Êsêkiêl 5:16 - Nau Brah Ndu Ngơi 2023

¹⁶ Gâp mra pănh tâm khân may ma lĕ chiông hăr kăch jêng nau sa sât ji ngot gay ƀư rai khân may; Gâp mra pănh gay ƀư rai khân may. Gâp mra ntop ăn nau sât ji ngot ma khân may jêh ri mâu mra ăn ndơ sông sa ma khân may.

Êsêkiêl 5:16 ပူးပေါင်းရင်းမြစ်များ

II Phung Hađăch 6:25

Yorlah ƀon lĕ bu nchueng jŏ nar jêh, pôri ta ƀon Samari tât geh nau ji ngot toyh ngăn kŏ tât du bôk seh bri bu tăch pham jât glo prăk, jêh ri du khăl jê̆ ek sĭm plŭk bu tăch prăm glo prăk.

Nau Mprơ Ơm 7:13

Păng rơm ndrăp jêh ndơ tâm lơh ƀư rai Jêh ri ƀư chiông hăr ma ŭnh.

Êsai 3:1

Aơ, Kôranh Brah jêng Brah Yêhôva ma phung tahan Mra sŏk rdu lơi bơh Yêrusalem jêh ri bri Yuđa Tu nau kâp kơl jêh ri ntŭk rnơm, Nĕ jêng lĕ tu ăn ma ƀănh jêh ri dak.

Yêrêmi 52:6

Ta nar sĭn khay puăn, nau ji ngot hâu ngăn tâm ƀon kŏ tât mâu hôm geh ndơ sông sa đŏng ôh.

Nau Nhĭm Vơl 3:12

Păng hŏ van na jêh ri ndâk gâp Ƀư ntŭk ntrâng ăn ma hăr Păng.

Êsêkiêl 14:13

“Hơi kon bunuyh, moh bri dak mâu ƀư răp jăp ôh jêh ri ƀư tih tâm rdâng đah Gâp, jêh ri Gâp mra yơr ti tâm rdâng đah păng, mâu hôm ăn ndơ sông sa păng, ăn nau sât ji ngot jêh ri nkhĭt lĕ bunuyh ndrel mpô mpa bri tâm bri nây,

Êsêkiêl 4:16

Jêh nây Păng lah tay: “Hơi kon bunuyh, aơ, Gâp mâu ăn ôh piăng let tâm ƀon Yêrusalem, khân păng mra veh piăng let sa tâm nau klach, nhueh dak nhêt tâm nau krit toyh ngăn.

Êsêkiêl 5:15

Tơlah Gâp hao ji nuih phat dôih may, nkhŭt nau ji nuih nduyh nkra may, pôri may mra jêng bêk prêng jêh ri nau bu mưch rmot, nau mbơh lor jêh ri nau krit toyh ăn ma bri dak gŭ jŭm may. Gâp yơh jêng Brah Yêhôva lah pônây!

Êsêkiêl 5:17

Gâp mra nkhŭt nau sa sât ji ngot tât ma khân may jêh ri njuăl mpô mpa bri sa hêk phung kon khân may. Nau ji tưp jêh ri nau pling mham mra tât ma ta nklang khân may, jêh ri Gâp mra dŏng tak đao tât đŏng ma khân may. Gâp yơh jêng Brah Yêhôva hŏ lah jêh pônây!”

Kan Lêvi 26:26

Tơlah Gâp ngroh lơi ndơ sông sa ma khân may, jât nuyh bu ur mra gŭch piăng let nsum tâm du rplay năk, jêh ri nhueh piăng let gay pă kô̆; khân may mra sa ƀiălah mâu hơm ôh.