Êsêkiêl 6:7 - Nau Brah Ndu Ngơi 2023

⁷ Phung khĭt mra cha lôt ta nklang khân may, jêh ri khân may mra gĭt Gâp jêng Brah Yêhôva!

Êsêkiêl 6:7 ပူးပေါင်းရင်းမြစ်များ

II Phung Hađăch 19:19

Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt pô aơ knŏng êng Brah Yêhôva jêng Brah Ndu.”

Nau Ngluh Êjipt 14:18

Lah Gâp geh nau tâm rnê yor Pharaôn, ndeh seh păng, jêh ri phung tahan ncho seh păng, ri mơ phung Êjipt mra gĭt ma Gâp jêng Brah Yêhôva.”

Nau Ngluh Êjipt 14:4

Gâp mra ƀư dăng nuih n'hâm Pharaôn, jêh ri păng mra hăn tĭng phung ƀon lan nây. Ƀiălah Gâp mra dơi geh nau tâm rnê yor Pharaôn jêh ri lĕ rngôch phung tahan păng; phung Êjipt mra gĭt Gâp jêng Brah Yêhôva.” Phung ƀon lan Israel hŏ ƀư di kơt nây.

Nau Ngluh Êjipt 7:5

Lah Gâp yơr ti tâm rdâng đah phung Êjipt gay djôt phung ƀon lan Israel luh bơh nây rĭ mơ phung Êjipt mra gĭt Gâp jêng Brah Yêhôva.”

Yêrêmi 14:18

Tơlah gâp hăn tâm mir, Ta nây saơ phung khĭt yor đao; Tơlah gâp lăp tâm ƀon, Ta nây saơ phung ji kuet yorlah sa sât ji ngot. Lĕ rngôch phung nơm mbơh lor nđâp ma phung kôranh nơm ƀư brah Hăn da dê tât du n'gor khân păng mâu gĭt ôh.’”

Yêrêmi 18:21

Yor nây, dăn May jao kon sau khân păng ăn ma nau sât ji ngot, Jêh ri jao khân păng ma pêh đao. Phung bu ur mra roh kon jêh ri jêng ndrô, Phung bu klâu khĭt yor ji tưp, Phung mom ndăm cha lôt khĭt ma pêh đao ta nklang ntŭk tâm lơh.

Yêrêmi 25:33

Tâm nar nây, săk phung khĭt Brah Yêhôva nkhĭt khĭt mra bêng lam măt neh. Mâu geh bunuyh nhĭm vơl mâu lah rgum gay tâp brôi, mâu lah rgum tay gay ma tâp brôi; khân păng jêng buh ta klơ măt neh!

Nau Nhĭm Vơl 4:9

Phung khĭt yor đao Hôm geh nau ueh lơn ma phung khĭt ji ngot: Khân păng khĭt mbrơi mbrơi tâm nau nđêh nji, Yor mâu geh ndơ tă bơh mir.

Êsêkiêl 11:10

Khân may mra cha lôt yor ma đao; Gâp mra tâm rmal khân may ta n'har bri Israel, jêh ri khân may mra gĭt Gâp jêng Brah Yêhôva.

Êsêkiêl 11:12

Rnôk nây, khân may mra gĭt Gâp jêng Brah Yêhôva, yorlah khân may mâu chuat tĭng ndô̆ ôh nau vay Gâp dăp, mâu lĕ ŭch tông ma nau vay ƀư bơh Gâp, ƀiălah ƀư tĭng nkhơng nau vay phung mpôl băl bunuyh gŭ jŭm khân may.’”

Êsêkiêl 12:15

Dôl Gâp ƀư chah rai ăn khân păng nhhơt tâm phung mpôl băl bunuyh jêh ri srih khân păng tâm ăp bri dak khân păng mra gĭt Gâp jêng Brah Yêhôva.

Êsêkiêl 12:19

May mbơh hom ma ƀon lan tâm n'gor pô aơ: ‘Aơ jêng nau Brah Yêhôva lah ma phung gŭ tâm ƀon Yêrusalem, jêh ri tâm bri Israel: Khân păng sa piăng let khân păng ma nau klach jêh ri nhêt dak tâm nau klach krit, yorlah bri aơ geh ndơ sông sa mra jêng rngot njăp yor nau ƀai lĕ rngôch phung gŭ ta nây.

Êsêkiêl 13:14

Gâp mra ƀư rlâm lơi mpêr khân may lĕ mhĭng ma klo nglang, ntrŭnh păng êp kêng neh, kŏ tât rlơk knŏng hôm mpơl mbon mpêr. Tơlah mpêr lĕ rlâm, bu mra ƀư rai khân may ta nây jêh ri khân may mra gĭt Gâp jêng Brah Yêhôva.

