Êsêkiêl 6:9 - Nau Brah Ndu Ngơi 2023

⁹ Phung bunuyh hŏ dơi klaih jêh tâm khân may mra kah gĭt ma Gâp dôl gŭ tâm lĕ bri dak bu leo khân păng hăn tât, jêh ri khân păng gĭt nuih n'hâm Gâp ji ngăn yor nau khân păng văng tĭr hŏ ƀư ma khân păng chalơi Gâp jêh ri măt nau văng tir khân păng rle ma rup brah khân păng nơm. Rnôk nây, khân păng tâm rmot êng khân păng nơm ma lĕ nau mhĭk khân păng hŏ ƀư jêh ri ma lĕ nau kan ƀơ̆ ƀơch khân păng.

Êsêkiêl 6:9 ပူးပေါင်းရင်းမြစ်များ

II Phung Hađăch 16:10

Tơlah hađăch Ahas hăn ma Damas gay tâm mâp đah hađăch Asiri jêng Y-Tiglat-Pilêser, păng saơ du nơng ƀư brah ta ƀon Damas. Hađăch Y-Ahas njuăl ro ma kôranh ƀư brah Y-Urija rup nơng ƀư brah nây, jêh ri lĕ rngôch nau ntĭm bu ƀư nơng ƀư brah.

Ndrom Samƀŭt bơh Yôp 42:6

Yor nây, gâp tâm rmot êng gâp nơm. Jêh ri rmal nau tih tâm ndruyh neh.”

Nau Mprơ Ơm 137:1

Hên dôl gŭ ta kơh dak krong Babilôn, Kah gĭt ma ƀon Siôn jêh ri nhĭm.

Nau Mprơ Ơm 78:40

Âk tơ̆ jêh khân păng ƀư nau tâm rdâng đah Brah Ndu tâm bri rdah, Jêh ri ƀư rngot ma Brah Ndu tâm ntŭk rngol!

Êsai 43:24

Khân may mâu sŏk prăk rvăt rpho ƀâu kah ma Gâp, Jêh ri mâu sŏk ngi mpa ƀư brah ƀư ăn Gâp mpay. Ƀiălah may sŏk nau tih may nơm ƀư ma nuih n'hâm Gâp rngot, Jêh ri sŏk nau djơh mhĭk ƀư ma Gâp rgănh jêh.

Êsai 63:10

Ƀiălah khân păng hŏ tâm rdâng Jêh ri ƀư rngot jêh Brah Huêng Ueh Păng; Yor nây, Păng plơ̆ jêng nơm rlăng đah khân păng, Păng nơm yơh tâm lơh đah khân păng.

Êsai 64:6

Lĕ rngôch hên jêng jêh tâm ban ma ndơ ƀơ̆ ƀơch, Lĕ kan sŏng srăng hên jêng tâm ban ma bok ao ƀơ̆ jêh; Lĕ rngôch phung hên nhop kro tâm ban ma n'ha si, Jêh ri nau kue hên khôm rdu hên tâm ban ma sial.

Êsai 7:13

Y-Êsai lah: “Hơi ngih Y-Đavit, iăt hom! Mâm khân may lah ƀư rsuak bu jêng nau kan jê̆, kŏ aƀaơ khân may ŭch ƀư rsuak Brah Ndu gâp đŏng?

Yêrêmi 3:13

‘Knŏng ŭch may dơn saơ nau tih may pô aơ: May hŏ tâm rdâng đah Yêhôva Brah Ndu; May hŏ nsong lam ntŭk tĭng brah phung bu năch tâm dâng ăp pŭm tơm si âk n'ha, Jêh ri mâu rkêng tôr ôh iăt nau Gâp.’” Brah Yêhôva lah pônây.

Yêrêmi 3:6

Tâm rô̆ hađăch Y-Jôsia chiă uănh, Brah Yêhôva lah ma gâp: “May saơ đŏng nau mâu răp jăp tâm phung Israel hŏ ƀư? Khân păng hŏ hao ăp yôk prêh, tât tâm dâng pŭm tơm si âk n'ha ƀư nau văng tir.

Yêrêmi 51:50

Phung khân may jêng phung hŏ klaih jêh bơh mpiăt đao, Hăn hom, lơi ta nsrŭng ôh! Tă bơh bri ngai, kah gĭt hom ma Brah Yêhôva Jêh ri klâng rvê hom ma Yêrusalem!

Êsêkiêl 12:16

Nđâp tơlah, Gâp mra om lơi ƀaƀă tâm phung khân păng klaih tă bơh tak đao, nau sa sât ji ngot, nau ji tưp nkhĭt gay ma khân păng dơi mbơh tay lĕ nau ƀơ̆ ƀơch khân păng ăn ma phung mpôl băl bunuyh khân păng mra hăn gŭ, jêh ri khân păng mra dơi gĭt Gâp jêng Brah Yêhôva.”

Êsêkiêl 16:43

Yorlah ay mâu kah gĭt ôh ma rnôk ay druh mom, ƀiălah duh nuih tâm rdâng đah Gâp tâm ăp ntil kan, yor ri, di yơh, Gâp mra ƀư ăn trong ay nkhŭt ta klơ bôk ay nơm,’ Kôranh Brah Yêhôva lah pônây. Mâu di hĕ ay ntop jêh nau tih văng tĭr tâm lĕ rngôch nau Gâp tâm rmot ma ay?

