Êsêkiêl 48:14 - Nau Brah Ndu Ngơi 2023

¹⁴ Kô̆ neh nây khân păng mâu dơi tăch, mâu lah tâm rgâl ôh, mâu dơi ăn play bôk rah tă bơh neh nây ma bu êng yor păng lĕ prăp jêng kloh ăn ma Brah Yêhôva.

Êsêkiêl 48:14 ပူးပေါင်းရင်းမြစ်များ

Nau Ngluh Êjipt 22:29

May mâu dơi ôh mbrĕ mbrơi tâm nau nhhơr lĕ ndơ play dak bôk bơh mir may jêh ri ndrănh khân may. Ăn khân may nhhơr phung kon bu klâu bôk rah ma Gâp.

Nau Ngluh Êjipt 23:19

Ăn djôt leo dĭng lĕ play dak bôk dŭt ueh bơh neh may lăp tâm ngih Brah Yêhôva Brah Ndu. May mâu dơi gâm ôh be tâm dak toh me păng.”

Êsêkiêl 48:12

Khân păng mra geh du kô̆ êng lơn luh tă bơh kô̆ neh kloh ueh, jêng ntŭk dŭt kloh ueh mbot đah neh phung Lêvi.

Êsêkiêl 48:13

Phung Lêvi mra nchroh kô̆ njŏ tĭng neh phung kôranh ƀư brah, geh du rmưn bar rbăn prăm rhiăng met nau jong, jêh ri prăm rbăn met nau rkăng. Lĕ rngôch nau jong jêng du rmưn bar rbăn prăm rhiăng met, jêh ri nau rkăng jêng prăm rbăn met.

Kan Lêvi 23:20

Kôranh ƀư brah mra nhhơr lĕ mpa nây tanăp Brah Yêhôva, ndrel ma bar mpơng piăng let ƀư đah ba bôk yan jêh ri bar mlâm biăp kon, tĭng nau vay ƀư ndơ̆ đah aơ ndơ̆ đah ri. Lĕ rngôch mpa nây mra jêng kloh ueh ma Brah Yêhôva jêh ri ăn mpa nây ma kôranh ƀư brah.

Kan Lêvi 25:32

Ƀiălah bi ma lĕ ƀon toyh jêh ri ngih tâm lĕ ƀon toyh jêng ndơ phung Lêvi, khăn păng dơi chuai ndah jŏ păng ŭch.

Kan Lêvi 25:34

Bi ma lĕ mir tâm ƀon toyh jêng ndơ phung Lêvi bu mâu dơi vay tăch ôh; yorlah mir nây jêng drăp ndơn khân păng ƀaƀơ.’

Kan Lêvi 27:28

Padih nĕ, tâm lĕ rngôch ndơ nhhơr lah geh du huê bunuyh hŏ nhhơr jêh ma Brah Yêhôva, gĭt lah bunuyh mâu lah mpô mpa, mâu lah neh rnăk vâl păng, bu mâu dơi vay tăch mâu lah tâm chuai tay ôh. Lĕ rngôch mpa hŏ nhhơr jêng dŭt kloh da dê ma Brah Yêhôva.

Samƀŭt Pôl Njuăl Ăn Ma Phung Nsing Ta Ƀon Rôm 8:23

mâu di knŏng êng lĕ rngôch ndơ, ƀiălah nđâp ma he jêng phung bunuyh geh Brah Huêng Ueh jêng play bôk yan, rđêng lĕ tâm nuih n'hâm dôl gŭ kâp gân nau jêng kon mât rong, jêng nau tâm chuai ma săk jăn he.