Êsêkiêl 7:3 - Nau Brah Ndu Ngơi 2023

³ Aƀaơ aơ, nau tât nglĕ dŭt ma may. Gâp mra nkhŭt nau Gâp ji nuih ta may; Gâp mra phat dôih may tĭng nâm trong may hăn jêh ri mra tâm rmal may yor lĕ nau ƀơ̆ ƀơch may.

Êsêkiêl 7:3 ပူးပေါင်းရင်းမြစ်များ

Nau Ntơm 6:13

Brah Ndu lah ma Y-Nôê: “Gâp hŏ mĭn jêh mra nkhĭt lĕ rngôch bunuyh, yor ma khân păng dĭng neh ntu bêng ma nau djơh janh. Aơ, Gâp mra ƀư rai khân păng bơh klơ neh.

Êsai 47:7

Ay mĭn pô aơ: “Gâp mra jêng hađăch bu ur n'ho ro.” Ay mâu mâp mĭn ma lĕ nau aơ, Mâu lĕ ay mĭn ma nau mra tât ta kêng dŭt.

Yêrêmi 13:14

Brah Yêhôva lah: ‘Gâp mra ƀư ma bunuyh aơ tâm djrel đah bunuyh ri, mbơ̆ tâm tom đah kon. Gâp mra ti mâu djân, mâu yô̆, mâu nhhuach nôk Gâp ƀư rai khân păng.’”

Êsêkiêl 11:21

Ƀiălah phung geh nuih n'hâm ŭch ma lĕ ndơ tâm rmot jêh ri ƀơ̆ ƀơch Gâp mra ƀư ma trong khân păng nkhŭt tay ta klơ bôk khân păng nơm,’ Yêhôva Brah Ndu lah pônây.”

Êsêkiêl 16:38

Gâp mra tâm rmal ay nâm bu tâm rmal ma phung bu ur ƀư tih đah sai jêh ri ƀư pling mham. Gâp mra sŏk mham nau Gâp ji nuih jêh ri ntôn grang ƀư pling mham ta klơ bôk ay.

Êsêkiêl 16:43

Yorlah ay mâu kah gĭt ôh ma rnôk ay druh mom, ƀiălah duh nuih tâm rdâng đah Gâp tâm ăp ntil kan, yor ri, di yơh, Gâp mra ƀư ăn trong ay nkhŭt ta klơ bôk ay nơm,’ Kôranh Brah Yêhôva lah pônây. Mâu di hĕ ay ntop jêh nau tih văng tĭr tâm lĕ rngôch nau Gâp tâm rmot ma ay?

Êsêkiêl 16:59

Yorlah Brah Yêhôva lah pô aơ: “Ay hŏ tâm rmot jêh nau ay ton ƀư rai lơi nau tâm rnglăp Gâp, yor nây Gâp mra ƀư ma ay tâm di đah ay ƀư jêh.

Êsêkiêl 18:30

Yor nây, Kôranh Brah Yêhôva lah: ‘Hơi ngih Israel, Gâp mra phat dôih khân may, ăp nơm tĭng nâm kan păng ƀư. Rmal hom jêh ri chalơi lĕ rngôch nau tih khân may! Tâm ban pônây, nau nây mâu mra jêng ndơ chêh prah ăn ma khân may.

Êsêkiêl 21:25

May treh hom du mlâm trong ăn ma đao hăn rgăn rlet ma Raba, ƀon phung kon sau Ammôn, jêh ri du mlâm trong rlet ma Yuđa ta Yêrusalem jêng ƀon geh pôih nâp.

Êsêkiêl 22:31

Yor ri Gâp nkhŭt jêh nau ji nuih ta klơ khân păng, jêh ri Gâp sŏk ŭnh ji nuih su khân păng. Gâp hŏ ƀư jêh trong khân păng nkhŭt ta klơ bôk khân păng, Kôranh Brah Yêhôva lah pônây.’”

