŭt păng văn hip ndơ nchih. Prao bunuyh chuat lăp dâk ta meng nơng ƀư brah ma kông.

Daniel 10:10

Rnôk nây, geh du mpang ti pah ta gâp, rdâk gâp dâk tơlah kômâk jêh ri ti gâp râm sâr.

Daniel 10:18

Rnôk nây, nơm geh săk jăn tâm ban bu klâu pah ta gâp jêh ri ntop nau ktang ăn ma gâp.

Daniel 5:5

Nôk nây ro, geh nglau ti mpang ti bunuyh tâm mpơl, nchih ta klơ mpir ngih hađăch, tâm jâng ŭnh kađen; hađăch saơ mpang ti nây dôl gŭ nchih.

Kôranh Oh Mon 8:39

Dôk khân păng hao du luh tă bơh dak, Brah Huêng Ueh Kôranh Brah sŏk Y-Philip hăn; kôranh char mâu gĭt saơ păng ôh, jêh ri păng hăn tay ma nau maak.

Nau Vay Nkah Tay 32:16

Khân păng yơk mbah phung brah bu năch ƀư ăn Păng ji nuih đah phung brah nây Ƀư nau kan ƀơ̆ ƀơch gay nsônh nau ji nuih Păng.

Nau Vay Nkah Tay 32:21

Khân păng nsônh ăn Gâp ji nuih đah brah mâu di jêng Brah Ndu ôh, Ƀư ma Gâp ji nuih yorlah nau dơm dam bơh khân păng; Gâp ƀư đŏng ăn ma khân păng ntôn đah du phung ndŭl mpôl mâu di jêng phung ndŭl mpôl, Jêh ri ƀư ăn khân păng ji nuih yorlah du phung ƀon lan rluk.

Nau Vay Nkah Tay 4:24

Yorlah Yêhôva Brah Ndu khân may jêng du rlô ŭnh su jêh ri jêng Brah Ndu blau ntôn.

Nau Vay Nkah Tay 5:9

May mâu dơi chon mbah ôh tanăp lĕ rup nây mâu lah yơk mbah khân păng, yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât pe puăn rô̆ nuyh.

Nau Vay Nkah Tay 6:15

yorlah Yêhôva Brah Ndu may, Nơm gŭ ta nklang may, jêng Brah Ndu blau ntôn. Njrăng hom klach lah Yêhôva Brah Ndu may mra ji nuih ma may jêh ri ƀư rai lơi may bơh klơ neh.

Yôsuê 24:19

Y-Yôsuê lah ma phung ƀon lan: “Khân may mâu dơi tŏng nau dăng pah kan ma Brah Yêhôva, yor lan Păng jêng Brah Ndu kloh ueh, Brah Ndu gĭt ntôn, Păng mâu yô̆ an ôh ma nau kue jêh ri nau tih khân may.