Êsêkiêl 5:15 - Nau Brah Ndu Ngơi 2023

¹⁵ Tơlah Gâp hao ji nuih phat dôih may, nkhŭt nau ji nuih nduyh nkra may, pôri may mra jêng bêk prêng jêh ri nau bu mưch rmot, nau mbơh lor jêh ri nau krit toyh ăn ma bri dak gŭ jŭm may. Gâp yơh jêng Brah Yêhôva lah pônây!

Êsêkiêl 5:15 ပူးပေါင်းရင်းမြစ်များ

I Phung Hađăch 9:7

nôk nây Gâp mra mprơh phung Israel du luh bơh neh Gâp hŏ ăn jêh ma khân păng. Bi ngih brah Gâp hŏ prăp êng jêng kloh ueh ma amoh Gâp, Gâp mra mƀăr lơi ngih luh bơh măt Gâp; jêh ri phung Israel mra jêng du bôk nau mprĭng ma lĕ rngôch phung ƀon lan ngơi hôr jêh ri gơm mpray.

II Nau Rêh Jêng 29:8

Yor ri, nau Brah Yêhôva ji nuih tât ma Yuđa jêh ri Yêrusalem; Păng jao khân păng ma nau klach krit ngăn, nau roh rai, nau bu gơm mưch, tĭng nâm măt khân may nơm lĕ saơ jêh.

Nau Mprơ Ơm 39:11

Tơlah May nduyh phung kon bunuyh yor djơh mhĭk, May ƀư roh lêk nau ueh păng nâm bu nchiăr bon: Nanê̆ nau rêh bunuyh jêng dơm dam! (Sêla)

Nau Mprơ Ơm 79:4

Hên jêng ndơ bu tâm rmot jêh ma phung chiau meng hên, Ndơ suai rak jêh ri ndơ gơm mưch ma phung gŭ jŭm hên.

Êsai 26:9

Dôl măng huêng gâp ji hir ma May; Ơ, nuih n'hâm gâp nđơr ŭch joi May. Yorlah nau May phat dôih ƀư jêh ta neh Phung gŭ tâm neh ntu nti gĭt nau sŏng srăng.

Êsai 43:28

Yor nây, Gâp mra ƀư bêk phung kôranh tâm ntŭk kloh ueh; Gâp jao Yakôb ma nau ƀư rai, Jêh ri jao Israel ma nau bu suai rak.

Yêrêmi 23:40

Gâp mra ƀư ma khân may geh nau prêng ƀaƀơ, bu nduyh n'ho ro, mâu dơi chuêl ôh.”

Yêrêmi 29:18

Gâp mra njuăl ma đao, nau sât ji ngot, jêh ri nau ji tưp tĭng khân păng. Gâp mra njêng khân păng du ntil ndơ nkrit ngăn ma lĕ rngôch ƀon bri hađăch ta neh ntu, du ntil ndơ bu rak rtăp, du ntil nau ntêh rmot, du ntil nau gơm mưch, du ntil nau bêk prêng ta nklang lĕ rngôch mpôl băl bunuyh Gâp hŏ mprơh jêh khân păng.”

Nau Nhĭm Vơl 2:15

Lĕ rngôch bunuyh rgăn rŏ trong Tap ti, nsŭch, rteh bôk, Ntêh rmot bu ur druh ƀon Yêrusalem: “Di lĕ aơ jêng ƀon toyh bu ntơ: ‘Nau ueh reh rah vah ngăn, Nau răm rhơn ma lĕ rngôch neh ntu’ lĕ?”

Nau Nhĭm Vơl 2:16

Lĕ rngôch phung rlăng may Hă mbung tâm rdâng đah may; Khân păng nsŭch, rket sêk, jêh nây lŭng nter: “He ƀư rai jêh păng! Aơ jêng nar he gŭ kâp gân, He hŏ dơi ngăn jêh, hŏ dơi saơ jêh!”

Êsêkiêl 11:9

Gâp mra ngluh khân may tă bơh ƀon aơ jêh ri jao khân may tâm ti phung bu năch gay ma tâm rmal khân may.

