Êsêkiêl 7:20 - Nau Brah Ndu Ngơi 2023

²⁰ Đơ ndơ nkrơ̆ săk ƀư ăn ma nau sưr khân păng jêh ri khân păng dŏng ndơ nây ƀư lĕ rup brah mhĭk jêh ri ndơ tâm rmot. Yor nây, Gâp hŏ ƀư ăn ndơ nây jêng ndơ ƀơ̆ ƀơch ma khân păng!

Êsêkiêl 7:20 ပူးပေါင်းရင်းမြစ်များ

II Phung Hađăch 21:4

Păng ndâk lĕ nơng ƀư brah tâm ngih Brah Yêhôva, jêng ntŭk Brah Yêhôva lah jêh pô aơ: “Tâm ƀon Yêrusalem, Gâp mra dơm amoh Gâp ta nây.”

II Phung Hađăch 21:7

Bi ma rup brah Asêrah păng hŏ ƀư, pôri păng ndâk tâm trôm ngih Brah Yêhôva lah jêh ma Y-Đavit jêh ri Y-Salômôn, kon bu klâu păng, pô aơ: “Tâm ngih aơ jêh ri ta ƀon Yêrusalem, ntŭk Gâp lĕ săch jêh tâm lĕ rngôch ndŭl mpôl phung Israel, jêng ntŭk Gâp mra dơm amoh Gâp gŭ n'ho ro.

II Nau Rêh Jêng 2:9

gay nkra tơm si ăn âk râk ngăn ma gâp, yorlah ngih brah gâp ŭch ndâk jêng toyh dŭt ueh ngăn jêh ri lơp rmah mha ngăn ngên.

II Nau Rêh Jêng 36:14

Rlau ma nĕ, lĕ rngôch kôranh chiă uănh ma phung kôranh ƀư brah jêh ri phung ƀon lan lơ hô mâu gŭ răp jăp, ƀư lĕ nau ƀơ̆ ƀơch nâm bu phung ƀon lan chiau meng hŏ ƀư. Khăn păng ƀư ƀơ̆ ngih Brah Yêhôva, ngih Păng hŏ ƀư kloh jêh tâm ƀon Yêrusalem.

Êsra 3:12

Âk phung kôranh ƀư brah, phung Lêvi, kôranh ƀon, jêng phung bu ranh hŏ saơ ngih brah kăl e ri, khân păng nhĭm nter dôl nôk saơ mbon ngih brah mhe bu hŏ ndâk njêng jêh, nôk nây geh âk đŏng phung êng troh nter yorlah răm rhơn.

Nau Mprơ Ơm 48:2

Yôk Siôn prêh ngăn ueh reh Jêng nau răm maak ma lĕ rngôch neh ntu. Jêng yôk prêh lơn ma Saphôn, Jêng ƀon Hađăch dŭt toyh.

Nau Mprơ Ơm 50:2

Bơh Siôn ueh reh rah vah ngăn, Brah Ndu nchrat ang jêh.

Êsai 30:22

Khân may mra ƀư ƀơ̆ ƀơch lĕ rup trah chiăr ma prăk jêh ri rup tŏ ma mah. Khân may mra mƀăr lơi khân păng tâm ban ma ndơ ƀơ̆ jêh ri lah: “Du hom!”

Êsai 64:11

Ngih brah hên kloh ueh, Jêng ntŭk phung chô yau hên tâm rnê ma May Bu su jêh ma ŭnh; Lĕ rngôch ndơ khlay hên bu ƀư rai da dê jêh.

Yêrêmi 7:14

Yor nây moh nau Gâp hŏ ƀư ăn ma Silô, Gâp ăt mra ƀư ăn ngih aơ, jêng ngih dơi kuăl ma amoh Gâp, ngih khân may nsing, ntŭk gâp hŏ ăn jêh ma khân may ndrel phung chô yau khân may.

Yêrêmi 7:30

Brah Yêhôva lah: “Phung kon ƀon lan Yuđa hŏ ƀư nau mhĭk tâm dâng măt Gâp. Khân păng dơm lĕ ndơ ƀơ̆ ƀơch tâm ngih dơi ntơ ma amoh Gâp, gay ƀư ăn păng ƀơ̆ ƀơch.

Nau Nhĭm Vơl 1:10

Phung rlăng hŏ yơr ti Sŏk lĕ rngôch ndơ khlay păng; Păng nơm hŏ saơ jêh phung ƀon lan bu năch Lăp tâm ntŭk ngih kloh ueh, Khân păng jêng phung May hŏ buay jêh Mâu dơi lăp ôh ma nau tâm rƀŭn May.

