Êsêkiêl 7:8 - Nau Brah Ndu Ngơi 2023

⁸ Aơ hôm djê̆ lê̆ Gâp mra nkhŭt nau Gâp ji nuih ta may jêh ri ăn mpay nau Gâp nuih ma may. Gâp mra phat dôih may tĭng nâm nau gŭ ngao jêh ri mplơ̆ ma may ntil nau ƀơ̆ ƀơch may.

Êsêkiêl 7:8 ပူးပေါင်းရင်းမြစ်များ

II Nau Rêh Jêng 34:21

“Yor ma gâp jêh ri yor ma phung Israel hôm e klen jêh ri phung Yuđa, hăn ôp hom Brah Yêhôva ma lĕ rngôch nau ngơi tâm ndrom samƀŭt aơ hŏ joi saơ jêh. Yor nau Brah Yêhôva ji nuih nkhŭt jêh ta klơ he dŭt toyh ngăn, yor tă bơh phung che he mâu ŭch djôt prăp ôh nau Brah Yêhôva ntăm, jêh ri mâu tĭng kơt lĕ ntil nau hŏ nchih jêh tâm ndrom samƀŭt aơ.”

Nau Mprơ Ơm 79:6

Nkhŭt nau May ji nuih ta phung ƀon lan Mâu gĭt May, Jêh ri ta lĕ bri hađăch Mâu kuăl mbơh sơm ma amoh May.

Êsai 42:25

Yor nây, Kôranh Brah hŏ nkhŭt jêh nau ji nuih hâu ngăn Jêh ri nau tâm lơh ktang ngăn ta klơ păng; Ŭnh sa văr jŭm jêh păng, ƀiălah khân păng mâu gĭt rbăng ôh, Ŭnh sa jêh păng ƀiălah păng mâu mĭn rvê ôh.

Yêrêmi 36:31

Gâp mra tâm rmal păng, noi deh păng, jêh ri phung kôranh păng, yor nau mhĭk khân păng. Gâp mra ăn tât ma khân păng, jêh ri ma phung gŭ tâm ƀon Yêrusalem jêh ri phung Yuđa, lĕ rngôch nau mhĭk tât Gâp hŏ mbơh jêh ma khân păng ƀiălah khân păng mâu ŭch iăt ôh.’”

Yêrêmi 7:20

Yor nây, Kôranh Yêhôva lah: “Aơ, nau ji nuih Gâp, nau ji nuih Gâp, mra nkhŭt jŭr ntŭk aơ, ta klơ bunuyh jêh ri mpô mpa, ta klơ tơm si tâm mir jêh ri kao play neh; nau ji nuih nây mra hit gring gring, mâu dơi buh nhhât ôh.”

Nau Nhĭm Vơl 2:17

Brah Yêhôva ƀư ngăn jêh nau Păng ŭch ƀư, Ƀư nau Păng hŏ lah jêh; Nâm bu nau Păng ntĭnh bơh jŏ kăl e, Păng hŏ n'glưh lơi jêh mâu geh nau yô̆ ôh; Păng ƀư ăn ma phung rlăng may maak yor ma may, N'hao prêh nke phung rlăng may.

Nau Nhĭm Vơl 2:4

Păng van jêh na păng nâm bu phung rlăng, Ti pa ma Păng yơr hao nâm bu du huê rlăng; Păng hŏ nkhĭt lĕ rngôch phung ƀư maak măt hên uănh. Păng nkhŭt nau păng ji nuih nâm bu ŭnh Tâm ngih bok kon druh Siôn.

Nau Nhĭm Vơl 4:11

Brah Yêhôva hŏ ƀư jêh djoh nuih, Nkhŭt nau Păng ji nuih; Păng sŭnh ŭnh ta ƀon Siôn, Ŭnh sa lĕ rngôch mbon păng.

Êsêkiêl 11:21

Ƀiălah phung geh nuih n'hâm ŭch ma lĕ ndơ tâm rmot jêh ri ƀơ̆ ƀơch Gâp mra ƀư ma trong khân păng nkhŭt tay ta klơ bôk khân păng nơm,’ Yêhôva Brah Ndu lah pônây.”

