Êsêkiêl 8:18 - Nau Brah Ndu Ngơi 2023

¹⁸ Yor nây yơh, Gâp mra ƀư ma khân păng tĭng nau ji nuih; măt Gâp mâu nhhuach ôh, mâu lĕ yô̆ klâng đŏng. Nđâp tơlah khân păng kuăl nter tăng tât ma tôr Gâp, Gâp mâu hôm ŭch n'gĭl iăt ôh.”

Êsêkiêl 8:18 ပူးပေါင်းရင်းမြစ်များ

Nau Hôr 1:28

Rnôk nây khân păng mra kuăl gâp, ƀiălah gâp mâu plơ̆ lah ôh; Ơm ôi khân păng mra joi gâp, ƀiălah mâu ôh dơi mâp gâp.

Êsai 1:15

Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

Êsai 59:1

Aơ, ti Brah Yêhôva mâu jêng gleh ôh dĭng Păng mâu dơi tâm rklaih; Tôr Păng mâu lĕ tê̆k dĭng Păng mâu dơi tăng.

Êsai 59:2

Ƀiălah yor nau kue khân may yơh Hŏ tâm nkhah khân may đah Brah Ndu khân may, Jêh ri nau tih khân may yơh pôn lơi muh măt Păng bơh khân may Kŏ tât Păng mâu iăt ôh khân may.

Yêrêmi 11:11

Yor nây, Brah Yêhôva lah pô aơ: ‘Aơ, Gâp mra ăn nau mhĭk tât ma khân păng jêh ri khân păng mâu dơi der ôh. Nđâp tơlah khân păng kuăl dăn ma Gâp, Gâp ăt mâu tăng ôh.

Yêrêmi 14:12

Nđâp lah khân păng ât sông sa, Gâp mâu mra iăt nau khân păng kuăl mbơh sơm; jêh ri nđâp lah khân păng nhhơr ndơ ƀư brah gŭch jêh ri ndơ ƀư brah rnih môi, Gâp ăt mâu dơn ôh; ƀiălah Gâp mra ƀư rai khân păng ma đao, nau sa sât ji ngot, jêh ri ma nau ji tưp.”

Yêrêmi 23:39

Yor nây Gâp mra chuêl khân may jêh ri lơi khân may nđâp ma ƀon Gâp hŏ ăn ma khân may jêh ri phung chô yau khân may ngai bơh măt Gâp.

Yêrêmi 44:3

Tă bơh nau ƀai khân păng hŏ ƀư tih jêh gay ƀư nsônh nuih Gâp. Khân păng nhhơr ndơ ƀâu kah jêh ri mbah ma phung brah êng, khân păng tâm ban ma phung khân may jêh ri ma phung chô yau khân may mâu mâp gĭt ôh.

Yêrêmi 44:6

Yor nây, Gâp nkhŭt nau ji nuih jêh ri ji nuih ngăn jŭr su lĕ rngôch ƀon bri Yuđa jêh ri tâm lĕ trong toyh ƀon Yêrusalem, ƀư ma khân păng jêng ntŭk rngot njăp rjăp, roh rai.

Nau Nhĭm Vơl 1:5

Phung rlăng păng jêng nơm chiă uănh, Phung rlăng păng geh nau chăt hao, Yorlah Brah Yêhôva ƀư ăn ma păng rêh ni Yor nau tih păng âk ir. Phung kon păng lĕ bu nhŭp jêh, Njŭn leo hăn ƀư bu nă tanăp phung rlăng.

Nau Nhĭm Vơl 2:17

Brah Yêhôva ƀư ngăn jêh nau Păng ŭch ƀư, Ƀư nau Păng hŏ lah jêh; Nâm bu nau Păng ntĭnh bơh jŏ kăl e, Păng hŏ n'glưh lơi jêh mâu geh nau yô̆ ôh; Păng ƀư ăn ma phung rlăng may maak yor ma may, N'hao prêh nke phung rlăng may.

Êsêkiêl 16:42

Nôk nây, nau ji nuih Gâp mra dŭt, nau Gâp ntôn mra du bơh ay jêh ri nau ji nuih Gâp lĕ djoh, mâu hôm ji nuih đŏng ôh.

Êsêkiêl 23:25

Gâp mra hao ntôn tâm rdâng đah ay jêh ri khân păng mra phat dôih ay tâm nau ji nuih ngăn. Khân păng mra koh trôm muh jêh ri ti ay; bi phung hôm e klen tâm ay mra cha lôt yor ma đao. Khân păng mra nhŭp kon bu ur kon bu klâu ay; phung ay hôm e klen tâm ay ŭnh mra sa rvăn.

Êsêkiêl 24:13

Nau ƀơ̆ ƀơch may jêng nau tih văng tĭr. Yorlah Gâp hŏ ƀư kloh jêh may ƀiălah may mâu ŭch dơi ƀư kloh, rĭ dĭng may mâu mra dơi ƀư kloh đŏng ôh, kŏ tât nau Gâp ji nuih đah may mâu hôm.

Êsêkiêl 9:10

Bi ma Gâp, măt Gâp uănh mâu mra nhhuach ôh, mâu mra yô̆ klâng lĕ. Gâp mra ƀư trong khân păng nkhŭt ta klơ bôk khân păng nơm.”

Êsêkiêl 9:5

Jêh nây gâp tăng Păng lah ma phung êng pô aơ: “Tĭng hom pakơi bunuyh nây, hăn lam ƀon jêh ri lơh nkhĭt; măt may uănh lơi nhhuach ôh, mâu lĕ geh nau yô̆.

Mika 3:4

Nôk nây, lĕ phung kôranh nây mra mbơh sơm ma Brah Yêhôva, Ƀiălah Păng mâu ôh plơ̆ lah. Păng mra pôn muh măt bơh khân păng Yorlah khân păng hŏ ƀư jêh nau djơh mhĭk.

Nahum 1:2

Yêhôva jêng Brah Ndu blau ntôn jêh ri plơng bôk; Brah Yêhôva jêng Nơm plơng bôk jêh ri bêng ma nau ji nuih. Brah Yêhôva plơng bôk phung tâm rdâng đah Păng, Jêh ri hao ji nuih đah phung rlăng Păng.

Sakari 1:2

“Brah Yêhôva nuih ngăn ma phung chô yau khân may.

Sakari 7:13

Brah Yêhôva ma phung tahan lah: ‘Lah Gâp kuăl, khân păng mâu ŭch iăt ôh, pôri lĕ, lah khân păng kuăl dăn, kŏ Gâp mâu iăt lĕ.

Luka 13:25

Tơlah kôranh ngih dâk jêh ri nchăng mpông jêh, khân may gŭ padih, goh mpông jêh ri kuăl pô aơ: ‘Ơ kôranh, dăn pơk mpông ma hên!’ Păng mra plơ̆ lah: ‘Gâp mâu gĭt khân may ntŭk tă.’

I Samuel 8:18

Nôk nây, khân may mra nter vơl yor ma hađăch jêng nơm khân may săch jêh ma khân may nơm, ƀiălah nôk nây Brah Yêhôva mâu iăt ôh ma khân may.”