Êsêkiêl 7:16 - Nau Brah Ndu Ngơi 2023

¹⁶ Đơ bunuyh hôm gŭ rêh klen mra nchuăt klaih jêh ri gŭ ta ka lơ yôk nâm bu plŭk gŭ tâm rlŭng, lĕ rngôch bunuyh nhĭm vơl da dê ma nau djơh mhĭk khân păng nơm.

Êsêkiêl 7:16 ပူးပေါင်းရင်းမြစ်များ

Êsra 9:15

Hơi Yêhôva Brah Ndu phung Israel, Kôranh Brah jêng sŏng srăng! Hên jêng phung hôm e klen djê̆, tâm ban hŏ saơ nar aơ. Aơ hên gŭ tanăp măt Kôranh Brah, bêng ma nau tih, nđâp lah mâu geh du huê nuyh ôh dơi gŭ tanăp măt May tâm nau tâm ban pônây.”

Nau Mprơ Ơm 55:2

Iăt nau gâp jêh ri plơ̆ lah đŏng; Gâp rŭng răng, lŭng nter jêh ri vĭ nau mĭn.

Êsai 1:9

Tơlah Brah Yêhôva ma phung tahan Mâu lơi ma he du phung djê̆ hôm rêh, Pôri he he hŏ jêng nâm bu ƀon Sôdôm, Jêh ri tâm ban ma ƀon Gômôrơ jêh.

Êsai 37:31

Phung klaih hôm rêh bơh ngih Yuđa mra thoi đŏng hon reh tâm dâng jêh ri geh play ta klơ.

Êsai 38:14

Gâp nter tâm ban ma sĭm njơch dak, sĭm rlêng; Gâp nđêng tâm ban ma sĭm plŭk; Măt gâp rgănh huơi jêh n'gơr uănh klơ prêh.” “Ơ Kôranh Brah, gâp dôl gŭ tâm nau rŭng răng, Dăn May kơl gâp!

Êsai 59:11

He rđêng nđor tâm ban ma kau ngrông, Jêh ri rđêng rngot tâm ban nteh sĭm plŭk rđêng; He kâp gân nau sŏng ƀiălah mâu tât ôh, Kâp gân nau tâm rklaih, ƀiălah păng gŭ ngai đah hên!

Êsai 59:12

“Yorlah tanăp măt Kôranh Brah, nau hên ƀư tih dŭt âk, Nau tih hên mbơh nau tâm rdâng đah hên. Yorlah nau hên ƀư tih hôm gŭ tâm hên Jêh ri hên gĭt năl nau mhĭk hên.

Yêrêmi 3:21

Geh bâr lŭng nter dơi tăng bơh lĕ dor hil, Nây jêng bâr phung kon Israel nhĭm nhhiăng vơl dăn, Yorlah khân păng hŏ hăn vĭ nhhơt trong, Hŏ chuêl Yêhôva Brah Ndu khân păng.

Yêrêmi 31:9

Khân păng mra văch ma nau nhĭm, Dăn mbơh sơm ma Gâp njŭn khân păng plơ̆ sĭt; Gâp mra njŭn khân păng hăn njŏ ta meng n'hor dak, Ta klơ trong sŏng, mâu geh nau chêh prah ôh. Yorlah ma phung Israel, Gâp jêng mbơ̆, Jêh ri phung Êphraim jêng kon bu klâu bôk rah Gâp.

Yêrêmi 44:14

Tâm phung ƀon lan Yuđa hôm klen nchuăt du gŭ tâm bri Êjipt mâu mra geh du huê bunuyh dơi klaih ôh mâu lah hôm rêh gay plơ̆ sĭt tay ma bri Yuđa, jêng ntŭk khân păng ŭch kâp plơ̆ sĭt tâm n'gor. Khân păng mâu mra dơi plơ̆ sĭt gŭ ôh, knŏng phung ƀaƀă nchuăt du klaih nây dơm.’”

Yêrêmi 44:28

Knŏng geh djê̆ dơm bunuyh klaih tă bơh tak đao nchuăt du tă bơh bri Êjipt plơ̆ sĭt tâm bri Yuđa. Rnôk nây, lĕ rngôch phung Yuđa hôm klen, jêng phung hŏ tât jêh ŭch gŭ tâm n'gor bri Êjipt aơ, mra gĭt mbu nau ngơi jêng di ngăn, nau ngơi Gâp mâu lah nau ngơi khân păng.

Yêrêmi 9:19

Yorlah geh nau nhĭm vơl bơh ma ƀon Siôn pô aơ: ‘Hên lĕ rai jêh! Hên prêng hâu ngăn yơh! Yorlah hên hŏ chalơi ntŭk gŭ; Ngih vâl hên bu hŏ ƀư rai jêh!’”

Êsêkiêl 14:22

Ƀiălah, aơ, phung hôm klen, nđâp ma phung kon bu ur, kon bu klâu, mra dơi djôt leo bơh tâm n'gor jêh ri khân păng mra hăn tât ma khân may. Jêh ri khân may mra saơ trong jêh ri nau khân păng ƀư pôri khân may mra bonh leng êng ma khân may ma nau mhĭk Gâp ăn jêh ta ƀon Yêrusalem, nây jêng ăp ntil ndơ Gâp hŏ ăn jêh ta păng.

Êsêkiêl 34:6

Phung biăp Gâp nchah rai nhhơt ta klơ lĕ rngôch nâm jêh ri lĕ rngôch yôk prêh; phung biăp Gâp hăn nsong lam bri neh ntu, mâu geh bunuyh mray, mâu lĕ geh bunuyh tĭng joi.’

Êsêkiêl 36:31

Rnôk nây, khân may kah gĭt tay trong mhĭk jêh ri nau kan mâu ueh khân may nơm. Khân may tâm rmot êng khân may nơm yor nau tih jêh ri nau ƀơ̆ khân may.’

Nahum 2:7

Bu sŏk lĕ ndơ nkrơ̆ ur hađăch jêh ri jêng bu nă; Phung oh mon bu ur ndoch ntang ntơh, rđêng nâm bu plŭk.

Sôphôni 1:14

“Nar toyh bơh Brah Yêhôva lĕ dăch tât jêh, Dăch ngăn jêh, păng tât gơnh ngăn ro. Geh bâr nter lah rêh ni ngăn tâm nar Brah Yêhôva, Nôk nây phung janh mra nter nhĭm tâm ban lĕ.