Êsêkiêl 7:14 - Nau Brah Ndu Ngơi 2023

¹⁴ Nŭng hŏ uh, lĕ rngôch nau ndrăp da dê ƀiălah mâu geh nơm hăn ma nau tâm lơh yorlah nau Gâp ji nuih gŭ ta lĕ rngôch phung âk.

Êsêkiêl 7:14 ပူးပေါင်းရင်းမြစ်များ

Yêrêmi 12:12

Ta klơ yôk hil tâm bri rdah Phung sŏk ntŭng ƀư rai hŏ lip tât jêh; Yor mpiăt đao Brah Yêhôva rvăn neh aơ Ntơm bôk đah aơ tât bôk đah ri, Mâu geh du săk jăn dơi đăp mpăn.

Yêrêmi 4:5

Mbơh hom tâm phung Yuđa jêh ri tâm ƀon Yêrusalem pô aơ: “Uh nŭng hom lam neh. Nter huy hom pô aơ: ‘Abaơ, he tâm rgum hom Jêh ri du lăp ma ƀon nâp!’

Yêrêmi 51:27

“N'hao hom kơ tâm n'gor bri; Uh nŭng ta nklang lĕ bri dak; Ndrăp rơm hom phung ƀon lan gay tâm lơh đah păng! Kuăl rgum hom phung bri hađăch: Ararat, Mini, Askênas văch tât lơh păng! Dơm hom du huê kôranh tahan toyh, Djôt leo seh ndơ tâm lơh rduh tâm lơh janh ktang âk nâm bu krah ndrach!

Yêrêmi 6:1

“Hơi phung kon sau Benjamin, Du hom bơh Yêrusalem gay geh nau đăp mpăn! Uh hom nŭng ta Têkôa, Yơr kơ nau mbên klơ ƀon Bet-Hakêrem; Yorlah nau ji tưp jêh ri nau ƀư rai toyh ngăn, Bơh mpeh pa lơ dôl văch tât.

Yêrêmi 6:11

Yor nây, nuih n'hâm gâp prăp bêng ma nau ji nuih Brah Yêhôva, Gâp mâu dơi ât rklăk ôh. “Nkhŭt hom nau ji nuih nây ta klơ phung kon se ta trong sâng, Ta klơ phung ndăm dôl tâm rgum; Lĕ rngôch ur nđâp ma sai, Bu ranh jêh ri bunuyh âk năm bu mra nhŭp da dê.

Yêrêmi 7:20

Yor nây, Kôranh Yêhôva lah: “Aơ, nau ji nuih Gâp, nau ji nuih Gâp, mra nkhŭt jŭr ntŭk aơ, ta klơ bunuyh jêh ri mpô mpa, ta klơ tơm si tâm mir jêh ri kao play neh; nau ji nuih nây mra hit gring gring, mâu dơi buh nhhât ôh.”

Nau Nhĭm Vơl 2:3

Tâm nau ji nuih hâu ngăn, Păng koh lĕ rngôch nke phung Israel. Păng rhuăt lơi mpang ti pa ma, Dôl phung rlăng rduh lơh. Nâm bu chiông ŭnh hit Păng hŏ su jêh ta nklang bri Yakôb, Ŭnh sa lĕ rngôch ndơ gŭ jŭm.

Nau Nhĭm Vơl 2:4

Păng van jêh na păng nâm bu phung rlăng, Ti pa ma Păng yơr hao nâm bu du huê rlăng; Păng hŏ nkhĭt lĕ rngôch phung ƀư maak măt hên uănh. Păng nkhŭt nau păng ji nuih nâm bu ŭnh Tâm ngih bok kon druh Siôn.

Nau Kơp Bunuyh 10:9

Nôk tâm n'gor geh tâm lơh jêh ri ăn khân may hăn du luh tâm lơh tâm rdâng đah phung rlăng tŭn jot khân may, pôri khân may mra uh nŭng ăn hăn tâm lơh. Nôk nây taơ, Brah Yêhôva Brah Ndu khân may mra kah gĭt ma khân may jêh ri rklaih ma khân may luh bơh phung rlăng.