Êsêkiêl 8:12 - Nau Brah Ndu Ngơi 2023

¹² Păng lah ma gâp: “Hơi kon bunuyh, may saơ lĕ nau phung bu ranh ngih Israel, ăp nuyh ƀư tâm ntŭk ngo klĕng, trôm jrô kach nsêr rup brah khân păng? Yorlah khân păng lah pô aơ: ‘Brah Yêhôva mâu saơ ôh he; Brah Yêhôva hŏ chalơi jêh bri aơ!’”

Êsêkiêl 8:12 ပူးပေါင်းရင်းမြစ်များ

II Phung Hađăch 17:9

Phung ƀon lan Israel ƀư lĕ nau mâu di tâm nau ndâp, ŭch tâm rdâng đah Yêhôva Brah Ndu khân păng. Khân păng ndâk lĕ ntŭk prêh klơ tâm lĕ rngôch ƀon, ntơm bơh ngih tŭm gak tât ma ƀon geh pôih nâp.

Nau Mprơ Ơm 10:11

Păng mĭn tâm nuih n'hâm: “Brah Ndu chuêl jêh, Păng lĕ pôn măt jêh ri mâu mra saơ nau aơ ôh.”

Nau Mprơ Ơm 14:1

Bunuyh rluk lah tâm nuih n'hâm pô aơ: “Mâu geh Brah Ndu ôh.” Khân păng rai yot da dê, ƀư lĕ kan ƀơ̆ ƀơch; Mâu geh du huê ƀư nau ueh ôh.

Nau Mprơ Ơm 73:11

Khân păng lah: “Mâm ƀư Brah Ndu dơi gĭt? Nơm Dŭt Prêh geh nau gĭt rbăng lĕ?”

Êsai 29:15

Rêh ni ngăn phung pôn nau khân păng tâm nchră tâm ntŭk jru ndâp bơh Brah Yêhôva, Kan tâm nau ngo, Jêh ri khân păng mĭn êng: “Mbu dơi saơ he, mbu dơi gĭt he?”

Êsai 47:10

Ay rnơm tâm nau ƀai ay. Jêh ri ay lah pô aơ: “Mâu geh nơm saơ gâp ôh.” Nau blau mĭn jêh ri nau ay gĭt rbăng Hŏ njŭn leo ay tâm trong tih, Jêh ri ay lah jêh tâm nuih n'hâm pô aơ: “Gâp aơ, rlau ma gâp mâu geh nơm êng ôh!”

Êsêkiêl 14:1

Geh ƀaƀă kôranh bu ranh Israel văch ta gâp jêh ri gŭ panăp gâp.

Êsêkiêl 20:1

Tâm năm rơh pơh, năng jât khay prăm, geh bar pe nuyh kôranh bu ranh Israel văch ôp ma Brah Yêhôva, jêh ri khân păng gŭ panăp gâp.

Êsêkiêl 8:11

Dâk panăp rup nây geh pơh jât kôranh bu ranh ngih Israel, tâm phung nây geh Y-Jasania, kon bu klâu Y-Saphan, ti ăp nơm djôt khăl gŭch ndơ ƀâu kah nhhŭk ndơ ƀâu kah n'hôl rlet klơ.

Êsêkiêl 8:13

Păng lah đŏng ma gâp: “May mra saơ nau mhĭk toyh lơn đŏng khân păng hŏ ƀư jêh!”

Êsêkiêl 8:15

Păng lah ma gâp: “Hơi kon bunuyh, mâp saơ lĕ? May mra hôm saơ lĕ nau mhĭk gâp tâm rmot toyh lơn đŏng!”

Êsêkiêl 8:17

Păng lah ma gâp: “Hơi kon bunuyh, may saơ lĕ? Ngih Yuđa hŏ ƀư tih lĕ nau ƀơ̆ kơt nây khân păng ƀư tih kơp jêng du ntil nau jê̆ lê̆ lĕ? Khân păng ƀư nau djơh mhĭk bêng bri neh jêh ri nsônh nuih Gâp ji nuih đŏng lĕ bơh. Ri, khân păng sŏk n'gĭng tơm si ăn dăch trôm muh khân păng!

Êsêkiêl 9:9

Păng lah ma gâp pô aơ: “Nau tih mhĭk ngih Israel jêh ri Yuđa hŏ toyh hâu ngăn. Bri neh bêng ma nau pling mham, tâm ƀon bêng nau mâu sŏng yorlah khân păng lah pô aơ: ‘Brah Yêhôva hŏ chalơi jêh bri neh aơ, Brah Yêhôva mâu saơ ôh.’

Sôphôni 1:12

Nôk nây, Gâp mra djôt ŭnh rdo sek joi ƀon Yêrusalem, Jêh ri mra tâm rmal phung geh nau mpay jêh nâm bu ndrănh djah dăch dŭt, Jêng phung lah êng pô aơ: ‘Brah Yêhôva mâu mra ăn nau ueh ôh, Mâu lĕ ăn nau mhĭk.’

Êphêsô 5:12

yorlah nđâp tơlah knŏng ngơi ma lĕ nau khân păng ƀư tâm nau ndâp jêng đit prêng jêh.

Nau Vay Nkah Tay 27:15

‘Rak rtăp ma nơm ƀư rup trah mâu lah rup tŏ, jêng ndơ Brah Yêhôva tâm rmot ngăn, jêng ndơ bơh ti blau bunuyh ƀư, jêh ri ndâk ndơ nây tâm ntŭk ndâp gay mbah!’ Ăn lĕ rngôch phung ƀon lan mra plơ̆ lah: ‘Amen!’