Êsêkiêl 7:15 - Nau Brah Ndu Ngơi 2023

¹⁵ Mpeh padih geh tak đao, mpeh tâm trôm geh nau ji tưp jêh ri sa sât ji ngot! Mbu moh bunuyh gŭ tâm mir mra khĭt ma gưm đao; mbu nơm gŭ tâm trôm ƀon mra khĭt nau sa sât ji ngot jêh ri nau ji tưp ran sŏk rvăn.

Êsêkiêl 7:15 ပူးပေါင်းရင်းမြစ်များ

Yêrêmi 14:18

Tơlah gâp hăn tâm mir, Ta nây saơ phung khĭt yor đao; Tơlah gâp lăp tâm ƀon, Ta nây saơ phung ji kuet yorlah sa sât ji ngot. Lĕ rngôch phung nơm mbơh lor nđâp ma phung kôranh nơm ƀư brah Hăn da dê tât du n'gor khân păng mâu gĭt ôh.’”

Nau Nhĭm Vơl 1:20

Ơ Brah Yêhôva, dăn uănh hom! Dôl gâp geh nau rêh ni ngăn; Proch khŭng gâp rung răng; nuih n'hâm gâp uh ah ngăn. Yorlah gâp dăng bôk dŭt n'hâm ngăn! Tâm trong sâng geh tak đao ntâp nkhĭt Tâm ngih vâl geh nau khĭt âk ngăn.

Nau Nhĭm Vơl 4:9

Phung khĭt yor đao Hôm geh nau ueh lơn ma phung khĭt ji ngot: Khân păng khĭt mbrơi mbrơi tâm nau nđêh nji, Yor mâu geh ndơ tă bơh mir.

Êsêkiêl 12:16

Nđâp tơlah, Gâp mra om lơi ƀaƀă tâm phung khân păng klaih tă bơh tak đao, nau sa sât ji ngot, nau ji tưp nkhĭt gay ma khân păng dơi mbơh tay lĕ nau ƀơ̆ ƀơch khân păng ăn ma phung mpôl băl bunuyh khân păng mra hăn gŭ, jêh ri khân păng mra dơi gĭt Gâp jêng Brah Yêhôva.”

Êsêkiêl 5:12

Du kô̆ tâm pe tâm phung ƀon lan may mra khĭt ma nau ji tưp, mra djoh jêh ma nau ât ji ngot ta nklang may; du kô̆ tâm pe mra khĭt ma đao gŭ jŭm may; bi du kô̆ tâm pe đŏng Gâp mra ƀư nchah rai pru pra tĭng ăp mpeh sial jêh ri Gâp tŏk đao hăn tĭng khân păng.

Êsêkiêl 6:11

Yêhôva Brah Ndu lah tâm ban pônây: “Tap hom ti, ntrâm jâng jêh ri ngơi: ‘Ơ yuh! Yorlah lĕ rngôch nau ƀai khư tâm rmot ngih Israel! Yorlah khân păng mra khĭt ma đao, nau sa sât ji ngot jêh ri nau ji tưp.’

Êsêkiêl 6:12

Bu nơm gŭ ngai mra khĭt ma nau ji tưp nkhĭt. Bu nơm gŭ dăch mra chôt khĭt tâm dâng chông đao. Nơm hôm klen gŭ rêh jêh ri nơm bu nchueng jŭm mra khĭt ma nau sa sât ji ngot. Kơt nây, Gâp mra ăn tât lĕ nau Gâp ji nuih ta khân păng.