Êsêkiêl 7:6 - Nau Brah Ndu Ngơi 2023

⁶ Nau nglĕ dŭt hŏ tât, nau nglĕ dŭt hŏ tât jêh! Păng dâk tâm rdâng đah may. Ri păng tât jêh!

Êsêkiêl 7:6 ပူးပေါင်းရင်းမြစ်များ

Yêrêmi 44:27

Aơ, Gâp mra gŭ rngeh gay ƀư nau mhĭk tât ăn ma khân păng mâu di ƀư nau ueh ôh; lĕ rngôch phung bu klâu Yuđa dôl gŭ tâm bri Êjipt mra khĭt da dê ma đao jêh ri nau sât ji ngot kŏ tât khân păng rai lôch lĕ.

Nau Nhĭm Vơl 4:18

Bu n'gơr uănh nhuat jâng hên Gay ma hên mâu dơi hăn rŏ trong; Nau lôch dŭt ma hên hŏ dăch tât jêh! Nar hên hŏ lĕ jêh! Nglĕ dŭt hên hŏ tât jêh!

Êsêkiêl 12:23

Yor nây, mbơh hom ma khân păng: ‘Kôranh Brah Yêhôva lah: Gâp mra ƀư ăn lôch nau hôr nây, bu mâu mra dŏng păng đŏng ôh ƀư du nau hôr tâm bri Israel.’ Ƀiălah ngơi hom ma khân păng pô aơ: ‘Lĕ nar dăch tât jêh, lĕ nau tâm saơ mra jêng n'hêl nanê̆ ngăn!’

Êsêkiêl 21:25

May treh hom du mlâm trong ăn ma đao hăn rgăn rlet ma Raba, ƀon phung kon sau Ammôn, jêh ri du mlâm trong rlet ma Yuđa ta Yêrusalem jêng ƀon geh pôih nâp.

Êsêkiêl 39:8

Aơ, nau nây mra tât jêh ri mra geh tât ngăn, Kôranh Brah Yêhôva lah pônây. Nây jêng nar Gâp hŏ mbơh jêh!

Êsêkiêl 7:10

Aơ, nar nây! Păng tât jêh! Mrô nal lĕ dăp nal jêh, mâng jra hŏ luh kao jêh, nau sưr lĕ chăt nse jêh.

Êsêkiêl 7:3

Aƀaơ aơ, nau tât nglĕ dŭt ma may. Gâp mra nkhŭt nau Gâp ji nuih ta may; Gâp mra phat dôih may tĭng nâm trong may hăn jêh ri mra tâm rmal may yor lĕ nau ƀơ̆ ƀơch may.

Êsêkiêl 7:7

Hơi phung gŭ tâm n'gor bri, mrô hŏ nal ma may; rô̆ lĕ tât jêh, nar hŏ dăch jêh; mra geh nar nau uh ah ntrok nau troh hâk răm ta klơ yôk nâm.

Amôt 8:2

Rnôk nây Păng lah: “Hơi Y-Amôt, moh may saơ?” Gâp lah: “Du bĭ play tơm si yan ta vai.” Brah Yêhôva lah tay ma gâp: “Nau nglĕ dŭt tât jêh ma phung ƀon lan Israel Gâp; Gâp mâu mra nhhuach ma khân păng ôh.

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

II Pêtrôs 2:5

tơlah Păng mâu yô̆ an ma neh ntu kăl e, ƀiălah ăn dak lêng toyh ƀư rai neh ntu mâu chroh nây, knŏng prăp Y-Nôê, bunuyh mbơh nkoch ma nau sŏng srăng, jêh ri pơh nuyh êng;