Êsêkiêl 14:8

Gâp mra tâm rdâng đah nơm nây, ƀư ma păng du nau mbên jêh ri nau hôr. Gâp mra ngroh lơi păng bơh ta nklang phung ƀon lan Gâp. Rnôk aơ, khân may mra gĭt Gâp jêng Brah Yêhôva.

Êsêkiêl 16:41

Khân păng mra su ngih vâl ay, phat dôih ay tanăp măt âk phung bu ur. Gâp mra ƀư ma ay mâu hôm văng tĭr ôh jêh ri mâu hôm đŏng ăn prăk ma bu năch.

Êsêkiêl 16:57

Dôl nây nau janh ƀai ay ê hŏ mpơl ôh, ay ê hŏ plơ̆ jêng du ntil nau phung tâm rmot ma kon bu ur Aram, ma lĕ rngôch phung chiau meng, jêh ri phung kon bu ur Philistin gŭ jŭm ay bu tâm rmot ma ay da dê.

Êsêkiêl 22:4

May jêng tih jêh yor nau may ƀư pling mham, jêh ri jêng ƀơ̆ ƀơch ma yor lĕ rup brah may hŏ ƀư jêh. Pônây may hŏ ƀư ăn lĕ nar may dăch lơn jêh ri lĕ năm may mra tât gơnh lơn. Yor ri, Gâp hŏ ƀư jêh ăn may jêng ndơ prêng ma ntil mpôl bunuyh, ƀư ăn lĕ rngôch bri dak bu gơm mưch.

Êsêkiêl 23:32

Kôranh Brah Yêhôva lah: ‘Ay mra nhêt kachok nur ay Jêng kachok jru jêh ri toyh Dơi prăp âk ngăn; Bu mra gơm mưch ntêh rmot ay.

Êsêkiêl 25:17

Gâp mra ƀư nau plơng bôk toyh tâm rdâng đah khân păng, sŏk nau ji nuih gay phat dôih khân păng. Rnôk nây, khân păng mra gĭt Gâp jêng Brah Yêhôva, tơlah Gâp har plơng ma khân păng.’”

Êsêkiêl 30:19

Gâp mra ƀư rai nau phat dôih ma bri Êjipt, Jêh ri khân păng mra gĭt Gâp jêng Brah Yêhôva.’”

Êsêkiêl 5:16

Gâp mra pănh tâm khân may ma lĕ chiông hăr kăch jêng nau sa sât ji ngot gay ƀư rai khân may; Gâp mra pănh gay ƀư rai khân may. Gâp mra ntop ăn nau sât ji ngot ma khân may jêh ri mâu mra ăn ndơ sông sa ma khân may.

Êsêkiêl 5:8

Yor nây, Yêhôva Brah Ndu lah: ‘Aơ, Gâp, Gâp nơm yơh mra tâm rdâng ma may jêh ri Gâp mra ăn tât nau phat dôih ta nklang may gay ma lĕ ndŭl mpôl bunuyh saơ da dê.

Kan Lêvi 26:32

Gâp mra ƀư rai lơi n'gor khân may kŏ tât phung rlăng đah khân may gŭ ta nây mra hih rhâl.

Nahum 1:2

Yêhôva jêng Brah Ndu blau ntôn jêh ri plơng bôk; Brah Yêhôva jêng Nơm plơng bôk jêh ri bêng ma nau ji nuih. Brah Yêhôva plơng bôk phung tâm rdâng đah Păng, Jêh ri hao ji nuih đah phung rlăng Păng.

I Kôrintô 10:11

Lĕ rngôch nau nây tât geh ma khân păng nâm bu du nau nti, jêh ri bu nchih jêh gay lah lor ma he jêng phung gŭ êp nar dăch lôch.

Nau Vay Nkah Tay 28:37

Jêh ri khân may mra jêng du nau krit kir, du nau bu gơm jêh ri du nau ngơi srơh mbơh bir ta nklang phung ƀon lan Brah Yêhôva mra njŭn khân may tât.

Nau Vay Nkah Tay 28:46

Lĕ nau rak rtăp aơ mra jêng du nau tâm mbên jêh ri nau mbơh ma khân may jêh ri phung kon sau khân may.