Êsêkiêl 48:10 - Nau Brah Ndu Ngơi 2023

¹⁰ Kô̆ neh kloh ueh mra prăp ma phung kôranh ƀư brah, geh du rmưn bar rbăn prăm rhiăng met nau jong, rlet mpeh pa lơ, prăm rbăn met nau jong mpeh nhâp nar, prăm rbăn met mpeh luh nar, jêh ri du rmưn bar rbăn prăm rhiăng met nau jong rlet mpeh pa dâng. Ntŭk kloh ueh Brah Yêhôva mra gŭ ta nklang.

Êsêkiêl 48:10 ပူးပေါင်းရင်းမြစ်များ

Nau Ntơm 13:14

Jêh Y-Lot tâm nkhah bơh Y-Abram, Brah Yêhôva lah ma Y-Abram: “Bơh ntŭk may dôl dâk, n'gơr hom măt uănh lam puăn njônh, mpeh luh nar, mpeh nhâp nar, mpeh bơh dâng jêh ri mpeh bơh lơ.

Êsêkiêl 44:28

Bi ma drăp ndơ gay prăp ăn ma khân păng Gâp nơm yơh jêng drăp ndơ ma khân păng. Lơi ta khân may ăn ma khân păng ôh du ntil drăp ndơn tâm bri Israel Gâp nơm yơh jêng drăp ndơn ma khân păng.

Êsêkiêl 45:4

Nây jêng du kô̆ neh kloh ueh jêng nkual prăp ăn ma lĕ phung kôranh ƀư brah jêng nơm pah kan tâm ntŭk kloh ueh jêh ri văch dăch Brah Yêhôva gay pah kan ma Păng. Nây jêng ntŭk gay ndâk ngih ăn ma khân păng jêh ri du ntŭk kloh ueh ăn ntŭk kloh ueh.

Êsêkiêl 48:9

Kô̆ neh khân may mra nhhơr ma Brah Yêhôva geh nau jong du jât ma bar rbăn prăm rhiăng met jêh ri nau rkăng prăm rbăn met.

Mathay 10:10

lơi djôt dŭng hăn trong, mâu lah bar blah ao, mâu lah ntâu jot mâu lah mâng jra ôh, yorlah bunuyh pah kan păng khư geh ndơ sông sa.