Nau Nhĭm Vơl 2:1

Hơi, mâm dĭng Kôranh Brah hao ji nuih Nkŭm tŭk krăk klơ ta kon bu ur Siôn? Păng hŏ klŭp tă bơh trôk prêh jŭr tât ta neh Nau chrêk rmah Israel; Tâm nar ji nuih, Păng mâu hôm kah gĭt ôh ma rnơl chrong jâng Păng.

Nau Nhĭm Vơl 2:7

Păng hŏ mƀăr lơi jêh nơng ƀư brah, Tâm rmot lơi ntŭk kloh ueh; Păng hŏ jao jêh mpêr ngih hađăch ƀon Siôn Tâm ti phung rlăng; Khân păng troh nter tâm ngih Brah Yêhôva Nâm bu tâm nar rƀŭn.

Êsêkiêl 11:18

Khân păng mra tât ta nây jêh ri mra mƀăr lơi lĕ rngôch ntil ndơ mhĭk ƀơ̆ ƀơch jêh ri ndơ Gâp tâm rmot du bơh ntŭk nây.

Êsêkiêl 16:16

Ay sŏk kho ao ay ƀư jêng ntŭk prêh nkrơ̆ ueh gay ma ƀư nau văng tĭr ta nây. Lĕ nau tâm ban pônây tâm rnôk kăl e jêh ri pakơi aơ taơ mâu mra geh ôh.

Êsêkiêl 16:19

Ƀănh Gâp hŏ ăn jêh ma ay, rnih môi, dak ngi ôlive jêh ri dak sŭt Gâp ăn ay sa pôri ay djôt nhhơr nâm bu n'hôl ƀâu kah ăn ma khân păng. Ngăn yơh nau nây hŏ geh jêh,’ Kôranh Brah Yêhôva lah pônây.

Êsêkiêl 23:38

Khân păng ăt hôm ƀư nau aơ đŏng: Ndrel tâm du nar khân păng hŏ ƀư ƀơ̆ jêh ntŭk kloh ueh Gâp jêh ri ƀư tih lĕ rngôch nar saƀat Gâp!

Êsêkiêl 24:21

‘Lah hom ma ngih Israel pô aơ: Kôranh Brah Yêhôva lah: Aơ Gâp mra ƀư ƀơ̆ ntŭk kloh ueh Gâp, jêng ntŭk khân may ƀư sŏk nau khư ma nau ktang khân may, trôm măt khân may ŭch kơnh, nuih n'hâm khân may rŏng. Kon bu ur, kon bu klâu khân may hŏ chalơi jêh mra cha lôt khĭt yor ma đao.

Êsêkiêl 5:11

Yêhôva Brah Ndu lah: “N'hêl nê̆ tĭng nâm Gâp gŭ rêh mro mrăng, yor may hŏ ƀư ƀơ̆ ƀơch jêh ntŭk kloh ueh Gâp tă bơh lĕ nau mhĭk Gâp tâm rmot yor ri Gâp mra ƀư rai may mâu mra nhhuach. Măt Gâp mâu mra yô̆ may đŏng ôh.

Êsêkiêl 7:22

Gâp mra rle muh măt ma khân păng, khân păng mra ƀư ƀơ̆ lơi ntŭk kloh ueh Gâp; phung ntŭng mra lăp ta nây jêh ri ƀư ƀơ̆ păng.

Êsêkiêl 9:7

Păng lah đŏng ma khân păng: “Ƀư ƀơ̆ hom ngih brah, ƀư ma săk jăn khĭt bêng ma lĕ nkual nhuang! Hăn hom!” Pôri khân păng hăn jêh ri lơh nkhĭt bunuyh tâm ƀon.

Ndrom Samƀŭt bơh Agê 2:3

‘Mbu tâm khân may jêng bunuyh hôm e hŏ tă saơ nau chrêk rmah ngih brah aơ ntơm saơm? Jêh ri aƀaơ, mâm khân may saơ păng? Mâu di bơh jêng tâm dâng măt khân may, păng mâu hôm đŏng geh du ntil ndơ?’

Phung Kôranh Phat Dôih 8:24

Y-Gidêôn lah ma khân păng: “Ăn gâp dăn ma khân may du nau, jêng ăp nơm tâm khân may jao hom ma gâp lĕ rvang mblo tôr khân may pit in nây.” (Yorlah phung Ismaêl geh nau vay mblo rvang mah ta tôr.)

Phung Kôranh Phat Dôih 8:27

Y-Gidêôn sŏk mah nây ƀư du rup êphôt jêh ri dơm tâm ƀon toyh păng nơm ta Ôphra. Lĕ rngôch phung Israel ƀư nau văng tĭr nôk khân păng nhhơr mbah êphôt nây; păng jêng du mlâm dăk sân ma Y-Gidêôn jêh ri lĕ rngôch vâl păng.