Êsêkiêl 5:17 - Nau Brah Ndu Ngơi 2023

¹⁷ Gâp mra nkhŭt nau sa sât ji ngot tât ma khân may jêh ri njuăl mpô mpa bri sa hêk phung kon khân may. Nau ji tưp jêh ri nau pling mham mra tât ma ta nklang khân may, jêh ri Gâp mra dŏng tak đao tât đŏng ma khân may. Gâp yơh jêng Brah Yêhôva hŏ lah jêh pônây!”

Êsêkiêl 5:17 ပူးပေါင်းရင်းမြစ်များ

II Phung Hađăch 17:25

Tơlah khân păng ntơm gŭ ta nây, khân păng mâu klach yơk ôh ma Brah Yêhôva, yor nây Brah Yêhôva prơh yau mŭr hăn tât kăp nkhĭt âk bunuyh tâm khân păng.

Nau Ngluh Êjipt 23:29

Gâp mâu ôh mprơh lĕ khân păng tâm du năm, klach lah n'gor mra jêng rngol, jêh ri mpô mpa bri mra bĭk rơ̆ âk, ƀư djơh ma may.

Yêrêmi 15:3

Brah Yêhôva lah: “Gâp mra nkhŭt ta klơ khân păng puăn ntil nau mhĭk tât: đao gay ƀư nkhĭt, so gay sa hêk săk jăn, sĭm klơ trôk jêh ri mpô mpa bri ta klơ neh gay sa rvăn jêh ri ƀư rai.

Êsêkiêl 14:15

Tơlah Gâp ăn mpa bri janh hăn ăp ntŭk ƀư rai lơi jêh ri ƀư ăn ma bri nây jêng rngol, kŏ tât mâu hôm geh bunuyh hăn prot yorlah klach mpô mpa nây;

Êsêkiêl 14:19

Mâu lah tơlah Gâp njuăl nau ji tưp tât tâm bri nây, tơlah Gâp nkhŭt nau ji nuih ƀư pling mham, nkhĭt lơi lĕ rngôch bunuyh jêh ri mpô mpa tâm bri bơh păng

Êsêkiêl 14:21

Pônây Kôranh Brah Yêhôva lah: ‘Gâp sŏk puăn ntil nau tâm rmal jru rlau lơn ma nây jêng gưm đao, nau sa sât ji ngot, mpô mpa bri janh jêh ri nau ji tưp nkhĭt ăn ma ƀon Yêrusalem gay ƀư rai lơi bunuyh jêh ri mpô mpa tâm bri tâm nây.

Êsêkiêl 17:21

Lĕ rngôch phung tahan păng nchuăt du mra chôt khĭt tâm dâng đao; phung hôm e klen mra chah-rai pru pra du tĭng lĕ rngôch rlong sial. Rnôk nây, khân may mra gĭt Gâp nơm, jêng Brah Yêhôva lah jêh pônây.’

Êsêkiêl 17:24

Lĕ rngôch tơm si tâm bri mra gĭt ma Gâp, Brah Yêhôva, hŏ njŭr tơm si prêh jêh ri n'hao tơm si dêh klơ. Gâp hŏ ƀư kro lơi tơm si ndrêh jêh ri ƀư ăn tơm si lĕ kro dơi nse ueh. Gâp, Brah Yêhôva, hŏ lah jêh ri ƀư dơi jêng nau nây ro.’”

Êsêkiêl 21:3

Ngơi hom ma bri krŏng Nêgep pô aơ: ‘Iăt hom nau Brah Yêhôva! Kôranh Brah Yêhôva lah: Aơ, Gâp mra sŭnh ŭnh tâm may, ŭnh nây mra sa lĕ rngôch tơm si ndrêh jêh ri nđâp tơm si kro ta ntŭk may. Mpiăt ŭnh hit mâu mra nhhât ôh, lĕ rngôch muh măt păng bu mra su ntơm bơh mpeh pa dâng tât mpeh pa lơ.

Êsêkiêl 21:32

Rai yot, rai yot, rai yot! Gâp mra ƀư nau nây. Nau nây mâu mra geh kŏ tât ndah jŏ Nơm khư dơi phat dôih tât pôri Gâp mra ăn ma păng.’

Êsêkiêl 22:14

Tât nar Gâp mra phat dôih, dơi lĕ nuih n'hâm may dơi dơn đŏng jêh ri ti may ăt hôm jêng ktang lĕ? Gâp, Brah Yêhôva, hŏ ngơi jêh pôri Gâp mra ƀư ngăn nau nây.

Êsêkiêl 23:47

Phung âk nây mra klŭp lŭ ma khân păng; sŏk đao ntâp khân păng, nkhĭt kon bu ur, bu klâu khân păng jêh ri sŏk ŭnh su ngih vâl khân păng.

