Êsêkiêl 5:2 - Nau Brah Ndu Ngơi 2023

² Tơlah lĕ lôch jêh lĕ nar nchueng ƀon, ăn may su lơi tâm ŭnh du kô̆ tâm pe sŏk nây ta nklang ƀon, jêh nây sŏk du kô̆ tâm pe êng ăn may dŏng đao lơh păng ta jŭm ƀon. Jêh ri nglĕ dŭt nây dŏng du kô̆ tâm pe ăn may ntô̆ tâm sial yorlah Gâp nơm ro mra tŏk đao tĭng pakơi.

Êsêkiêl 5:2 ပူးပေါင်းရင်းမြစ်များ

Yêrêmi 13:24

Pônây Gâp mra srih khân may ăp ntŭk nâm bu njŏk Geh sail bri rdah khôm rdu.

Yêrêmi 15:2

Dôl khân păng ôp ma may: ‘Ntŭk hên mra hăn?’ pôri lah hom ma khân păng pô aơ Brah Yêhôva lah kơt aơ: ‘Mbu geh thăm ăn ma nau ji tưp, mra dơn nau ji tưp; Mbu geh thăm ma pêh đao, mra dơn pêh đao; Mbu geh thăm ma sa sât ji ngot, mra dơn sa sât ji ngot; Mbu geh thăm ăn jêng bu nă, mra dơn jêng bu nă.’ ”

Yêrêmi 24:10

Gâp mra đă đao, nau sât ji ngot, nau ji tưp tât ta nklang khân păng, kŏ tât bu mra ƀư rai lĕ bơh neh Gâp hŏ ăn jêh ma khân păng jêh ri ma phung chô yau khân păng.’”

Yêrêmi 38:2

“Brah Yêhôva lah: ‘Mbu nơm hôm gŭ tâm ƀon aơ mra khĭt ma tak đao, ma nau sa sât ji ngot, mâu lah ma nau ji tưp; ƀiălah mbu nơm luh jao săk păng nơm ma phung Kaldê mra dơi rêh; khân păng mra dơi rklaih nau rêh nâm bu geh drăp ndơ jêh ri mra rêh.’

Yêrêmi 39:1

Khay jât, năm rơh sĭn rnôk rô̆ Y-Sêdêkia, hađăch Yuđa, Y-Nêbukatnetsar, hađăch Babilôn, djôt leo ndrel ma phung tahan hăn văch tâm lơh jêh ri văr jŭm ƀon Yêrusalem.

Yêrêmi 39:2

Ta nar sĭn khay puăn năm rơh jât ma nguay rnôk rô̆ Y-Sêdêkia, ƀon toyh bu lơh rai.

Yêrêmi 9:15

Yor nây, Brah Yêhôva ma phung tahan, Brah Ndu phung Israel lah: “Aơ, Gâp mra ăn phung ƀon lan aơ sa tơm si tăng jêh ri ăn nhêt dak kăch khih.

Yêrêmi 9:16

Gâp mra ƀư ăn khân păng nchah rai pru pra ta nklang ndŭl mpôl bunuyh khân păng jêh ri phung chô yau khân păng mâu mâp gĭt; Gâp hôm njuăl tak đao hăn tĭng kŏ tât hŏ ƀư rai khân păng.”

Êsêkiêl 12:14

Phung gŭ jŭm hađăch gay kơl păng jêh ri phung tahan gâp mra ƀư chah rai pru pra tĭng phŭt sial jêh ri Gâp mra tŏk đao tĭng khân păng.

Êsêkiêl 17:21

Lĕ rngôch phung tahan păng nchuăt du mra chôt khĭt tâm dâng đao; phung hôm e klen mra chah-rai pru pra du tĭng lĕ rngôch rlong sial. Rnôk nây, khân may mra gĭt Gâp nơm, jêng Brah Yêhôva lah jêh pônây.’

Êsêkiêl 5:10

Yor ri, tâm nklang may, mbơ̆ mra sa puăch kon, kon mra sa puăch mbơ̆. Gâp mra ƀư ăn nau phat dôih tât ta may, jêh ri Gâp mra ƀư lĕ rngôch phung bunuyh may hôm e klen ăn păng nchah rai pru pra tĭng ăp mpeh sial.’”

Êsêkiêl 5:12

Du kô̆ tâm pe tâm phung ƀon lan may mra khĭt ma nau ji tưp, mra djoh jêh ma nau ât ji ngot ta nklang may; du kô̆ tâm pe mra khĭt ma đao gŭ jŭm may; bi du kô̆ tâm pe đŏng Gâp mra ƀư nchah rai pru pra tĭng ăp mpeh sial jêh ri Gâp tŏk đao hăn tĭng khân păng.

Êsêkiêl 5:3

Tâm lĕ rngôch brai sŏk hôm e, ăn may sŏk du djê̆ brai sŏk kât ta ntôr ao jâr may.

Kan Lêvi 26:33

Gâp mra nkhah khân may lam phung ndŭl mpôl bunuyh jêh ri tŏk đao gưm tĭng lơh khân may. Neh khân may mra jêng ntŭk rngol, ƀon toyh khân may mra jêng rngot rklăk.

Amôt 9:4

Nđâp tơlah khân păng hăn jêng bu nă Ta nây, Gâp mra ntĭnh ma đao, hăn nkhĭt lơi khân păng. Nanê̆ ngăn măt Gâp mra gŭ uănh khân păng Gay ƀư nau mhĭk mâu di nau ueh ôh.”

Sakari 13:8

Brah Yêhôva lah: “Nau tât tâm lam bri, Bar kô̆ tâm pe bu mra ntlơi jêh roh rai, Ƀiălah du kô̆ tâm pe mra om rêh.