Êsêkiêl 16:61

Tơlah sŏk dơn phung nur ay jêh ri oh ay, ay mra kah gĭt ma trong ay hăn mra bêk prêng ngăn. Rnôk nây, Gâp mra jao khân păng ƀư kon bu ur ay ƀiălah mâu tĭng ôh nau tâm rnglăp đah ay.

Êsêkiêl 16:63

Ay mra kah gĭt ma nau bêk prêng, jêh ri yor nau bêk prêng ngăn ay mâu hôm dơi hă mbung ngơi du ntil nau đŏng ôh tơlah Gâp yô̆ an nau tih ay ƀư jêh,” Kôranh Brah Yêhôva lah pônây.

Êsêkiêl 20:24

yorlah khân păng mâu tông ôh ma nau vay ƀư Gâp ƀiălah chalơi jêh nau vay dăp Gâp, ƀư ƀơ̆ lĕ nar Saƀat Gâp jêh ri măt khân păng treng uănh ma lĕ rup brah phung chô yau khân păng.

Êsêkiêl 20:28

Dôl Gâp hŏ leo jêh khân păng lăp neh Gâp ton ăn jêh ma khân păng, rnôk nây khân păng saơ jêh lĕ yôk prêh, lĕ rngôch tơm si dŭt pŭm jêh ri nhhơr ndơ ƀư brah ma khân păng nơm ta nây. Khân păng hŏ mpơl ta nây ndơ ƀư brah gay nsônh Gâp ji nuih; khân păng su ndơ n'hôl geh ƀâu kah jêh ri ƀư ndơ nhhơr nhêt ta nây.

Êsêkiêl 20:43

Ta nây, khân may mra kah gĭt tay trong khân may jêh ri lĕ rngôch nau khân may hŏ ƀư ƀơ̆ khân may nơm. Khân may mra nduyh êng ma khân may nơm yor lĕ rngôch nau mhĭk khân may hŏ ƀư tih jêh.

Êsêkiêl 20:7

Gâp lah ma khân păng: ‘Ăn ăp nơm khân may mƀăr lơi ăn ngai khân may bơh nau ƀơ̆ măt khân may ŭch uănh jêh ri lơi ta ƀư ƀơ̆ ôh khân may nơm ma lĕ rup brah bri Êjipt! Gâp jêng Yêhôva Brah Ndu khân may.’

Êsêkiêl 23:30

Bu mra ăn ay tâm ban pônây yorlah ay ƀư nau văng tĭr ăn ma lĕ bri dak jêh ri ƀư ƀơ̆ ma ay nơm ma lĕ rup brah khân păng.

Êsêkiêl 5:13

Nau Gâp ji nuih mra dơi lôch jêh ri nau Gâp ji nuih ma khân păng kŏ tât mpay jêh ri aih jêh. Tơlah Gâp hŏ ƀư lĕ lôch jêh nau Gâp nuih ma khân păng pôri khân păng mra gĭt yor nuih n'hâm duh nđơr Gâp nơm yơh, Brah Yêhôva, hŏ lah jêh ma khân păng.

Êsêkiêl 6:10

Khân păng mra gĭt Gâp jêng Brah Yêhôva, jêh ri nau mbơh lor Gâp ăn nau mhĭk tât mâu jêng dơm dam ôh.”

Êsêkiêl 7:16

Đơ bunuyh hôm gŭ rêh klen mra nchuăt klaih jêh ri gŭ ta ka lơ yôk nâm bu plŭk gŭ tâm rlŭng, lĕ rngôch bunuyh nhĭm vơl da dê ma nau djơh mhĭk khân păng nơm.

Ndrom Samƀŭt bơh Ôsê 11:8

Hơi Êphraim, mâm Gâp dơi lơi may? Hơi Israel, mâm Gâp dơi jao may ma phung rlăng? Mâm Gâp dơi ƀư ma may jêng nâm bu ƀon Adma? Mâu lah nâm bu ma ƀon Sêbôim? Play nuih Gâp mpât n'gơ, Nau Gâp yô̆ nđach nâm bu gŭch nâm bu su.

Amôt 2:13

Aơ, Gâp mra mpet khân may tâm ntŭk khân may gŭ Nâm bu ndeh tŭn mpet yor ma lĕ nchăp ba

Mika 5:13

Gâp mra rôk lơi gâng rup brah Asêrim bơh may, Jêh ri ƀư rai lĕ ƀon may.

Sakari 10:9

Gâp mra srih khân păng ta nklang phung ƀon lan, Ƀiălah tâm bri n'gor ngai, khân păng mra kah gĭt ma Gâp; Khân păng mra rêh ndrel ma phung kon khân păng jêh ri mra plơ̆ sĭt.

Nau Kơp Bunuyh 15:39

Ăn khân may anh mlâm grong nây gay dôl uănh saơ păng, khân may kah gĭt ma lĕ rngôch nau vay Brah Yêhôva ntăm gay tông tĭng, jêh ri mâu tĭng ndô̆ ôh nau nuih n'hâm jêh ri măt khân may nơm, jêng nau ƀư ma khân may ƀư nau văng tĭr.

II Pêtrôs 2:14

bar măt khân păng prăp bêng ma nau mĭn văng tĭr, ƀư tih mâu blau dĭl ôh. Khân păng ndơm phung mâu nâp; nau mĭn nuih n'hâm khân păng mơng kơnh rlau ir. Khân păng jêng phung kon khư ma nau rtăp rak!