Êsêkiêl 7:13 - Nau Brah Ndu Ngơi 2023

¹³ Yorlah nơm tăch nđâp lah păng hôm rêh mâu mra plơ̆ sŏk tay ma ndơ păng hŏ tăch jêh. Yorlah nau tâm saơ ma lĕ rngôch phung âk mâu mra tâm rgâl lơi ôh. Yorlah nau mhĭk khân păng, mâu geh du huê dơi prăp nau rêh păng ôh.

Êsêkiêl 7:13 ပူးပေါင်းရင်းမြစ်များ

Êsther 8:8

Pôri khân ay may sŏk hom amoh gâp nchih moh nau di khân ay may nơm mĭn ma phung Yuđa, jêh nây sŏk rgên ti gâp tâp pŏng. Yorlah samƀŭt nau ntrŭnh nây hŏ nchih tâm amoh gâp jêh ri tâp pŏng ma rgên ti gâp, bu mâu dơi chalơi ôh.”

Ndrom Samƀŭt bơh Yôp 15:25

Yorlah păng yơr ti tâm rdâng đah Brah Ndu, Jêh ri sưr rlau rlong uănh ma Nơm Geh Lĕ Nau Brah.

Nau Mprơ Ơm 52:7

“Nây jêng nơm mâu rnơm Brah Ndu Ƀư ntŭk mbe krap ma păng Ƀiălah rnơm nsing ma nau ndrŏng kuăng rmeh ler, Jêh ri ƀư ma păng nâp ma nau djơh mhĭk!”

Nơm Nti 8:8

Mâu mbu geh nau dơi ta klơ n'hâm rêh gay djôt prăp păng tay, Ăt mâu mbu geh nau dơi ta klơ nar khĭt. Mâu geh nơm dơi mâu kơp tâm nau tâm lơh nây; Jêh ri nau djơh mhĭk mâu dơi rklaih phung ƀư nau mhĭk.

Êsêkiêl 12:25

Yorlah Gâp jêng Brah Yêhôva, Gâp mra lah jêh ri nau Gâp lah mra jêng nau ngăn, mâu mra jŏ đŏng ôh. Hơi ngih phung dăng tâm rdâng! Tâm nar khân may nơm Gâp mra mbơh lor jêh ri păng mra jêng nau ngăn, Kôranh Brah Yêhôva lah pônây.”

Êsêkiêl 12:28

Pôri, lah hom ma khân păng: ‘Kôranh Brah Yêhôva lah: Mâu geh du rplay ngơi Gâp mra jŏ ôh ƀiălah nau Gâp lah mra tât ngăn, Yêhôva Brah Ndu lah.’”

Êsêkiêl 13:22

Yorlah khân may sŏk nau nchơt mƀruh ƀư rngot nuih n'hâm phung sŏng srăng nđâp lah Gâp mâu mâp ƀư rdja nuih khân păng ôh. Ƀiălah khân may ƀư ma ti phung ƀai ktang lơn gay ma khân păng mâu chalơi ôh bơh trong nau mhĭk păng gay dơi geh nau rêh.

Kan Lêvi 25:13

‘Tâm năm ueh maak, ăp nơm tâm phung khân may mra dơn tay drăp ndơn khân păng nơm.

Kan Lêvi 25:31

Ƀiălah, ngih tâm ƀon jê̆ mâu geh mpêr ƀon jŭm bu mra kơp nâm bu mir, nơm tăch dơi chuai tay. Ngih nây mra dơi plơ̆ ma nơm tơm ngih tâm năm ueh maak.