Êsêkiêl 14:19

Mâu lah tơlah Gâp njuăl nau ji tưp tât tâm bri nây, tơlah Gâp nkhŭt nau ji nuih ƀư pling mham, nkhĭt lơi lĕ rngôch bunuyh jêh ri mpô mpa tâm bri bơh păng

Êsêkiêl 16:43

Yorlah ay mâu kah gĭt ôh ma rnôk ay druh mom, ƀiălah duh nuih tâm rdâng đah Gâp tâm ăp ntil kan, yor ri, di yơh, Gâp mra ƀư ăn trong ay nkhŭt ta klơ bôk ay nơm,’ Kôranh Brah Yêhôva lah pônây. Mâu di hĕ ay ntop jêh nau tih văng tĭr tâm lĕ rngôch nau Gâp tâm rmot ma ay?

Êsêkiêl 16:59

Yorlah Brah Yêhôva lah pô aơ: “Ay hŏ tâm rmot jêh nau ay ton ƀư rai lơi nau tâm rnglăp Gâp, yor nây Gâp mra ƀư ma ay tâm di đah ay ƀư jêh.

Êsêkiêl 18:30

Yor nây, Kôranh Brah Yêhôva lah: ‘Hơi ngih Israel, Gâp mra phat dôih khân may, ăp nơm tĭng nâm kan păng ƀư. Rmal hom jêh ri chalơi lĕ rngôch nau tih khân may! Tâm ban pônây, nau nây mâu mra jêng ndơ chêh prah ăn ma khân may.

Êsêkiêl 20:13

Ƀiălah ngih Israel, tâm rdâng đah Gâp tâm bri rdah. Khân păng mâu ŭch chuat tĭng ôh nau vay dăp bơh Gâp, dun lơi nau vay ƀư bơh Gâp jêng nau ăn ma mbu nơm tông mra yor nau nây dơi rêh; khân păng ƀư tih rlau keh lĕ rngôch nar saƀat Gâp. Rnôk nây, Gâp lah Gâp mra nkhŭt nau Gâp ji nuih ta klơ khân păng jêh ri ƀư rai tâm bri rdah.

Êsêkiêl 20:21

Ƀiălah phung kon sau khân păng tâm rdâng jêh đah Gâp, khân păng mâu hăn tĭng nau vay dăp Gâp, mâu djôt prăp ôh nau vay ƀư bơh Gâp, jêng ntil nau bunuyh tông dơi rêh, jêh ri khân păng ƀư tih lĕ nar saƀat Gâp đŏng. Rnôk nây, Gâp lah Gâp mra nkhŭt nau Gâp ji nuih ta klơ khân păng, nkhŭt lĕ nau Gâp ji nuih tâm rdâng đah khân păng tâm bri rdah.

Êsêkiêl 20:33

Kôranh Brah Yêhôva lah: ‘Tĭng nâm Gâp gŭ rêh mro mrăng, Gâp mra sŏk ti ktang jêh ri yơr nting tur ti, nkhŭt nau ji nuih gay chiă uănh khân may!

Êsêkiêl 20:8

Ƀiălah khân păng ŭch tâm rdâng đah Gâp jêh ri mâu ŭch iăt Gâp ôh; ăp nơm mâu mƀăr ôh lĕ nau ƀơ̆ măt khân may jêh ri mâu chalơi phung rup brah bri Êjipt. Rnôk nây, Gâp lah pô aơ Gâp mra nkhŭt nau Gâp ji nuih ta klơ khân păng, nkhŭt lĕ nau ji nuih Gâp mra tâm rdâng ma khân păng ta nklang bri Êjipt.

Êsêkiêl 22:31

Yor ri Gâp nkhŭt jêh nau ji nuih ta klơ khân păng, jêh ri Gâp sŏk ŭnh ji nuih su khân păng. Gâp hŏ ƀư jêh trong khân păng nkhŭt ta klơ bôk khân păng, Kôranh Brah Yêhôva lah pônây.’”

Êsêkiêl 24:14

Gâp, Brah Yêhôva, hŏ lah jêh nau nây mra geh tât. Gâp mra ƀư, Gâp mâu mra plơ̆ rŭch ôh, mâu yô̆ ôh, mâu tâm rgâl nau mĭn ôh. Bu mra phat dôih may tĭng nâm trong jêh ri kan may pah,’ Kôranh Brah Yêhôva lah pônây.”

Êsêkiêl 30:15

Gâp mra nkhŭt nau Gâp ji nuih ma ƀon Sin, Jêng pôih nâp ngăn tâm n'gor bri Êjipt, Jêh ri mra ƀư rai phung ƀon lan ƀon Thêbes.

