Êsêkiêl 6:3 - Nau Brah Ndu Ngơi 2023

³ pô aơ: Hơi phung yôk Israel, iăt hom nau Yêhôva Brah Ndu ngơi! Brah Ndu ngơi ma phung nâm, ma phung gôl yôk, bong dak n'hor jêh ri ma phung rlŭng: Aơ Gâp, Gâp nơm yơh, mra ăn gưm đao tât tâm rmal khân may, ƀư rai ntŭk prêh khân may.

Êsêkiêl 6:3 ပူးပေါင်းရင်းမြစ်များ

I Phung Hađăch 14:23

Khân păng ndâk đŏng ăn ma khân păng nơm lĕ ntŭk prêh klơ, n'gâng mbah jêh ri rup brah Asêrah ta klơ lĕ gôl yôk prêh jêh ri tâm dâng lĕ tơm si dŭt pŭm.

Êsai 27:9

Pôri, yor nau pakơi aơ nau tih Yakôb bu mra yô̆, Jêh ri aơ jêng lĕ rngôch nau păng ƀư gay ma jut kloh nau tih păng: Ăn păng ƀư ma lĕ rngôch lŭ tâm nơng ƀư brah Plơ̆ jêng tâm ban ma lŭ klo lêk jêh, Lĕ rup brah Asêrim jêh ri lĕ nơng ƀư brah nhhơr ndơ ƀâu kah Mâu mra ndâk tay ôh.

Êsai 30:25

Tâm nar geh nau tâm nkhĭt toyh, lĕ pôih rlâm rai jêh, ri mơ ta klơ lĕ rngôch yôk prêh jêh ri dor yôk mra geh lĕ dak n'hor hoch.

Yêrêmi 2:20

“Bơh jŏ Gâp hŏ nkê̆ch pă mâng mbăk, Tôch lơi rse rvăk ma may, Ƀiălah may ngơi: ‘Gâp mâu mra pah kan đŏng ôh.’ N'hêl nanê̆ ngăn, klơ ăp yôk prêh, Tâm dâng ăp pŭm tơm si âk n'ha, May kŭnh bôk nâm bu bu ur văng tĭr.

Yêrêmi 22:29

Ơ neh, neh, neh! Iăt hom nau Brah Yêhôva.

Yêrêmi 3:23

Nau yơk mbah klơ lĕ dor prêh Jêh ri nau drơu drơu ăp yôk nanê̆ knŏng jêng nau mƀruh nchơt. N'hêl nanê̆, knŏng tâm Yêhôva Brah Ndu hên Ri mơ geh nau tâm rklaih ăn phung Israel.

Yêrêmi 3:6

Tâm rô̆ hađăch Y-Jôsia chiă uănh, Brah Yêhôva lah ma gâp: “May saơ đŏng nau mâu răp jăp tâm phung Israel hŏ ƀư? Khân păng hŏ hao ăp yôk prêh, tât tâm dâng pŭm tơm si âk n'ha ƀư nau văng tir.

Êsêkiêl 36:8

Bi khân may, hơi phung yôk Israel, mra chăt nkeh n'gĭng jêh ri luh play ăn ma phung ƀon lan Israel, yorlah khân păng bơi ma plơ̆ sĭt.

Kan Lêvi 26:25

Gâp mra djôt đao gưm tât ma khân may gay mplơ̆ plơng yor khân may ƀư rai nau tâm rnglăp đah Gâp. Dôl khân may tâm rƀŭn tâm ƀon toyh Gâp mra nkhŭt nau ji tưp ta klơ khân may jêh ri khân may mra tŭp tâm ti phung rlăng.

Kan Lêvi 26:30

Gâp mra ƀư rai ta lĕ ntŭk prêh khân may, kăl lơi lĕ nơng ƀư brah gŭch ndơ ƀâu kah jêh ri bun săk jăn khĭt khân may ta klơ rup brah khân may. Nuih n'hâm Gâp mra ƀơ̆ ƀơch ma khân may.

Amôt 7:9

Lĕ ntŭk prêh Y-Isăk mra jêng rngol, Lĕ ntŭk kloh ueh Israel mra rai, Jêh ri Gâp mra sŏk đao ƀư rai ngih Y-Jêrôbôam.”

Mika 6:1

Abaơ aơ, iăt hom nau Brah Yêhôva lah; Dâk hom may, tâm rlăch đah phung yôk Jêh ri ƀư ăn phung gôl yôk iăt bâr may!

Mika 6:2

Hơi phung yôk jêh ri lĕ mbon nâp ktang n'ho ro ma neh ntu, Iăt hom nau Brah Yêhôva phong! Yorlah Brah Yêhôva kât nau tih ma phung ƀon lan Păng, Jêh ri Păng mra tâm rlăch đah phung Israel.