Êsêkiêl 5:11 - Nau Brah Ndu Ngơi 2023

¹¹ Yêhôva Brah Ndu lah: “N'hêl nê̆ tĭng nâm Gâp gŭ rêh mro mrăng, yor may hŏ ƀư ƀơ̆ ƀơch jêh ntŭk kloh ueh Gâp tă bơh lĕ nau mhĭk Gâp tâm rmot yor ri Gâp mra ƀư rai may mâu mra nhhuach. Măt Gâp mâu mra yô̆ may đŏng ôh.

Êsêkiêl 5:11 ပူးပေါင်းရင်းမြစ်များ

II Phung Hađăch 21:4

Păng ndâk lĕ nơng ƀư brah tâm ngih Brah Yêhôva, jêng ntŭk Brah Yêhôva lah jêh pô aơ: “Tâm ƀon Yêrusalem, Gâp mra dơm amoh Gâp ta nây.”

II Phung Hađăch 21:7

Bi ma rup brah Asêrah păng hŏ ƀư, pôri păng ndâk tâm trôm ngih Brah Yêhôva lah jêh ma Y-Đavit jêh ri Y-Salômôn, kon bu klâu păng, pô aơ: “Tâm ngih aơ jêh ri ta ƀon Yêrusalem, ntŭk Gâp lĕ săch jêh tâm lĕ rngôch ndŭl mpôl phung Israel, jêng ntŭk Gâp mra dơm amoh Gâp gŭ n'ho ro.

II Phung Hađăch 23:12

Hađăch Jôsia ƀư rai lơi lĕ nơng ƀư brah phung hađăch Yuđa hŏ ƀư jêh ta klơ chor bôk phok jrô prêh klơ ma Y-Ahas. Bi lĕ nơng ƀư brah Y-Manasê ƀư jêh tâm bar nkual ngih Brah Yêhôva, păng ƀư rai lơi, mbang nchah lơi hăch rhên jêh ri mƀăr ndơ chah hăch môi nây tâm n'hor dak Kidrôn.

II Nau Rêh Jêng 33:4

Păng ndâk lĕ nơng ƀư brah tâm ngih Brah Yêhôva jêng ntŭk Brah Yêhôva hŏ lah: “Amoh Gâp mra gŭ tâm ƀon Yêrusalem n'ho ro.”

II Nau Rêh Jêng 33:7

Păng ƀư rup brah jêh ri n'gân tâm ngih Brah Ndu, jêng ntŭk Brah Ndu lah jêh ma Y-Đavit jêh ri ma Y-Salômôn, kon bu klâu păng, pô aơ: “Tâm ngih brah aơ jêh ri ta ƀon Yêrusalem, jêng ƀon Gâp hŏ săch jêh tâm lĕ rngôch ndŭl mpôl phung Israel, Gâp mra dơm amoh Gâp gŭ n'ho ro.

II Nau Rêh Jêng 36:14

Rlau ma nĕ, lĕ rngôch kôranh chiă uănh ma phung kôranh ƀư brah jêh ri phung ƀon lan lơ hô mâu gŭ răp jăp, ƀư lĕ nau ƀơ̆ ƀơch nâm bu phung ƀon lan chiau meng hŏ ƀư. Khăn păng ƀư ƀơ̆ ngih Brah Yêhôva, ngih Păng hŏ ƀư kloh jêh tâm ƀon Yêrusalem.

Ndrom Samƀŭt bơh Yôp 27:22

Chiông sial rpuh tât nau mhĭk toyh ta klơ păng mâu geh nau yô̆ nđach; Păng nsrôih nchuăt du bơh nau tât.

Nau Mprơ Ơm 107:39

Tơlah rnoh khân păng n'hŭch jŭr jêh ri bu ƀư mhĭk Yor nau tŭn jot, nau rêh ni jêh ri nau rngot.

Nau Mprơ Ơm 95:11

Yor nây, Gâp ji nuih ton pô aơ: “Khân păng mâu mra lăp tâm nau Gâp rlu ôh.”

