Êsêkiêl 5:6 - Nau Brah Ndu Ngơi 2023

⁶ Ƀiălah păng tâm rdâng đah nau vay ƀư bơh Gâp, ƀư nau ƀai rlau lơn ma lĕ bri dak êng, păng dun nau vay dăp Gâp rlau lơn ma bri dak gŭ jŭm păng yorlah khân păng chalơi nau vay ƀư bơh Gâp jêh ri mâu tĭng nau vay dăp Gâp ôh.

Êsêkiêl 5:6 ပူးပေါင်းရင်းမြစ်များ

II Phung Hađăch 21:11

“Yorlah Y-Manasê, hađăch Yuđa, hŏ ƀư tih jêh lĕ nau dŭt ƀơ̆ ƀơch nây, ƀư nau djơh mhĭk lơn ma lĕ rngôch nau phung Amôrit hŏ ƀư jêh lor ma păng, jêh ri tâm ban lĕ nsŭk nsôr jêh phung Yuđa ƀư tih mbah rup brah,

II Phung Hađăch 21:9

Ƀiălah khân păng mâu tông bâr ôh; Y-Manasê nsŭk nsôr khân păng ƀư lĕ nau djơh mhĭk âk lơn ma phung ndŭl mpôl Brah Yêhôva hŏ ƀư rai jêh tanăp phung ƀon lan Israel.

Nêhêmi 9:34

Phung hađăch, phung kôranh chiă uănh, phung kôranh ƀư brah jêh ri phung chô yau hên Mâu djôt prăp ôh nau vay Kôranh Brah, Mâu lĕ tông tĭng lĕ nau vay ntăm jêh ri lĕ nau mbơh Kôranh Brah lah jêh ma khân păng.

Nêhêmi 9:35

Tâm nôk hôm gŭ tâm n'gor bri, Maak dơn âk ngăn nau ueh tâm n'gor huy ngăn jêh ri ndrŏng, Kôranh Brah hŏ ăn jêh ma khân păng, Khân păng mâu đŏng pah kan ma Kôranh Brah, jêh ri mâu chalơi lĕ nau kan djơh mhĭk khân păng.

Nau Mprơ Ơm 106:20

Khân păng tâm rgâl Nơm chrêk rmah khân păng Gay sŏk rup ndrôk blau sa gơ̆.

Nau Mprơ Ơm 78:10

Khân păng mâu djôt prăp ôh nau Brah Ndu tâm rnglăp, Dun đŏng tĭng nâm nau vay Păng.

Nau Ngluh Êjipt 16:28

Brah Yêhôva lah ma Y-Môis: “Khân may mâu djôt prăp ôh nau vay ntăm jêh ri nau Gâp ntĭm tât ndah nâm jŏ?

Yêrêmi 11:10

Khân păng plơ̆ sĭt ma nau tih mhĭk phung che khân păng jêng phung mâu ŭch iăt nau Gâp. Khân păng hŏ hăn tĭng jêh ri yơk mbah lĕ brah êng. Ngih Israel jêh ri ngih Yuđa hŏ ƀư rai nau tâm rnglăp Gâp hŏ ndâk đah chô yau khân păng.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Yêrêmi 8:5

Pôri mâm ƀư ƀon lan plăch hăn, Yêrusalem aơ mâu răp jăp mro? Khân păng ăt hôm sâl mray nau ndơm, Dun nau plơ̆ sĭt.

Yêrêmi 9:6

Brah Yêhôva lah: “May dôl gŭ rêh tâm nau mƀruh nây; Yorlah nau mƀruh khân păng dun nau gĭt năl Gâp.”

Êsêkiêl 11:12

Rnôk nây, khân may mra gĭt Gâp jêng Brah Yêhôva, yorlah khân may mâu chuat tĭng ndô̆ ôh nau vay Gâp dăp, mâu lĕ ŭch tông ma nau vay ƀư bơh Gâp, ƀiălah ƀư tĭng nkhơng nau vay phung mpôl băl bunuyh gŭ jŭm khân may.’”

Êsêkiêl 16:51

Ƀon Samari mâu mâp ƀư du n'gul nau tih ay ƀư jêh. Ay ƀư jêh nau ƀơ̆ ƀơch âk lơn ma păng, jêh ri tâm rđĭl nau mhĭk ay đah oh nur ay jêng sŏng srăng lơn ma ay.

Daniel 9:15

Aƀaơ aơ, ơ Kôranh Brah jêng Brah Ndu hên, May sŏk jêh ma ti brah njŭn leo phung ƀon lan May luh bơh n'gor Êjipt, hŏ ƀư lư n'găr jêh amoh May nâm bu nar aơ; bi ma hên ƀư tih jêh, hŏ ƀư jêh nau ƀai.

Daniel 9:5

Hên hŏ geh nau tih jêh, ƀư nau tih, gŭ ngao djơh mhĭk, hên tâm rdâng, chalơi đah lĕ nau vay ntăm jêh ri nau vay ƀư bơh May.

Daniel 9:8

Ơ Kôranh Brah, nau bêk, jêng ma hên, jêng ma phung hađăch, jêng ma phung kôranh, jêh ri phung chô yau hên, yorlah hên ƀư tih jêh đah May.

Sakari 7:11

Ƀiălah khân păng dun mâu ŭch iăt, dăng bôk jêh ri ndôn kơi, nsêt lơi tôr khân păng nơm gay lơi ăn tăng ôh nau ngơi.

I Kôrintô 5:1

Geh nau bu nkoch tâm phung khân may geh nau văng tĭr, nau văng tĭr tâm ban pônây bu mâu saơ ôh tâm phung bu năch; yorlah geh nơm hŏ bê̆ch ndrel đah ur yông mbơ̆ păng!

Yuđas 1:4

Yorlah geh ƀaƀă phung bunuyh mŭt ntŭng tâm nklang khân may, jêng phung kăl e hŏ tâm nal ma nau phat dôih, jêng phung mâu klach yơk, phung rgâl nau yô̆ Brah Ndu he jêng nau dơi ƀư tih, dun ma Nơm Chiă Uănh knŏng nguay jêh ri Kôranh Brah he jêng Brah Yêsu Krist.