Êsêkiêl 5:14 - Nau Brah Ndu Ngơi 2023

¹⁴ Gâp mra njêng may ntŭk rngol jêh ri plơ̆ jêng nau bêk prêng tâm lĕ bri dak văr jŭm may jêh ri tanăp măt phung prot rgăn.

Êsêkiêl 5:14 ပူးပေါင်းရင်းမြစ်များ

Nêhêmi 2:17

Gâp lah ma khân păng: “Khân may hŏ saơ jêh he dôl gŭ tâm nau rêh ni, Yêrusalem hŏ roh rai jêh ri lĕ mpông ƀon păng lĕ ŭnh sa jêh. Văch hom, ăn he ndâk đŏng mpêr ƀon Yêrusalem, gay mâu hôm dơn nau bêk prêng đŏng ôh.”

Yêrêmi 19:8

Gâp mra njêng ƀon aơ ma nau rai, ƀư nau gơm ma neh ntu; bunuyh prot rgăn hih rhâl da dê jêh ri gơm mưch yorlah lĕ rngôch nau sôt rmanh păng.

Yêrêmi 23:40

Gâp mra ƀư ma khân may geh nau prêng ƀaƀơ, bu nduyh n'ho ro, mâu dơi chuêl ôh.”

Yêrêmi 42:18

N'hêl nanê̆ yơh, Brah Yêhôva ma phung tahan, Brah Ndu Israel, lah: ‘Nâm bu Gâp hŏ nkhŭt jêh nau nuih jêh ri nau ji nuih ma phung gŭ tâm ƀon Yêrusalem, lah khân may hăn rlet ma bri Êjipt, Gâp mra nkhŭt nau ji nuih Gâp ma khân may tâm ban lĕ. Khân may mra jêng ndơ bu suai rak jêh ri nau klach krit, nau rak rtăp jêh ri nau bêk prêng. Khân ay may mâu mra hôm saơ ntŭk aơ đŏng ôh.’

Nau Nhĭm Vơl 1:4

Trong hăn ma ƀon Siôn rngot klâng ngăn Yorlah mâu hôm geh nơm tât tâm nar rƀŭn. Lĕ rngôch mpông pêr păng jêng rngol, Phung kôranh ƀư brah nter vơl; Phung bu ur druh tang tat păng rngot klâng. Nau rêh păng gŭ tâm nau rngot ngăn.

Nau Nhĭm Vơl 1:8

Ƀon Yêrusalem ƀư tih jâk jêr, Yor nây, lĕ jêng ƀơ̆ ƀơch jêh; Lĕ rngôch phung tă yơk ma păng aƀaơ ri gơm mưch ma păng, Yorlah khân păng saơ nau rhôk păng. Păng nơm vah vơl êng Jêh ri plơ̆ pôn muh măt.

Nau Nhĭm Vơl 5:18

Yorlah yôk Siôn hŏ jêng rngol jêh, Ƀư ntŭk so bri hăn nsong.

Êsêkiêl 12:20

Ƀon toyh geh âk bunuyh gŭ mra jêng rai, bri dak mra jêng rngol jêh ri khân may mra gĭt Gâp jêng Brah Yêhôva.’”

Êsêkiêl 16:57

Dôl nây nau janh ƀai ay ê hŏ mpơl ôh, ay ê hŏ plơ̆ jêng du ntil nau phung tâm rmot ma kon bu ur Aram, ma lĕ rngôch phung chiau meng, jêh ri phung kon bu ur Philistin gŭ jŭm ay bu tâm rmot ma ay da dê.

Êsêkiêl 22:4

May jêng tih jêh yor nau may ƀư pling mham, jêh ri jêng ƀơ̆ ƀơch ma yor lĕ rup brah may hŏ ƀư jêh. Pônây may hŏ ƀư ăn lĕ nar may dăch lơn jêh ri lĕ năm may mra tât gơnh lơn. Yor ri, Gâp hŏ ƀư jêh ăn may jêng ndơ prêng ma ntil mpôl bunuyh, ƀư ăn lĕ rngôch bri dak bu gơm mưch.

Êsêkiêl 23:32

Kôranh Brah Yêhôva lah: ‘Ay mra nhêt kachok nur ay Jêng kachok jru jêh ri toyh Dơi prăp âk ngăn; Bu mra gơm mưch ntêh rmot ay.

Êsêkiêl 33:28

Gâp mra ƀư bri aơ jêng rngol, rngot njăp, nau dăng ktang păng ƀư sưr rlau mra rai lôch; lĕ yôk Israel mra jêng rngol kŏ tât mâu geh du huê nuyh prot rgăn ta nây đŏng ôh.

Êsêkiêl 36:34

Bri neh lĕ rngol mra geh pŏk rlơk ntrok đah bu chalơi jêng rngot tanăp măt lĕ rngôch bunuyh hăn rgăn.

Êsêkiêl 6:6

Ăp ntŭk khân may gŭ ƀon toyh bu ƀư rai, lĕ ntŭk prêh mra jêng rngol kŏ tât nơng ƀư brah khân may rai yot jêh ri rlâm lĕ, rup brah mbang nchah jêh ri mâu hôm geh đŏng ôh; Nơng ƀư brah su ndơ ƀâu kah bu ƀư rai lơi jêh ri lĕ rngôch kan khân may bu jut lĕ.

Daniel 9:16

Ơ Kôranh Brah, tĭng nâm lĕ nau sŏng srăng May, gâp dăn ma May djoh ji nuih jêh ri rlu nau ji nuih đah ƀon Yêrusalem May, nây jêng yôk kloh ueh May, yorlah nau tih hên jêh ri nau mhĭk phung chô yau hên, lĕ rngôch phung gŭ jŭm hên ngơi djơh ma ƀon Yêrusalem jêh ri phung ƀon lan May.

Mika 3:12

Pônây, yor khân may Siôn bu mra chuar nâm bu lôk mir; Yêrusalem mra jêng du mbŭch rlâm rai, Jêh ri yôk ngih brah mra jêng nâm bu yôk bri krŏng!

Nau Vay Nkah Tay 28:37

Jêh ri khân may mra jêng du nau krit kir, du nau bu gơm jêh ri du nau ngơi srơh mbơh bir ta nklang phung ƀon lan Brah Yêhôva mra njŭn khân may tât.