Yêrêmi 10:24

Mbah Brah Yêhôva, dăn nkra nti gâp, ƀiălah tâm nau di; Mâu di ôh tâm nau ji nuih, Klach lah May ăn gâp rai lơi.

Yêrêmi 16:18

Lor lơn Gâp mra mplơ̆ nau mhĭk ma khân păng n'hao bar tơ̆ jêh ri nau tih khân păng hŏ ƀư jêh, yorlah khân păng hŏ ƀư ƀơ̆ ƀơch neh Gâp bơh săk jăn khĭt lĕ rup brah di ma nau tâm rmot, jêh ri ƀư bêng ma drăp ndơn đah lĕ ndơ di ma nau ƀơ̆ ƀơch.”

Yêrêmi 32:34

Khân păng hŏ dơm jêh lĕ ndơ ƀơ̆ ƀơch tâm trôm ngih dơi ntơ ma Amoh Gâp, gay ƀư ƀơ̆.

Yêrêmi 44:4

Nđâp lah Gâp hŏ prơh hăn ƀaƀơ jêh ma lĕ rngôch phung oh mon Gâp, nây jêng phung nơm mbơh lor, tât lah ma khân may pô aơ: ‘Vơ, lơi ta ƀư ôh nau ƀơ̆ bơch Gâp tâm rmot nây!’

Nau Nhĭm Vơl 2:17

Brah Yêhôva ƀư ngăn jêh nau Păng ŭch ƀư, Ƀư nau Păng hŏ lah jêh; Nâm bu nau Păng ntĭnh bơh jŏ kăl e, Păng hŏ n'glưh lơi jêh mâu geh nau yô̆ ôh; Păng ƀư ăn ma phung rlăng may maak yor ma may, N'hao prêh nke phung rlăng may.

Nau Nhĭm Vơl 2:21

Rŏ trong sâng, phung mom ndăm jêh ri phung bu ranh Lâng bê̆ch mbrach; Phung bu klâu ndăm bu ur druh gâp Cha lôt khĭt da dê yor ma chiông đao. May hŏ nkhĭt lơi jêh khân păng tâm nar ji nuih, Ƀư nkhĭt khân păng mâu geh nau yô̆ ôh.

Êsêkiêl 11:18

Khân păng mra tât ta nây jêh ri mra mƀăr lơi lĕ rngôch ntil ndơ mhĭk ƀơ̆ ƀơch jêh ri ndơ Gâp tâm rmot du bơh ntŭk nây.

Êsêkiêl 11:21

Ƀiălah phung geh nuih n'hâm ŭch ma lĕ ndơ tâm rmot jêh ri ƀơ̆ ƀơch Gâp mra ƀư ma trong khân păng nkhŭt tay ta klơ bôk khân păng nơm,’ Yêhôva Brah Ndu lah pônây.”

Êsêkiêl 23:28

Yorlah Kôranh Brah Yêhôva lah: ‘Aơ Gâp mra jao ay tâm ti phung ay tâm rmot, jêh ri tâm ti phung ay dĭl jêh.

Êsêkiêl 23:38

Khân păng ăt hôm ƀư nau aơ đŏng: Ndrel tâm du nar khân păng hŏ ƀư ƀơ̆ jêh ntŭk kloh ueh Gâp jêh ri ƀư tih lĕ rngôch nar saƀat Gâp!

Êsêkiêl 23:39

Jêh khân păng nkhĭt lơi kon păng nơm nhhơr ma rup brah, tâm nar nây, khân păng lăp tâm ntŭk kloh ueh Gâp gay ƀư ƀơ̆ ƀơch ntŭk nây! Nây jêng nau khân păng ƀư ta nklang ngih Gâp!

Êsêkiêl 24:14

Gâp, Brah Yêhôva, hŏ lah jêh nau nây mra geh tât. Gâp mra ƀư, Gâp mâu mra plơ̆ rŭch ôh, mâu yô̆ ôh, mâu tâm rgâl nau mĭn ôh. Bu mra phat dôih may tĭng nâm trong jêh ri kan may pah,’ Kôranh Brah Yêhôva lah pônây.”

