Êsêkiêl 8:16 - Nau Brah Ndu Ngơi 2023

¹⁶ Jêh nây, Păng leo gâp lăp nkual nhuang ta trôm ngih Brah Yêhôva, ntŭk trong lăp ngih Brah Yêhôva, ta vah vang ndring jêh ri nơng ƀư brah. Gâp saơ geh tâm bar jât ma prăm nuyh, ndôn kơi mpeh ma ngih Brah Yêhôva, bi muh măt rle mpeh ma luh nar gŭ yơk mbah ma nar mpeh luh nar.

Êsêkiêl 8:16 ပူးပေါင်းရင်းမြစ်များ

I Phung Hađăch 8:29

Dăn măt Kôranh Brah nar jêh ri măng uănh treng ngih aơ, jêng ntŭk Kôranh Brah hŏ lah pô aơ: ‘Amoh Gâp gŭ ta nây,’ gay tăng nau mbơh sơm oh mon May rle mpeh ntŭk aơ.

II Phung Hađăch 16:14

Hađăch trơn ma nơng ƀư brah ma kông gŭ panăp Brah Yêhôva, ơm ta lor panăp ngih brah, vah vang nơng ƀư brah mhe jêh ri ngih Brah Yêhôva, jêh nây n'gân păng ta mpeh pa lơ nơng ƀư brah mhe.

II Phung Hađăch 21:5

Tâm bar ndring nhuang ngih brah Brah Yêhôva, păng ndâk nơng ƀư brah ma phung mănh mbing.

II Phung Hađăch 23:11

Păng mƀăr lơi lĕ rngôch rup seh phung hađăch Yuđa prăp nhhơr ma nar, ta ntŭk mpông lăp ngih Brah Yêhôva, dăch jrô kôranh bu char Y-Nathan-Mêlek, tâm ndring ngih brah. Hađăch su ma ŭnh ndeh seh hŏ prăp nhhơr ma nar.

II Phung Hađăch 23:5

Păng mprơh lơi phung kôranh ƀư brah nây, jêng lĕ phung hađăch Yuđa hŏ njêng jêh, gây ma su ndơ ƀâu kah ta klơ lĕ ntŭk prêh tâm lĕ rngôch ƀon tâm n'gor Yuđa jêh ri tâm ăp ntŭk jŭm ƀon Yêrusalem. Hađăch mprơh đŏng phung kôranh ƀư brah su ndơ ƀâu kah ma brah Baal, ma nar, ma khay, ma mănh, jêh ri ma lĕ rngôch mănh mbing.

II Nau Rêh Jêng 29:6

Yorlah phung che he hŏ ƀư tih jêh, ƀư nau mhĭk tanăp măt Yêhôva Brah Ndu he, chalơi Păng, jêh ri mâu ŭch rle muh măt uănh ma ntŭk Brah Yêhôva gŭ, ndôn kơi ma Păng.

II Nau Rêh Jêng 7:7

Y-Salômôn prăp êng du ntŭk kloh tâm nklang nhuang panăp ngih Brah Yêhôva, jêng ntŭk hađăch nhhơr ndơ ƀư brah gŭch jêh ri ngi ma ndơ ƀư brah ma nau đăp mpăn, yorlah nơng ƀư brah ma kông Y-Salômôn ƀư jêh, mâu dơi tŏng ntŭk ăn ndơ ƀư brah gŭch, ndơ ƀư brah rnih môi jêh ri ngi.

Yêrêmi 2:27

Khân păng ngơi ma n'gâng tơm si: ‘Păng jêng mbơ̆ gâp,’ Ma glo lŭ: ‘Păng hŏ deh jêh gâp.’ Yorlah khân păng hŏ ndôn kơi jêh, Mâu ŭch rle măt uănh Gâp. Ƀiălah tâm nôk nau rêh ni, khân păng ngơi: ‘Dăn gơnh sâm rklaih phung hên ƀă!’

Yêrêmi 32:33

Khân păng ndôn kơi jêh ri pôn muh măt khân păng ma Gâp. Nđâp lah Gâp hŏ nti ma khân păng ƀaƀơ, khân păng ăt mâu ŭch iăt ôh, mâu sŏk dơn nau ntĭm nti.

Yêrêmi 44:17

Ƀiălah, hên mra ƀư nŭm lĕ nau hŏ ton jêh luh bơh ma mbung hên, mra nhhơr ndơ ƀâu kah jêh ri ƀư nau ndơ nhhơr nhêt ma hađăch bu ur tâm trôk, nâm bu hên jêh ri phung chô yau hên, phung hađăch jêh ri phung kôranh hên hŏ ƀư jêh tâm ƀon n'gor Yuđa jêh ri n'gŏ trong toyh ƀon Yêrusalem. Nôk nây, hên hŏ geh ndơ sông sa âk rmeh, gŭ rêh geh nau chăt hao, mâu geh nau mhĭk tât ôh.

Yêrêmi 7:18

Phung kon dônh long, mbơ̆ sŭnh ŭnh, mê̆ piăch rnih, gay ƀư ƀănh nhhơr ăn ma hađăch bu ur tâm trôk, hôm ƀư tay rƀŭn ndơ nhhơr nhêt sa ăn ma lĕ brah êng, gay nsônh nau ji nuih Gâp.”