Êsêkiêl 13:21

Gâp mra khêk đŏng bok khân may jêh ri rklaih phung ƀon lan Gâp tă bơh ti khân may. Khân păng mâu mra gŭ tâm ti khân may tâm ban ndơ sa đŏng ôh. Rnôk nây, khân may mra gĭt Gâp jêng Brah Yêhôva.

Êsêkiêl 13:23

Khân may mâu mra hôm saơ ôh nau tâm saơ ndơm jêh ri mâu lĕ ƀư đŏng nau rƀên. Gâp mra tâm rklaih phung ƀon lan Gâp klaih bơh ti khân may jêh ri rnôk aơ khân may mra gĭt Gâp jêng Brah Yêhôva.’”

Êsêkiêl 13:9

Ti Gâp mra tâm rdâng đah phung nơm mbơh lor tâm saơ dơm dam, nau ƀŭk rƀên mƀruh. Khân păng mâu mra gŭ ôh tâm nau phung ƀon lan Gâp tâm rƀŭn đŏng ôh, mâu geh nchih tâm ndrom samƀŭt ngih Israel đŏng ôh, jêh ri mâu chuat lăp tâm bri Israel. Rnôk nây, khân may mra gĭt Gâp jêng Kôranh Brah Yêhôva.

Êsêkiêl 14:8

Gâp mra tâm rdâng đah nơm nây, ƀư ma păng du nau mbên jêh ri nau hôr. Gâp mra ngroh lơi păng bơh ta nklang phung ƀon lan Gâp. Rnôk aơ, khân may mra gĭt Gâp jêng Brah Yêhôva.

Êsêkiêl 15:7

Gâp mra rle muh măt tâm rdâng đah khân păng. Khân păng mra luh tă bơh ŭnh ƀiălah ŭnh mra sa khân păng, jêh ri tơlah Gâp rle muh măt tâm rdâng đah khân păng, pôri khân may mra gĭt Gâp jêng Brah Yêhôva.

Êsêkiêl 20:26

Gâp hŏ ƀư jêh ăn khân păng jêng ƀơ̆ jêh yor ndơ ƀư brah dôl khân păng nhhơr lĕ rngôch kon bôk rah tâm ŭnh, gay yor nây, Gâp ƀư ăn ma khân păng jêng rngol ŭch ma khân păng gĭt pô aơ Gâp jêng Brah Yêhôva.

Êsêkiêl 20:38

Gâp mra mprơh du bơh khân may lĕ rngôch phung vay tâm rdâng jêh ri phung hao tâm rdâng đah Gâp. Gâp mra njŭn khân păng du luh tă bơh bri ntŭk khân păng gŭ njưh ƀât lât ƀiălah khân păng mâu mra dơi lăp tâm bri Israel ôh. Tâm ban pônây, khân may mra gĭt Gâp jêng Brah Yêhôva.

Êsêkiêl 20:42

Khân may mra gĭt Gâp jêng Brah Yêhôva tơlah Gâp njŭn khân may lăp tâm n'gor bri Israel jêng n'gor Gâp hŏ yơr ti ton ăn jêh ma phung chô yau khân may.

Êsêkiêl 20:44

Khân may mra gĭt Gâp jêng Brah Yêhôva tơlah Gâp mra yor amoh Gâp nơm gay vơt khân may mâu tĭng ôh trong mhĭk jêh ri kan pah mhĭk khân may ƀư. Hơi ngih Israel, Kôranh Brah Yêhôva lah pônây.’”

Êsêkiêl 22:16

Rnôk nây, bu mra mưch may tanăp măt phung ntil mpôl bunuyh jêh ri may mra gĭt Gâp jêng Brah Yêhôva.’”

Êsêkiêl 23:49

Bu mra nkhŭt tay nau văng tĭr khân ay may ta khân ay may nơm; khân ay may mra anh nau tih rup brah khân ay jêh ri ay may mra gĭt Gâp jêng Kôranh Brah Yêhôva.’”

Êsêkiêl 24:24

Y-Êsêkiêl mra jêng du nau mbên ma khân ay may; khân may mra ƀư nâm bu păng hŏ ƀư jêh. Tơlah lĕ rngôch nau nây mra tât, khân ay may mra gĭt Gâp jêng Kôranh Brah Yêhôva.’

Êsêkiêl 24:27

Tâm nar nây, trôm mbung may mra hă jêh ri ngơi ma nơm du klaih. May mra ngơi jêh ri mâu hôm jêng mlo đŏng ôh. May mra jêng du ntil ndơ tâm mbên ma khân păng jêh ri khân păng mra gĭt ma Gâp jêng Brah Yêhôva.”