Êsêkiêl 29:15

Bri dak Êjipt mra jêng du rplay bri huơi lơn tâm lĕ rngôch bri dak, jêh ri mâu mra dơi n'hao păng nơm ta klơ phung bri dak êng đŏng ôh. Gâp mra ăn khân păng huơi gay ma khân păng mâu hôm dơi chiă uănh lĕ bri dak đŏng ôh.

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Êsêkiêl 43:8

Tơlah khân păng ndâk mpông ngih khân păng dăch mpông ngih Gâp jêh ri ndâk n'gâng mpông khân păng dăch n'gâng mpông Gâp, kŏ tât vah vang Gâp đah khân păng knŏng tâm ƀah du mlâm mpir dơm, pôri khân păng hŏ ƀư ƀơ̆ amoh kloh ueh Gâp. Yor nau kan ƀơ̆ khân păng ƀư jêh yor nây Gâp ji nuih dĭng ƀư rai lơi khân păng.

Êsêkiêl 44:7

Khân may hŏ leo jêh phung bu năch jêng phung mâu koh ntâu tâm nuih n'hâm jêh ri tâm săk jăn hăn lăp tâm ntŭk kloh ueh Gâp gay ƀư ƀơ̆ ƀơch ngih brah Gâp, tơlah khân may nhhơr piăng let, ngi jêh ri mham ma Gâp. Pônây, khân may hŏ ƀư tih ngroh lơi nau tâm rnglăp Gâp ma lĕ rngôch nau ƀơ̆ khân may.

Êsêkiêl 5:7

Yor ri, Yêhôva Brah Ndu lah: ‘Yorlah khân may dăng ko lơn ma phung ntil mpôl gŭ jŭm khân may, mâu chuat ôh tĭng nau vay dăp Gâp, mâu lĕ ŭch djôt prăp nau vay ƀư bơh Gâp; rlau ma nĕ nau vay ƀư phung ntil mpôl bunuyh gŭ jŭm khân may, khân may ăt mâu dơi tĭng lĕ.’

Êsêkiêl 7:20

Đơ ndơ nkrơ̆ săk ƀư ăn ma nau sưr khân păng jêh ri khân păng dŏng ndơ nây ƀư lĕ rup brah mhĭk jêh ri ndơ tâm rmot. Yor nây, Gâp hŏ ƀư ăn ndơ nây jêng ndơ ƀơ̆ ƀơch ma khân păng!

Êsêkiêl 7:4

Măt Gâp uănh mâu nhhuach ôh ma may, Gâp mâu mra geh nau yô̆ ma may; ƀiălah Gâp mra mplơ̆ ma may tĭng nâm trong may hăn, jêh ri ntil nau ƀơ̆ ƀơch may mra gŭ ta nklang may. Rnôk aơ, khân may mra gĭt Gâp jêng Brah Yêhôva.’

Êsêkiêl 7:9

Măt Gâp uănh mâu nhhuach ôh ma may, mâu lĕ yô̆ ôh ma may. Gâp mplơ̆ ma may tĭng trong may hăn jêh ri lĕ nau ƀơ̆ ƀơch may mra gŭ ta nklang may. Rnôk nây, khân may mra gĭt Gâp yơh, Brah Yêhôva, jêng Nơm tâm rmal.

Êsêkiêl 8:15

Păng lah ma gâp: “Hơi kon bunuyh, mâp saơ lĕ? May mra hôm saơ lĕ nau mhĭk gâp tâm rmot toyh lơn đŏng!”

Êsêkiêl 8:16

Jêh nây, Păng leo gâp lăp nkual nhuang ta trôm ngih Brah Yêhôva, ntŭk trong lăp ngih Brah Yêhôva, ta vah vang ndring jêh ri nơng ƀư brah. Gâp saơ geh tâm bar jât ma prăm nuyh, ndôn kơi mpeh ma ngih Brah Yêhôva, bi muh măt rle mpeh ma luh nar gŭ yơk mbah ma nar mpeh luh nar.