Êsêkiêl 33:20

Ƀiălah khân may lah pô aơ: ‘Trong Kôranh Brah mâu sŏng ôh!’ Hơi ngih Israel, Gâp mra phat dôih khân may, ăp nơm tĭng nâm kan păng ƀư.”

Êsêkiêl 6:12

Bu nơm gŭ ngai mra khĭt ma nau ji tưp nkhĭt. Bu nơm gŭ dăch mra chôt khĭt tâm dâng chông đao. Nơm hôm klen gŭ rêh jêh ri nơm bu nchueng jŭm mra khĭt ma nau sa sât ji ngot. Kơt nây, Gâp mra ăn tât lĕ nau Gâp ji nuih ta khân păng.

Êsêkiêl 7:27

Hađăch mra nhĭm vơl, phung kôranh chiă uănh mra nsoh nau klach, ti phung ƀon lan tâm n'gor bri râm sâr da dê. Gâp mra ƀư ma khân păng tĭng nâm nau khân păng gŭ ngao; Gâp mra phat dôih khân păng tĭng nâm khân păng hŏ ƀư tih. Rnôk nây, khân păng mra gĭt ma Gâp jêng Brah Yêhôva.’”

Êsêkiêl 7:9

Măt Gâp uănh mâu nhhuach ôh ma may, mâu lĕ yô̆ ôh ma may. Gâp mplơ̆ ma may tĭng trong may hăn jêh ri lĕ nau ƀơ̆ ƀơch may mra gŭ ta nklang may. Rnôk nây, khân may mra gĭt Gâp yơh, Brah Yêhôva, jêng Nơm tâm rmal.

Êsêkiêl 9:10

Bi ma Gâp, măt Gâp uănh mâu mra nhhuach ôh, mâu mra yô̆ klâng lĕ. Gâp mra ƀư trong khân păng nkhŭt ta klơ bôk khân păng nơm.”

Êsêkiêl 9:8

Dôl khân păng lơh nkhĭt gâp gŭ êng du huê. Gâp păn muh măt jêh ri kuăl nter pô aơ: “Ơ Yêhôva Brah Ndu! May ŭch nkhŭt nau ji nuih tâm ƀon Yêrusalem gay ƀư rai lơi lĕ rngôch phung hôm klen ta ƀon Israel mâm ƀư?”

Daniel 9:11

Lĕ rngôch phung Israel ƀư tih da dê nau vay May, rle ndŭr kơi, mâu ŭch tông bâr May ôh. Yorlah pônây, lĕ nau rtăp rak jêh ri nau ton nchih tâm nau vay Y-Môis, oh mon Brah Ndu, hŏ nkhŭt jêh ta klơ hên yorlah hên ƀư tih jêh đah May.

Daniel 9:27

Kôranh nây mra ƀư nau tâm rnglăp nâp đah âk bunuyh tâm du pơh. Ƀiălah tât ta n'gul pơh nây, păng mra rlu lơi nau nhhơr mpa ƀư brah jêh ri nau nhhơr ndơ ƀư brah rnih môi. Nơm ƀư rai mra tât klơ năr lĕ nau ƀơ̆ ƀơch kŏ tât nau gưl ƀư rai nglĕ dŭt hŏ nal jêh klơ phung ƀư rai.”

Ndrom Samƀŭt bơh Ôsê 12:3

Brah Yêhôva nduyh lah ma Yuđa Jêh ri tâm rmal Yakôb tĭng nâm trong păng chuat hăn; Brah Yêhôva mra mplơ̆ ma păng tĭng nâm kan păng ƀư.

Ndrom Samƀŭt bơh Ôsê 5:10

Phung kôranh Yuđa Nâm bu phung tĭt n'har bri; Gâp mra nkhŭt nau ji nuih ta khân păng Nâm bu nkhŭt dak.

Nahum 1:6

Mbu nơm dơi dâk tanăp nau Păng ji nuih? Mbu nơm dơi srôih dơn nau Păng duh nuih? Nau Păng ji nuih nkhŭt nâm bu ŭnh sa, Lĕ lŭ toyh mra chah yor tă bơh Păng.

Nau Tâm Mpơl 14:10

bunuyh nây mra nhêt ndrănh nau ji nuih mâu pot lai tă bơh Brah Ndu kêt tâm kachok nau Păng ji nuih, păng mra dơn nau nđêh nji tâm ŭnh jêh ri mô ŭnh tanăp phung tông mpăr kloh jêh ri tanăp Kon Biăp.