Êsêkiêl 7:19 - Nau Brah Ndu Ngơi 2023

¹⁹ Khân păng mƀăr lơi prăk khân păng tâm trong toyh, mah khân păng jêng ndơ ƀơ̆ ƀơch. Prăk mâu lah mah ăt mâu dơi tâm rklaih ôh khân păng tâm nar Brah Yêhôva ji nuih. Khân păng mâu dơi ƀư ma khân păng bah ji ngot mâu hơm ndŭl yorlah nây jêng ndơ ƀư ăn ma khân păng tŭp tâm nau tih!

Êsêkiêl 7:19 ပူးပေါင်းရင်းမြစ်များ

II Phung Hađăch 7:15

Khân păng hăn tĭng phung tahan Aram kŏ tât ta dak krong Yurdan. Dôl tâm du njăr trong nây, khân păng saơ bêng ma kho ao jêh ri ndô ndơ phung tahan Aram mƀăr lơi tâm nôk nchuăt du. Phung prơh hăn plơ̆ sĭt jêh ri mbơh ma hađăch.

Nau Hôr 10:2

Drăp ndơ nau ƀư djơh mâu jêng khlay ôh, Ƀiălah nau sŏng srăng tâm rklaih bunuyh bơh nau khĭt.

Nau Hôr 11:4

Drăp ndơ mâu geh ôh nau khlay ta nar nau ji nuih, Ƀiălah nau sŏng srăng tâm rklaih bơh nau khĭt.

Nơm Nti 5:10

Nơm rŏng ma prăk rêl kŏ mâu mpay ma prăk rêl; Nơm rŏng ma drăp ndơ kŏ mâu mpay lĕ ma nau sa kao. Nau aơ ăt jêng dơm dam.

Êsai 2:20

Tâm nar nây, bu mra klŭp lơi Ma đe, ma rêt Lĕ rup brah ƀư ma prăk, ma mah, Jêng ndơ khân păng hŏ ƀư gay ma yơk mbah.

Êsai 30:22

Khân may mra ƀư ƀơ̆ ƀơch lĕ rup trah chiăr ma prăk jêh ri rup tŏ ma mah. Khân may mra mƀăr lơi khân păng tâm ban ma ndơ ƀơ̆ jêh ri lah: “Du hom!”

Êsai 55:2

Mâm ƀư khân may mplơ̆ prăk gay rvăt ndơ mâu jêng piăng let ôh? Mâm ƀư khân may djôt nau pah kan khân may nơm rgâl sŏk ndơ mâu blau hơm ôh? Njrăng iăt Gâp, sa hom ndơ kah, Jêh ri ƀư maak huêng khân may nơm ma ndơ sa kah.

Nau Nhĭm Vơl 4:1

Ơ yuh! Mah lĕ roh nau chrêk, Mah chrêk lĕ rgâl jêh! Lĕ glo lŭ kloh ueh gŭ ta aơ ta ri Tâm ăp ntŭk njônh trong sâng!

Êsêkiêl 13:5

Phung khân may ê hŏ hăn hao ôh lĕ ntŭk pêch đang jêh ri nkra tay mpêr ƀon ma ngih Israel gay dơi nâp dâk tâm lơh tâm nar Brah Yêhôva.

Êsêkiêl 14:7

Yorlah lĕ rngôch phung tâm ngih Israel, mâu lah bu năch gŭ njơh tâm n'gor bri Israel du ngai jêh đah Gâp prăp rup brah păng tâm nuih n'hâm jêh ri dơm nau djơh mhĭk panăp măt păng ƀư ăn chêh prah, jêh nây văch tât ma nơm mbơh lor gay ôp Gâp, Gâp nơm yơh jêng Brah Yêhôva mra plơ̆ lah ma păng.

Êsêkiêl 30:3

Yor nar nây dăch jêh, Nar Brah Yêhôva hŏ dăch jêh, Jêng nar tŭk mbâl, Rơh nau mhĭk tât ăn ma lĕ rngôch mpôl bunuyh.

Êsêkiêl 44:12

Yorlah khân păng hŏ pah kan jêh ma phung ƀon lan tanăp phung rup brah khân păng jêh ri ƀư ma ngih Israel tŭp tâm nau tih; yor ri, Gâp hŏ yơr ti tâm rdâng đah khân păng jêh ri khân păng mra anh nau tih khân păng, Kôranh Brah Yêhôva lah pônây.

Sôphôni 1:18

Nđâp ma prăk mâu lah mah khân păng Kŏ mâu dơi đŏng tâm rklaih khân păng Tâm nar Brah Yêhôva ji nuih. Ƀiălah tâm lam neh ntu mra geh ŭnh ntôn bơh Păng su ntrŭt, Yorlah Păng mra ƀư rai lĕ rngôch phung gŭ ta klơ neh ntu Ma nau krit toyh ngăn!”

Sôphôni 1:3

Gâp mra pih kloh lĕ kon bunuyh jêh ri mpô mpa, Gâp mra pih kloh lĕ sĭm klơ trôk jêh ri ka tâm dak mƀŭt; Gâp mra ƀư ma phung mhĭk chêh prah, Jêh ri ƀư rai lơi phung bunuyh bơh neh ntu.” Brah Yêhôva lah pônây.

Mathay 16:26

Moh nau khlay tơlah du huê bunuyh geh lĕ neh ntu ƀiălah roh huêng păng nơm? Moh ndơ bunuyh nây mra sŏk gay rgâl huêng păng nơm?

Samƀŭt Pôl Njuăl Ăn Ma Phung Nsing Ta Ƀon Rôm 11:9

Y-Đavit lah: “Ŭch ma sưng sông sa khân păng plơ̆ jêng dăk sân jêh ri nhuăl drăng, Lŭ chêh jâng jêh ri nau plơng bôk ma khân păng;