Êsêkiêl 7:22 - Nau Brah Ndu Ngơi 2023

²² Gâp mra rle muh măt ma khân păng, khân păng mra ƀư ƀơ̆ lơi ntŭk kloh ueh Gâp; phung ntŭng mra lăp ta nây jêh ri ƀư ƀơ̆ păng.

Êsêkiêl 7:22 ပူးပေါင်းရင်းမြစ်များ

Nau Mprơ Ơm 10:11

Păng mĭn tâm nuih n'hâm: “Brah Ndu chuêl jêh, Păng lĕ pôn măt jêh ri mâu mra saơ nau aơ ôh.”

Nau Mprơ Ơm 35:22

Ơ Brah Yêhôva! May hŏ saơ jêh nau nây, lơi ta gŭ rklăk ôh. Ơ Kôranh Brah! Lơi ta gŭ ngai đah gâp.

Yêrêmi 18:17

Gâp mra ƀư ăn khân păng nchah rai pru pra tanăp măt phung rlăng Nâm bu sial tă luh nar khôm rdu. Tâm nar khân păng geh nau ji tưp, Gâp rle măt mâu uănh ma khân păng.”

Yêrêmi 19:13

Ngih vâl ƀon Yêrusalem jêh ri lĕ rngôch ngih phung hađăch Yuđa, nây jêng lĕ rngôch ngih bu hŏ su jêh ndơ ƀâu kah yơk mbah ma lĕ mănh tâm trôk jêh ri hŏ ƀư ndơ nhhơr nhêt ăn ma lĕ brah êng ta klơ chor ngih, bu mra ƀư ƀơ̆ da dê tâm ban Tôphet.’”

Yêrêmi 19:4

yorlah khân păng hŏ chalơi jêh Gâp, ƀư ntŭk aơ jêng ntŭk blă blơ. Ntŭk aơ, khân păng nhhơr ndơ ƀâu kah ma lĕ brah êng jêng lĕ brah ndơm dam khân păng nơm tâm ban ma phung chô yau khân păng, jêh ri lĕ phung hađăch Yuđa mâu mâp gĭt da dê. Khân păng hŏ ƀư jêh ntŭk aơ bêng ma mham mâu mâp geh nau tih ôh.

Êsêkiêl 24:21

‘Lah hom ma ngih Israel pô aơ: Kôranh Brah Yêhôva lah: Aơ Gâp mra ƀư ƀơ̆ ntŭk kloh ueh Gâp, jêng ntŭk khân may ƀư sŏk nau khư ma nau ktang khân may, trôm măt khân may ŭch kơnh, nuih n'hâm khân may rŏng. Kon bu ur, kon bu klâu khân may hŏ chalơi jêh mra cha lôt khĭt yor ma đao.