Êsêkiêl 7:18 - Nau Brah Ndu Ngơi 2023

¹⁸ Khân păng mra vân rse bŭt ma bok ƀau, nau krit nkŭm khân păng; lĕ rngôch muh măt prêng da dê, lĕ rngôch bôk poih plưn da dê.

Êsêkiêl 7:18 ပူးပေါင်းရင်းမြစ်များ

Nau Ntơm 15:12

Kêng nar nhâp, Y-Abram lêt bê̆ch; jêh ri aơ, nau ngo klĕng, nau klach hâu ngăn, jêh ri nau ngo mbâl tŭp nkŭm klơ păng.

Ndrom Samƀŭt bơh Yôp 21:6

Ăp tơ̆ lah gâp mĭn, gâp saơ nau kir klach ngăn, Râm nsâr săk jăn dŭt hâu.

Nau Mprơ Ơm 35:26

Ŭch ma phung răm maak nau mhĭk tât ma gâp Mra geh nau bêk prêng jêh ri bêk prêng hâu ngăn. Mbu dâk tâm rdâng đah gâp ma nau sưr, Geh nau nkŭm ma nau bêk prêng jêh ri bu rmot da dê.

Êsai 3:24

Ndơ ƀâu ôm mra ntrok ma ndơ ƀâu kah; Rse brăt ntrok jêng rse bŭt; Bôk hil ntrok ma sŏk krô; Ao bok ƀau ntrok ma ao jong ueh ngăn; Têl loih gŭch krĕt ntrok ma nau ueh.

Yêrêmi 3:25

Hên di ma lâng bê̆ch tâm nau bêk prêng, Ntâk klơ hên nau bêk prêng. Yorlah lĕ rngôch hên nđâp ma chô yau hên Hŏ ƀư tih đah Yêhôva Brah Ndu da dê; Ntơm bơh hôm mom ndăm tât aƀaơ, Phung hên mâu ŭch iăt nau Yêhôva Brah Ndu hên.”

Yêrêmi 48:37

Ăp nơm poih bôk hil, ăp nơm poih têp ăn pler; mpang ti ăp nơm têl tor, jêh ri ăp nơm mbăn ƀau sat da dê.

Yêrêmi 6:25

Lơi ta luh padih mir ôh, Lơi hăn nsong rŏ trong, Yorlah phung rlăng cheng đao, Srih nau klach krit lam ntŭk.

Yêrêmi 6:26

Hơi phung kon bu ur ƀon lan Gâp, put hom bok ƀau tâm săk, Jêh ri rlă tâm ndruyh ŭnh buh. Nhĭm vơl hom nâm bu roh kon bu klâu kon dul, Vơl nhĭm hom rngot ji ngăn; Yorlah phung ƀư rai Mra tât ndal rduh ma he.

Êsêkiêl 27:31

Khân păng poih bôk plưn yor may, Jêh ri nsoh ao ƀau. Khân păng mra nhĭm vơl may, Jêh ri nuih n'hâm bêng ma rngot klâng.

Yôel 1:13

Hơi phung kôranh ƀư brah, nsoh hom ao ƀau jêh ri nhĭm vơl! Hơi phung pah kan ta nơng ƀư brah, nhĭm vơl hom! Hơi phung pah kan ma Brah Ndu gâp, Văch nsoh hom ao ƀau rngeh lĕ du măng! Yorlah ndơ ƀư brah rnih môi jêh ri ndơ nhhơr nhêt sa mâu hôm geh nhhơr Tâm ngih Brah Ndu khân may!

Amôt 8:10

Gâp mra rgâl lĕ nar rƀŭn khân may jêng nar klâng rvê Jêh ri lĕ nau mprơ khân may jêng nau mprơ rngot. Gâp mra ƀư ăn khân may vân ƀau ta bŭt Jêh ri ƀư ăn lĕ rngôch bôk plưn da dê. Gâp mra ƀư ma khân may nhĭm nhhiăng nâm bu nuyh roh kon bu klâu kon dul Jêh ri nau nglĕ dŭt nâm bu du nar rngot ngăn ngên.”