Êsêkiêl 24:14

Gâp, Brah Yêhôva, hŏ lah jêh nau nây mra geh tât. Gâp mra ƀư, Gâp mâu mra plơ̆ rŭch ôh, mâu yô̆ ôh, mâu tâm rgâl nau mĭn ôh. Bu mra phat dôih may tĭng nâm trong jêh ri kan may pah,’ Kôranh Brah Yêhôva lah pônây.”

Êsêkiêl 33:20

Ƀiălah khân may lah pô aơ: ‘Trong Kôranh Brah mâu sŏng ôh!’ Hơi ngih Israel, Gâp mra phat dôih khân may, ăp nơm tĭng nâm kan păng ƀư.”

Êsêkiêl 36:19

Gâp hŏ ƀư nchah rai nhhơt jêh khân păng tâm phung ƀon lan jêh ri khân păng lĕ pru pra lam bri dak êng; Gâp hŏ phat dôih khân păng tĭng trong jêh ri kan khân păng pah.

Êsêkiêl 5:12

Du kô̆ tâm pe tâm phung ƀon lan may mra khĭt ma nau ji tưp, mra djoh jêh ma nau ât ji ngot ta nklang may; du kô̆ tâm pe mra khĭt ma đao gŭ jŭm may; bi du kô̆ tâm pe đŏng Gâp mra ƀư nchah rai pru pra tĭng ăp mpeh sial jêh ri Gâp tŏk đao hăn tĭng khân păng.

Êsêkiêl 5:13

Nau Gâp ji nuih mra dơi lôch jêh ri nau Gâp ji nuih ma khân păng kŏ tât mpay jêh ri aih jêh. Tơlah Gâp hŏ ƀư lĕ lôch jêh nau Gâp nuih ma khân păng pôri khân păng mra gĭt yor nuih n'hâm duh nđơr Gâp nơm yơh, Brah Yêhôva, hŏ lah jêh ma khân păng.

Êsêkiêl 7:2

“Hơi kon bunuyh, Yêhôva Brah Ndu lah ma bri dak Israel pô aơ: ‘Nau tât nglĕ dŭt hŏ tât jêh! Puăn njônh bri aơ tât nglĕ dŭt jêh!

Êsêkiêl 7:27

Hađăch mra nhĭm vơl, phung kôranh chiă uănh mra nsoh nau klach, ti phung ƀon lan tâm n'gor bri râm sâr da dê. Gâp mra ƀư ma khân păng tĭng nâm nau khân păng gŭ ngao; Gâp mra phat dôih khân păng tĭng nâm khân păng hŏ ƀư tih. Rnôk nây, khân păng mra gĭt ma Gâp jêng Brah Yêhôva.’”

Êsêkiêl 7:4

Măt Gâp uănh mâu nhhuach ôh ma may, Gâp mâu mra geh nau yô̆ ma may; ƀiălah Gâp mra mplơ̆ ma may tĭng nâm trong may hăn, jêh ri ntil nau ƀơ̆ ƀơch may mra gŭ ta nklang may. Rnôk aơ, khân may mra gĭt Gâp jêng Brah Yêhôva.’

Êsêkiêl 9:10

Bi ma Gâp, măt Gâp uănh mâu mra nhhuach ôh, mâu mra yô̆ klâng lĕ. Gâp mra ƀư trong khân păng nkhŭt ta klơ bôk khân păng nơm.”

Ndrom Samƀŭt bơh Ôsê 12:3

Brah Yêhôva nduyh lah ma Yuđa Jêh ri tâm rmal Yakôb tĭng nâm trong păng chuat hăn; Brah Yêhôva mra mplơ̆ ma păng tĭng nâm kan păng ƀư.

Amôt 8:2

Rnôk nây Păng lah: “Hơi Y-Amôt, moh may saơ?” Gâp lah: “Du bĭ play tơm si yan ta vai.” Brah Yêhôva lah tay ma gâp: “Nau nglĕ dŭt tât jêh ma phung ƀon lan Israel Gâp; Gâp mâu mra nhhuach ma khân păng ôh.