Êsêkiêl 25:17

Gâp mra ƀư nau plơng bôk toyh tâm rdâng đah khân păng, sŏk nau ji nuih gay phat dôih khân păng. Rnôk nây, khân păng mra gĭt Gâp jêng Brah Yêhôva, tơlah Gâp har plơng ma khân păng.’”

Êsêkiêl 26:6

Phung kon bu ur păng dôl gŭ tâm mir bu mra nkhĭt ma đao, jêh ri khân păng mra gĭt Gâp jêng Brah Yêhôva.’

Êsêkiêl 28:23

Gâp mra njuăl nau ji tưp tât tâm ƀon, Jêh ri nau pling mham tâm lĕ trong sâng păng. Đơ phung rmanh mra cha lôt ta nklang păng, Yor ma đao tă bơh puăn mpeh mra rduh leo păng. Nôk nây, khân păng mra gĭt yơh Gâp jêng Brah Yêhôva.

Êsêkiêl 30:26

Gâp mra ƀư nchah rai pru pra phung Êjipt tâm phung ƀon lan, mprơh khân păng hăn du tâm lĕ bri dak jêh ri khân păng mra gĭt Gâp jêng Brah Yêhôva.’”

Êsêkiêl 32:15

‘Tơlah Gâp ăn bri Êjipt jêng ntŭk rngol, Jêh ri nau âk rmeh ơm geh tâm bri nây bu sŏk lĕ rngôch; Tơlah Gâp lơh lĕ rngôch phung ƀon lan gŭ ta nây, Pôri khâng păng gĭt Gâp jêng Brah Yêhôva.

Êsêkiêl 35:15

Yorlah may hâk răm jêh dôl drăp ndơn ngih Israel lĕ jêng rngol, yor nây Gâp ăt ƀư ma may tâm ban pônây lĕ. Hơi yôk Sêir, may ndrel ma lĕ bri Êđôm, ma nau nây lĕ rngôch n'gor mra jêng rngol, jêh ri khân păng mra gĭt Gâp jêng Brah Yêhôva.”

Êsêkiêl 38:23

Nâm pônây, Gâp mra tâm mpơl nau toyh jêh ri nau kloh ueh Gâp, jêh ri Gâp mra dơi gĭt năl tra năp măt âk mpôl băl bunuyh. Khân păng mra gĭt Gâp jêng Brah Yêhôva.’”

Êsêkiêl 6:13

Tơlah phung bu nkhĭt khân păng lâng khĭt ta nklang phung rup brah gŭ jŭm nơng ƀư brah, ta klơ yôk prêh, ta klơ lĕ rngôch n'gơn yôk, tâm dâng ăp tơm si ndrêh jêh ri tơm n'ho pŭm, ăp ntŭk khân păng nhhơr ndơ ƀâu kah ma lĕ rngôch rup brah khân păng, nôk nây khân may mra gĭt Gâp jêng Yêhôva.

Êsêkiêl 6:6

Ăp ntŭk khân may gŭ ƀon toyh bu ƀư rai, lĕ ntŭk prêh mra jêng rngol kŏ tât nơng ƀư brah khân may rai yot jêh ri rlâm lĕ, rup brah mbang nchah jêh ri mâu hôm geh đŏng ôh; Nơng ƀư brah su ndơ ƀâu kah bu ƀư rai lơi jêh ri lĕ rngôch kan khân may bu jut lĕ.

Êsêkiêl 6:8

Ƀiălah, Gâp mra om phung ƀaƀă, yorlah mra geh phung ƀaƀă hŏ klaih tă bơh chông đao dôl khân may du pru pra tâm lĕ bri dak.

Êsêkiêl 7:4

Măt Gâp uănh mâu nhhuach ôh ma may, Gâp mâu mra geh nau yô̆ ma may; ƀiălah Gâp mra mplơ̆ ma may tĭng nâm trong may hăn, jêh ri ntil nau ƀơ̆ ƀơch may mra gŭ ta nklang may. Rnôk aơ, khân may mra gĭt Gâp jêng Brah Yêhôva.’

Êsêkiêl 7:9

Măt Gâp uănh mâu nhhuach ôh ma may, mâu lĕ yô̆ ôh ma may. Gâp mplơ̆ ma may tĭng trong may hăn jêh ri lĕ nau ƀơ̆ ƀơch may mra gŭ ta nklang may. Rnôk nây, khân may mra gĭt Gâp yơh, Brah Yêhôva, jêng Nơm tâm rmal.

Êsêkiêl 9:7

Păng lah đŏng ma khân păng: “Ƀư ƀơ̆ hom ngih brah, ƀư ma săk jăn khĭt bêng ma lĕ nkual nhuang! Hăn hom!” Pôri khân păng hăn jêh ri lơh nkhĭt bunuyh tâm ƀon.