Êsêkiêl 6:14 - Nau Brah Ndu Ngơi 2023

¹⁴ Pônây, Gâp mra yơr ti tâm rdâng ma khân păng, jêh ri lam ntŭk khân păng gŭ, Gâp mra ăn bri dak jêng rngol, roh yot, ntơm bơh bri rdah tât ma ƀon Ribla. Nôk nây khân păng mra gĭt Gâp jêng Brah Yêhôva.”

Êsêkiêl 6:14 ပူးပေါင်းရင်းမြစ်များ

Nau Mprơ Ơm 138:7

Nđâp tơlah gâp hăn tâm nklang nau uh ah, May ăt mât mray nau rêh gâp; May mra yơr ti May tâm rdâng ma nau phung rlăng ji nuih gâp, Jêh ri ti ma May tâm rklaih gâp.

Êsai 10:4

Khân păng knŏng hôm ƀư du ntil kan jêng păn ta nklang phung bu nă Jêh ri cha lôt ta nklang phung khĭt. Nđâp lah pônây, nau ji nuih Kôranh Brah ê hŏ du ôh Jêh ri ti Păng ăt hôm yơr.

Êsai 24:1

Aơ, Brah Yêhôva mra ƀư ma neh ntu nsoih bŏng jêh ri jêng rngol; Păng ƀư ma neh ntu rgâl jêh ri ma phung ƀon lan nchah rai pru pra.

Êsai 24:7

Ndrănh mhe lŭng nter, Tơm krăk ƀâu lĕ kro klêu jêh, Lĕ rngôch phung geh nuih n'hâm hâk răm nsôr jong da dê;

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Êsai 9:12

Ƀiălah phung ƀon lan mâu sĭt ôh ma nơm dong khân păng, Mâu lĕ khân păng joi Brah Yêhôva ma phung tahan.

Êsai 9:17

Yorlah nau ƀai sa tâm ban ma ŭnh, Păng sa rtau lok jêh ri pih pŭm, Păng sa lĕ tơm si ta krŏng mbâl, Ƀư ma ŭnh nhhŭk dŭk dŭk mpăr leo klơ.

Yêrêmi 25:11

Lĕ rngôch bri aơ mra jêng du ntŭk rngot njăp, ƀơ̆ ƀơch, lĕ rngôch phung mpôl băl aơ mra pah kan ma hađăch bri Babilôn tâm pơh jât năm.’

Yêrêmi 48:22

ta ƀon Dibôn, ma yôk Nêbô jêh ri ƀon Bet-Diblathaim,

Êsêkiêl 12:15

Dôl Gâp ƀư chah rai ăn khân păng nhhơt tâm phung mpôl băl bunuyh jêh ri srih khân păng tâm ăp bri dak khân păng mra gĭt Gâp jêng Brah Yêhôva.

Êsêkiêl 14:13

“Hơi kon bunuyh, moh bri dak mâu ƀư răp jăp ôh jêh ri ƀư tih tâm rdâng đah Gâp, jêh ri Gâp mra yơr ti tâm rdâng đah păng, mâu hôm ăn ndơ sông sa păng, ăn nau sât ji ngot jêh ri nkhĭt lĕ bunuyh ndrel mpô mpa bri tâm bri nây,

Êsêkiêl 15:8

Gâp mra ƀư ăn ma bri aơ jêng rngol yorlah khân păng hŏ ƀư tih jêh đah Gâp,” Kôranh Brah Yêhôva lah pônây.

Êsêkiêl 16:27

Yor ri, Gâp hŏ yơr ti Gâp tâm rdâng ma ay; ƀư n'hŭch n'har bri ay jêh ri jao ay ăn ma phung rlăng ay, jêng phung kon bu ur Philistin, jêh ri khân păng bêk prêng ma nau văng tĭr ay.

Êsêkiêl 25:7

yor nây, aơ, Gâp hŏ yơr jêh ti Gâp tâm rdâng đah may. Gâp mra jao may jêng ndơ pit in ăn ma lĕ rngôch bri dak; Gâp mra ngluh lơi may tă bơh phung ƀon lan; Gâp mra ƀư rai may tă bơh bri dak. Gâp mra ƀư rai lơi may jêh ri may mra gĭt Gâp jêng Brah Yêhôva.’”

Êsêkiêl 33:28

Gâp mra ƀư bri aơ jêng rngol, rngot njăp, nau dăng ktang păng ƀư sưr rlau mra rai lôch; lĕ yôk Israel mra jêng rngol kŏ tât mâu geh du huê nuyh prot rgăn ta nây đŏng ôh.

Êsêkiêl 35:9

Gâp mra ƀư ma may jêng rngol n'ho ro; lĕ rngôch ƀon toyh may mâu mra geh bunuyh gŭ ôh jêh ri khân may mra gĭt Gâp jêng Brah Yêhôva.

Êsêkiêl 7:1

Nau Brah Yêhôva lah đŏng ma gâp:

Êsêkiêl 7:4

Măt Gâp uănh mâu nhhuach ôh ma may, Gâp mâu mra geh nau yô̆ ma may; ƀiălah Gâp mra mplơ̆ ma may tĭng nâm trong may hăn, jêh ri ntil nau ƀơ̆ ƀơch may mra gŭ ta nklang may. Rnôk aơ, khân may mra gĭt Gâp jêng Brah Yêhôva.’

Sôphôni 1:4

“Gâp mra yơr ti tâm rdâng đah phung Yuđa Jêh ri lĕ rngôch phung gŭ ta ƀon Yêrusalem; Gâp mra ƀư rai lĕ tă bơh ntŭk aơ phung hôm e yơk mbah ma brah Baal, Jêh ri amoh phung kan ndơ ƀư brah ma rup brah nđâp phung kôranh ƀư brah.

Nau Kơp Bunuyh 33:46

Khân păng hăn luh bơh Dibôn Gat jêh ri ndâk ngih bok ta Almôn-Diblataim.