Yêrêmi 8:2

Bu mra ih lĕ nting nây tâm dâng nar, khay, jêh ri lĕ rngôch mănh klơ trôk khân păng hŏ rŏng kơnh, pah kan, hăn tĭng ndô̆, dăn lup, jêh ri yơk mbah. Lĕ nting nây mâu mra dơi rgum tay, ăt mâu dơi tâp ƀiălah mra jêng nâm bu ŭnh buh ta klơ măt neh.

Êsêkiêl 10:3

Tơlah bunuyh nây hăn lăp phung chêrubim dâk pa ma ngih brah, jêh ri ndâr tŭk nkŭm bêng tâm nkual nhuang ta trôm.

Êsêkiêl 11:1

Huêng Brah chông gâp leo klơ jêh ri njŭn tât mpông pêr Pa lơ ngih Brah Yêhôva mpeh luh nar. Aơ, ntŭk lăp mpông pêr, gâp saơ geh bar jât ma prăm nuyh, tâm nây geh Y-Jasania, kon bu klâu Y-Asur, jêh ri Y-Pêlatia, kon bu klâu Y-Bênaya, jêng phung kôranh chiă uănh ƀon lan da dê.

Êsêkiêl 23:35

Yor nây, Kôranh Brah Yêhôva lah: ‘Yorlah ay lĕ chuêl Gâp jêh, chalơi Gâp pakơi ay, yor nây ay dơn nau tât geh yor nau ƀơ̆ nau ka n'hong ay!’”

Êsêkiêl 23:39

Jêh khân păng nkhĭt lơi kon păng nơm nhhơr ma rup brah, tâm nar nây, khân păng lăp tâm ntŭk kloh ueh Gâp gay ƀư ƀơ̆ ƀơch ntŭk nây! Nây jêng nau khân păng ƀư ta nklang ngih Gâp!

Êsêkiêl 40:28

Jêh ri, bunuyh nây njŭn gâp lăp tâm nkual rgăn mpông pêr pa dâng. Păng veh mpông pêr pa dâng jêh ri mpông nây geh nau veh tâm ban đah lĕ rngôch mpông pêr êng.

Êsêkiêl 40:6

Jêh ta nây, păng hăn tât ta mpông pêr mpeh luh nar, chuat hao pe mbak gung gay veh ndring mpông mpêr, nau dĭ du bông mâng; ndring êng ăt du bông mâng.

Êsêkiêl 43:5

Huêng Brah chông gâp leo klơ jêh ri njŭn gâp lăp nkual tâm trôm, jêh ri nau chrêk ma lơp Brah Yêhôva bêng ngih brah.

Êsêkiêl 43:8

Tơlah khân păng ndâk mpông ngih khân păng dăch mpông ngih Gâp jêh ri ndâk n'gâng mpông khân păng dăch n'gâng mpông Gâp, kŏ tât vah vang Gâp đah khân păng knŏng tâm ƀah du mlâm mpir dơm, pôri khân păng hŏ ƀư ƀơ̆ amoh kloh ueh Gâp. Yor nau kan ƀơ̆ khân păng ƀư jêh yor nây Gâp ji nuih dĭng ƀư rai lơi khân păng.

Êsêkiêl 45:19

Kôranh ƀư brah mra sŏk mham mpa ƀư brah chuai nau tih mhĭng mham ta lĕ jrŏng mpông ngih brah, ta puăn njônh ndơ ndor năp nơng ƀư rah jêh ri ta lĕ jrŏng mpông pêr tâm ndring ta trôm.

Êsêkiêl 46:1

Kôranh Brah Yêhôva lah: “Mpông pêr tâm ndring ta trôm mpeh luh nar mra ntĭl dôl prao nar pah kah, ƀiălah mra pơk tâm nar saƀat jêh ri tâm nar ntơm luh khay mhe.

Êsêkiêl 7:23

Ndrăp hom rse rvăk! Yorlah neh bêng ma nau ƀư pling mham jêh ri ƀon bêng ma nau tih mhĭk.

Êsêkiêl 8:15

Păng lah ma gâp: “Hơi kon bunuyh, mâp saơ lĕ? May mra hôm saơ lĕ nau mhĭk gâp tâm rmot toyh lơn đŏng!”

Yôel 2:17

Phung kôranh ƀư brah jêng phung pah kan ma Brah Yêhôva, Nhhiăng nhĭm hom, nter kuăl ta nklang mpông ngih brah jêh ri ta nơng ƀư brah pô aơ: “Ơ Brah Yêhôva, dăn yô̆ nđach ma ƀon lan May, Lơi ăn drăp ndơn May phung mpôl băl bunuyh ƀư bêk prêng jêh ri mưch gơm. Mâm ăn bu ngơi ta nklang phung mpôl băl bunuyh lah pô aơ: ‘Ta ntŭk gŭ Brah Ndu khân păng?’”

Nau Vay Nkah Tay 17:3

hăn pah kan jêh ri yơk mbah ma phung brah êng, mâu lah mbah ma nar, ma khay mâu lah lĕ rngôch mănh mbing, jêng nau gâp mâu ntĭnh ôh,

Nau Vay Nkah Tay 4:19

Lah khân may n'gơr măt klơ trôk, jêh ri khân may saơ nar, khay, lĕ mănh mbing, lĕ rngôch phung tahan tâm trôk, lơi ăn bu đŏt rdu khân may chon mbah mâu lah yơk mbah ma khân păng, yorlah ndơ nây knŏng jêng ndơ Yêhôva Brah Ndu khân may hŏ ăn jêh ma lĕ rngôch phung ƀon lan gŭ tâm dâng neh.