Êsêkiêl 7:24 - Nau Brah Ndu Ngơi 2023

²⁴ Gâp mra njŭn leo lĕ bunuyh mhĭk lơn tâm lĕ rngôch phung bu năch gay ŭch pit in ngih khân păng. Gâp mra ƀư ma nau sưr nơm ktang lơn bu mra nhhât; lơi; lĕ ntŭk kloh ueh khân păng mra ƀư ƀơ̆ lơi.

Êsêkiêl 7:24 ပူးပေါင်းရင်းမြစ်များ

Nau Ntơm 47:26

Pôri Y-Yôsep njêng du nau vay dăp ma neh ntu ta n'gor Êjipt, n'ho hôm tât aƀaơ, ăn ma Pharaôn du kô̆ tâm prăm ndơ khân păng geh. Knŏng neh phung kôranh ƀư brah mâu ôh jêng drăp Pharaôn.

Nau Mprơ Ơm 106:41

Păng jao khân păng tâm ti phung bu năch, Jêh ri phung tâm rmot ma khân păng chiă uănh khân păng.

Nau Mprơ Ơm 74:7

Khân păng su ntŭk kloh ueh May, Ƀư rlâm jêh ri ƀư ƀơ̆ ntŭk gŭ amoh May.

Nau Mprơ Ơm 83:12

Yorlah khân păng lah pô aơ: “Sŏk pit lĕ ntŭk ndrêch gơ̆ Brah Ndu Ƀư drăp ndơ ma he.”

Êsai 5:14

Yor nây, ƀon phung khĭt pơk huy nuih n'hâm kơnh ŭch khân păng Jêh ri hă ăn huy mbung păng rlau keh; Phung ndrŏng jêh ri phung ƀon lan, Phung vay tâm djrel jêh ri phung nhŭl ndrănh, tŭp tâm nây da dê.

Yêrêmi 12:12

Ta klơ yôk hil tâm bri rdah Phung sŏk ntŭng ƀư rai hŏ lip tât jêh; Yor mpiăt đao Brah Yêhôva rvăn neh aơ Ntơm bôk đah aơ tât bôk đah ri, Mâu geh du săk jăn dơi đăp mpăn.

Yêrêmi 17:4

May mra ƀư roh êng Drăp ndơn Gâp ăn jêh. Gâp mra nhŭp may pah kan ma phung rlăng đah may Tâm du n'gor may ê hŏ mâp gĭt; Yorlah may hŏ sŭnh ŭnh hao ji nuih ma Gâp, Pôri păng mra su hit mro mrăng.”

Yêrêmi 4:7

Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Yêrêmi 6:12

Ngih vâl, lŏ sre ndrel ma ur kon khân păng Mra jao tâm ti phung êng; Yorlah Gâp mra yơr ti Tâm rdâng đah ƀon lan ta neh nây,” Brah Yêhôva lah pônây.

Nau Nhĭm Vơl 5:2

Drăp ndơn hên lĕ sĭt ma ti phung bu năch jêh, Ngih vâl hên jêng ndơ phung bu năch.

Êsêkiêl 21:2

“Hơi kon bunuyh, rle hom muh măt may leo rđŭng pa dâng jêh ri nti nau tâm rdâng mpeh pa dâng. Mbơh lor hom nau tâm rdâng đah bri krŏng ntŭk n'gor bri lâng Nêgep.

Êsêkiêl 21:31

Kôranh Brah Yêhôva lah: ‘Prăp hom đon, doh lơi đon hađăch; lĕ rngôch ndơ aơ mâu hôm nâm bu kơt saơm đŏng ôh! Moh ndơ dêh mra n'hao ăn prêh, moh ndơ prêh bu mra ntrŭnh lơi ăn dêh.

Êsêkiêl 24:21

‘Lah hom ma ngih Israel pô aơ: Kôranh Brah Yêhôva lah: Aơ Gâp mra ƀư ƀơ̆ ntŭk kloh ueh Gâp, jêng ntŭk khân may ƀư sŏk nau khư ma nau ktang khân may, trôm măt khân may ŭch kơnh, nuih n'hâm khân may rŏng. Kon bu ur, kon bu klâu khân may hŏ chalơi jêh mra cha lôt khĭt yor ma đao.

Êsêkiêl 28:7

Yor nây, Gâp mra ƀư ăn ma phung bu năch djơh lơn tâm lĕ bri dak Dâk tâm rdâng đah may; Khân păng mra tăk đao tâm rdâng đah nau gĭt rbăng nau ueh may, Ƀư ƀơ̆ nau chrêk rmah may.

Êsêkiêl 33:28

Gâp mra ƀư bri aơ jêng rngol, rngot njăp, nau dăng ktang păng ƀư sưr rlau mra rai lôch; lĕ yôk Israel mra jêng rngol kŏ tât mâu geh du huê nuyh prot rgăn ta nây đŏng ôh.

Sôphôni 1:13

Drăp ndơ khân păng bu mra sŏk pit, Ngih vâl bu mra chalơi rngot. Khân păng mra ndâk ngih ƀiălah mâu geh gŭ ôh, Tăm tơm krăk ƀâu ƀiălah mâu geh nhêt ôh dak ndrănh.”