Êsêkiêl 26:14

Gâp mra njêng may jêng lŭ chrêk; may mra jêng du ntŭk bu ih nhuăl jêh ri mâu hôm rdâk njêng đŏng ôh, yorlah Gâp jêng Brah Yêhôva hŏ lah jêh.’ Kôranh Brah Yêhôva lah pônây.”

Êsêkiêl 28:23

Gâp mra njuăl nau ji tưp tât tâm ƀon, Jêh ri nau pling mham tâm lĕ trong sâng păng. Đơ phung rmanh mra cha lôt ta nklang păng, Yor ma đao tă bơh puăn mpeh mra rduh leo păng. Nôk nây, khân păng mra gĭt yơh Gâp jêng Brah Yêhôva.

Êsêkiêl 30:12

Gâp mra ƀư suăt lơi dak krong Nil, Jêh ri tăch lơi bri dak nây tâm ti phung djơh. Gâp mra ăn ti phung bu năch Ƀư rai bri dak nây jêh ri nđâp ma lĕ rngôch ntil ndơ tâm nây. Gâp jêng Brah Yêhôva hŏ lah jêh.’

Êsêkiêl 33:27

Pônây may lah hom ma khân păng pô aơ: Kôranh Brah Yêhôva lah: ‘Di ngăn tĭng nâm Gâp gŭ rêh mro mrăng, phung gŭ tâm ntŭk rlâm rai mra chôt khĭt ma đao, jêh ri Gâp mra jao phung gŭ tâm mir ăn ma mpô mpa sa kăp sa rvăn; bi ma phung gŭ tâm pôih tahan, trôm ntu mra khĭt yor nau ji tưp.

Êsêkiêl 37:14

Gâp mra dơm Huêng Brah Gâp tâm khân may jêh ri khân may mra rêh. Gâp mra njêng tay khân may tâm n'gor bri êng khân may nơm, jêh nây khân may mra gĭt Gâp jêng Brah Yêhôva; Gâp hŏ lah jêh ri Gâp lĕ ƀư jêh,” Brah Yêhôva lah pônây.

Êsêkiêl 38:22

Gâp mra ƀư nau phat dôih tâm rdâng đah păng ma nau ji tưp jêh ri ma nau pling mham. Gâp mra nkhŭt dak mih toyh, glo dak pler, ŭnh jêh ri lŭ mô ŭnh nkhŭt ta klơ păng, ta klơ phung tahan âk păng jêh ri phung ƀon lan hăn ndrel păng.

Êsêkiêl 5:15

Tơlah Gâp hao ji nuih phat dôih may, nkhŭt nau ji nuih nduyh nkra may, pôri may mra jêng bêk prêng jêh ri nau bu mưch rmot, nau mbơh lor jêh ri nau krit toyh ăn ma bri dak gŭ jŭm may. Gâp yơh jêng Brah Yêhôva lah pônây!

Êsêkiêl 5:16

Gâp mra pănh tâm khân may ma lĕ chiông hăr kăch jêng nau sa sât ji ngot gay ƀư rai khân may; Gâp mra pănh gay ƀư rai khân may. Gâp mra ntop ăn nau sât ji ngot ma khân may jêh ri mâu mra ăn ndơ sông sa ma khân may.

Êsêkiêl 6:1

Geh nau Brah Yêhôva lah ma gâp:

Êsêkiêl 6:12

Bu nơm gŭ ngai mra khĭt ma nau ji tưp nkhĭt. Bu nơm gŭ dăch mra chôt khĭt tâm dâng chông đao. Nơm hôm klen gŭ rêh jêh ri nơm bu nchueng jŭm mra khĭt ma nau sa sât ji ngot. Kơt nây, Gâp mra ăn tât lĕ nau Gâp ji nuih ta khân păng.

Kan Lêvi 26:22

Gâp mra mƀơk âk mpô mpa bri janh tât jêh ri ntŭng sŏk phung kon khân may, ƀư rai mpô mpa rong jêh ri ƀư ma rnoh bunuyh khân may n'hŭch kŏ tât lĕ trong jêng hŏng.

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Nau Vay Nkah Tay 32:24

Khân păng mra huănh hươi yor ma nau ji ngot, Lĕ huăr yorlah nau duh hâu ngăn, Roh rai yor nau ji tưp mhĭk. Gâp mra đă mpa bri janh, Jêh ri dak kăch bơh lĕ ntil bêh tâm ndruyh neh văch mra ƀư mhĭk khân păng.

Nau Tâm Mpơl 6:8

Gâp uănh, ri du mlâm seh ĭr rmĭt. Nơm ncho seh rnha Nau Khĭt, jêh ri Ƀon phung khĭt tĭng pakơi păng. Bu ăn ma khân păng nau dơi ƀư rai du kô̆ tâm puăn ta neh ntu gay nkhĭt ma đao gưm, nau sa sât ji ngot, nau ji tưp jêh ri ma phung mpô mpa bri janh ta neh ntu.