Êsêkiêl 8:18

Yor nây yơh, Gâp mra ƀư ma khân păng tĭng nau ji nuih; măt Gâp mâu nhhuach ôh, mâu lĕ yô̆ klâng đŏng. Nđâp tơlah khân păng kuăl nter tăng tât ma tôr Gâp, Gâp mâu hôm ŭch n'gĭl iăt ôh.”

Êsêkiêl 9:10

Bi ma Gâp, măt Gâp uănh mâu mra nhhuach ôh, mâu mra yô̆ klâng lĕ. Gâp mra ƀư trong khân păng nkhŭt ta klơ bôk khân păng nơm.”

Êsêkiêl 9:5

Jêh nây gâp tăng Păng lah ma phung êng pô aơ: “Tĭng hom pakơi bunuyh nây, hăn lam ƀon jêh ri lơh nkhĭt; măt may uănh lơi nhhuach ôh, mâu lĕ geh nau yô̆.

Kan Lêvi 15:31

Khân may mât phung ƀon lan Israel tâm nkhah khân păng nôk geh nau ƀơ̆ ƀơch; lah mâu, khân păng mra khĭt tâm nau ƀơ̆ ƀơch khân păng nơm, yorlah hŏ ƀư ƀơ̆ ƀơch jêh Ngih Bok Gâp hôm gŭ ta nklang khân păng.”

Amôt 8:7

Brah Yêhôva sŏk nau chrêk rmah bơh Y-Yakôb jêh ri sơm ton pô aơ: “N'hêl nanê̆ Gâp mâu mra chuêl ôh lĕ nau kan khân may ƀư!

Sakari 11:6

Brah Yêhôva lah: “Nanê̆, Gâp mâu mbeh ôh ma phung bunuyh ƀon lan gŭ tâm n'gor bri aơ đŏng. Ƀiălah aơ, Gâp mra jao ăp nơm tâm ti phung chiau meng păng jêh ri tâm ti hađăch păng. Khân păng mra jot plên bri neh, jêh ri Gâp mâu mra tâm rklaih ôh khân păng tă bơh ti phung nây.”

Malachi 3:17

Brah Yêhôva ma phung tahan lah: “Khân păng mra jêng ndơ Gâp, ƀư drăp ndơn êng ma Gâp tâm nar Gâp pah kan. Gâp mra yô̆ nđach ma khân păng nâm bu du huê mbơ̆ yô̆ nđach ma kon bu klâu păng pah kan ma păng.

Samƀŭt Pôl Njuăl Ăn Ma Phung Nsing Ta Ƀon Rôm 11:12

Tơlah nau ƀư tih khân păng ƀư ndrŏng jêh ma neh ntu, jêh ri tơlah nau rai yot khân păng hŏ ƀư ndrŏng ma phung bu năch, nau bêng ler khân păng mra lơ hô ƀư ndrŏng rlau lơn âk ngăn!

Samƀŭt Pôl Njuăl Ăn Ma Phung Nsing Ta Ƀon Rôm 11:21

Yorlah tơlah Brah Ndu mâu nhhuach ma đơ n'gĭng păng nơm, Păng mâu đŏng nhhuach ma may ôh.

Samƀŭt Pôl Njuăl Ăn Ma Phung Nsing Ta Ƀon Rôm 8:32

Brah Ndu mâu nhhuach Kon Păng nơm, ƀiălah Păng jao jêh Kon nây ma lĕ rngôch he, mâm ƀư Păng mâu ăn lĕ ntil ndơ ndrel Kon nây ma he?

Nau Vay Nkah Tay 29:20

Brah Yêhôva mâu mra yô̆ an ôh ma păng nây, ƀiălah nau ji nuih jêh ri nau ntôn bơh Brah Yêhôva mra su bunuyh nây. Lĕ rngôch nau rak rtăp hŏ nchih jêh tâm ndrom samƀŭt aơ mra nkhŭt ta păng jêh ri Brah Yêhôva mra jut lơi amoh păng bơh tâm neh ntu aơ.

ហេឞ្រើ 6:13

Tơlah Brah Ndu ton ma Y-Abraham, Păng mâu dơi ntĭm ma nơm toyh lơn, pôri Păng ntĭm ma Păng sơm ton đah Y-Abraham pô aơ: