Êsêkiêl 7:23 - Nau Brah Ndu Ngơi 2023

²³ Ndrăp hom rse rvăk! Yorlah neh bêng ma nau ƀư pling mham jêh ri ƀon bêng ma nau tih mhĭk.

Êsêkiêl 7:23 ပူးပေါင်းရင်းမြစ်များ

II Phung Hađăch 21:16

Rlau ma nây, lĕ nau tih Y-Manasê hŏ ƀư tih jêh ri ƀư ăn ma phung Yuđa ƀư tih, nsŭk ma khân păng ƀư nau mhĭk tanăp măt Brah Yêhôva, păng hŏ ƀư đŏng nau nkhŭt mham âk bunuyh mâu tih, kŏ tât mham nây bêng ƀon Yêrusalem bơh bôl aơ tât bôl ri.

II Phung Hađăch 24:4

jêh ri yor păng hŏ ƀư pling đŏng mham phung mâu geh tih, ƀư ăn ma Yêrusalem bêng mham mâu tih, kŏ tât Brah Yêhôva mâu hôm yô̆ an ôh.

Êsai 1:15

Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

Êsai 59:3

Yorlah mpang ti khân may ƀơ̆ ƀơch jêh yor ma krêp mham, Nglau ti khân may ƀơ̆ ƀơch yor nau tih, Mbung khân may ngơi nau mƀruh, Mpiăt khân may ngơi huêt nau ƀai.

Êsai 59:7

Jâng khân păng nchuăt tât nau mhĭk, Khân păng ndal ƀư pling mham phung mâu geh nau tih; Nau mĭn khân păng jêng nau mĭn kue, Nau ƀư roh jêh ri nau ƀư rai gŭ ta trong khân păng.

Yêrêmi 2:34

Ta klơ ntôr ao may Ăt krêp mham phung o ach mâu geh nau tih, Nđâp lah may mâu nhŭp ban khân păng lôk mpêr, Ƀiălah may ƀư lĕ rngôch.

Yêrêmi 22:17

Ƀiălah măt jêh ri nuih n'hâm may Knŏng ŭch sŏk drăp nkhôm ma nau mâu sŏng, Ƀư pling mham nơm mâu geh tih ôh, Ƀư nau tŭn jot jêh ri djơh mhĭk.’”

Yêrêmi 27:2

Brah Yêhôva lah ma gâp: “Ƀư hom ma may nơm du mlâm rse ntâu jêh ri du mlâm mâng mbăk, jêh ri văn ta trô ko.

Yêrêmi 40:1

Geh nau Brah Yêhôva lah ma Y-Yêrêmi jêh ma nau Y-Nêbusaradan kôranh chiă uănh toyh phung tahan gak mplơ̆ ăn kon me ma păng ta Rama. Rnôk Y-Nêbusaradan prơh joi Y-Yêrêmi pôri păng dôl bu nkông ndrel ma phung bu nă êng ƀon Yêrusalem jêh ri Yuđa dăch ma bu nhŭp djôt leo rlet ma Babilôn.

Yêrêmi 6:7

Nâm bu ntu dak mâm ƀư prăp ăn dak nđik nâm pônây, Pôri ƀon nây ăt prăp nau mhĭk păng pônây lĕ. Lam ƀon knŏng tăng nau ƀai jêh ri ƀư rai; Tanăp măt Gâp knŏng saơ ji kuet jêh ri sôt rmanh.

Yêrêmi 7:6

tơlah khân may mâu tŭn jot ôh phung bu năch, phung kon đơi mâu lah bu ur khĭt sai, jêh ri mâu ƀư pling mham mâu geh nau tih ta ntŭk aơ, mâu lĕ nchuăt tĭng phung brah êng gay vơt nau mhĭk ma khân may nơm,

Nau Nhĭm Vơl 3:7

Păng ƀư mpêr jŭm gâp, gâp mâu dơi klaih ôh; Păng nkông gâp ma rse rvăk jâk ngăn;

Êsêkiêl 11:6

Khân may hŏ nkhĭt âk râk ngăn bunuyh tâm ƀon aơ jêh ri ƀư bêng ma bunuyh khĭt tâm lam ăp trong sâng.’

Êsêkiêl 12:19

May mbơh hom ma ƀon lan tâm n'gor pô aơ: ‘Aơ jêng nau Brah Yêhôva lah ma phung gŭ tâm ƀon Yêrusalem, jêh ri tâm bri Israel: Khân păng sa piăng let khân păng ma nau klach jêh ri nhêt dak tâm nau klach krit, yorlah bri aơ geh ndơ sông sa mra jêng rngot njăp yor nau ƀai lĕ rngôch phung gŭ ta nây.

Êsêkiêl 18:12

tŭn jot phung o ach mâu geh ndô ndơ, ntŭng ndơ bu, mâu mplơ̆ ôh ndơ nchăm ăn ma nơm geh rnon, kâp gân ma phung rup brah jêh ri ƀư ma nau ƀơ̆ ƀơch,

Êsêkiêl 22:13

Ri, Gâp mpang ti Gâp tâm ndơ mâu di may hŏ ƀư jêh ri ta mham hŏ hoch tâm nklang may.

Êsêkiêl 22:27

Phung kôranh chiă uănh ta nklang păng nâm bu so bri hêk sa mpa; khân păng knŏng ŭch ƀư pling mham, ƀư roh lơi huêng gay geh drăp ndơ mâu sŏng.

Êsêkiêl 22:9

Ta ntŭk may, geh phung ngơi nchơt njêng nau ŭch pling mham; ta ntŭk may, geh phung ndrăp sông sa ta klơ lĕ rngôch yôk; ta nklang may, geh bunuyh ƀư tih văng tĭr.

Êsêkiêl 45:9

Kôranh Brah Yêhôva lah: ‘Hơi phung hađăch Israel, găp jêh khân may ƀư pônây! Chalơi hom nau ƀư djơh jêh ri tŭn jot, ƀư hom nau sŏng, nau di. Rlu hom nau pit in drăp ndơ ƀon lan Gâp, Kôranh Brah Yêhôva Brah lah pônây.’”

Êsêkiêl 8:16

Jêh nây, Păng leo gâp lăp nkual nhuang ta trôm ngih Brah Yêhôva, ntŭk trong lăp ngih Brah Yêhôva, ta vah vang ndring jêh ri nơng ƀư brah. Gâp saơ geh tâm bar jât ma prăm nuyh, ndôn kơi mpeh ma ngih Brah Yêhôva, bi muh măt rle mpeh ma luh nar gŭ yơk mbah ma nar mpeh luh nar.

Êsêkiêl 8:17

Păng lah ma gâp: “Hơi kon bunuyh, may saơ lĕ? Ngih Yuđa hŏ ƀư tih lĕ nau ƀơ̆ kơt nây khân păng ƀư tih kơp jêng du ntil nau jê̆ lê̆ lĕ? Khân păng ƀư nau djơh mhĭk bêng bri neh jêh ri nsônh nuih Gâp ji nuih đŏng lĕ bơh. Ri, khân păng sŏk n'gĭng tơm si ăn dăch trôm muh khân păng!

Êsêkiêl 9:9

Păng lah ma gâp pô aơ: “Nau tih mhĭk ngih Israel jêh ri Yuđa hŏ toyh hâu ngăn. Bri neh bêng ma nau pling mham, tâm ƀon bêng nau mâu sŏng yorlah khân păng lah pô aơ: ‘Brah Yêhôva hŏ chalơi jêh bri neh aơ, Brah Yêhôva mâu saơ ôh.’

Ndrom Samƀŭt bơh Ôsê 4:2

Knŏng bêng ma nau rak rtăp, mâu răp jăp, nkhĭt bunuyh, Nau ntŭng jêh ri văng tĭr; Khân păng ƀư lĕ nau pling mham aơ tât ma nau pling mham êng.

Mika 2:2

Khân păng kơnh neh mir jêh ri pit in lơi, Khân păng kơnh ngih vâl jêh ri sŏk lơi. Khân păng tŭn jot bu jêh ri ngih vâl khân păng Jêng bunuyh jêh ri drăp ndơ khân păng.

Mika 7:2

Bunuyh klach yơk hŏ roh jêh bơh neh ntu; Mâu hôm geh ôh nơm sŏng tâm phung bunuyh. Khân păng kâp rmiăt ŭch ƀư pling mham da dê; Ăp nơm sŏk nhuăl da dê nthăng ma oh nâu păng nơm.

Nahum 3:10

Nđâp lah pônây, păng nơm lĕ hăn jêng bu nă jêh, Jêh ri bu krŭng tâm ndrung; Phung kon păng lĕ bu rchiăt hăch Ntŭk tơm trong sâng ƀon toyh. Phung ndrŏng bu djôt leo nau tâm nchroh, Phung kôranh toyh bu nkông da dê.