Êsêkiêl 47:8 - Nau Brah Ndu Ngơi 2023

⁸ Păng lah ma gâp: “N'hong dak aơ hoch tât mpeh luh nar jŭr ntŭk neh lâng jêh ri hoch rlet dak mƀŭt, jêh ri tơlah hŏ hoch jêh rlet ma dak mƀŭt pôri dak mƀŭt ri rgâl jêng rsang.

Êsêkiêl 47:8 ပူးပေါင်းရင်းမြစ်များ

Nau Ngluh Êjipt 15:25

Y-Môis kuăl dăn ma Brah Yêhôva. Brah Yêhôva ntĭm ma păng du n'gâng tơm si, păng nklăch tơm si nây tâm dak jêh ri dak jêng ueh. Ta aơ Brah Yêhôva ăn jêh nau vay dăp jêh ri nau vay dăp ma phung ƀon lan, jêh ri ta aơ đŏng Brah Yêhôva rlong uănh nuih n'hâm khân păng.

Êsai 35:1

Bri rdah jêh ri neh sơh mra maak; Ndrêch rdah mra răm maak jêh ri luh kao tâm ban ma kao rôs.

Êsai 35:6

Aƀaơ, nơm rvĕn mra pâl rlưn tâm ban ma jun, Mpiăt bunuyh mlo mra mprơ ma nau maak. Yorlah geh lĕ n'hor dak mra bruh tâm bri rdah, Jêh ri lĕ dak n'hor hoch tâm ndrêch rdah.

Êsai 35:7

Choih duh mra jêng dak nglao, Neh sơh mra plơ̆ jêng dak n'hor. Ntŭk so bri gŭ Mra rgâl jêng ndrêch gơ̆, tơm rpho jêh ri treng.

Êsai 43:20

Lĕ rngôch mpa bri janh, so bri jêh ri sĭm ôtrus, Mra tâm rnê Gâp, Yorlah Gâp ăn lĕ n'hong dak hoch tâm bri rdah, Jêh ri ăn lĕ dak krong hoch tâm ntŭk neh sơh, Gay ăn ma phung ƀon lan Gâp săch jêh geh dak nhêt.

Êsai 49:9

Gay lah ma phung bu nă: ‘Luh hom,’ Lah ma phung gŭ tâm nau ngo, ‘Mpơl hom tâm nau ang!’ Khân păng mra chiăp phung biăp ta rŏ trong, Jêh ri ndrêch gơ̆ khân păng mra gŭ ta klơ lĕ rngôch yôk hil.

Yêrêmi 31:9

Khân păng mra văch ma nau nhĭm, Dăn mbơh sơm ma Gâp njŭn khân păng plơ̆ sĭt; Gâp mra njŭn khân păng hăn njŏ ta meng n'hor dak, Ta klơ trong sŏng, mâu geh nau chêh prah ôh. Yorlah ma phung Israel, Gâp jêng mbơ̆, Jêh ri phung Êphraim jêng kon bu klâu bôk rah Gâp.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Mathay 13:15

Yorlah nuih n'hâm phung aơ jêng brơl; Tôr lĕ rngêl, Măt lĕ nhêp, Klach măt lĕ saơ, Tôr lĕ tăng, Nuih n'hâm lĕ gĭt rbăng, Khân păng plơ̆ tay, Jêh ri Gâp mra ƀư bah an.’

Nau Vay Nkah Tay 3:17

Ta mpeh nhâp nar, nkual neh pe ndŭl mpôl jong ngăn kŏ tât ta n'gor neh lâng klơ dor Arabah, sŏk dak krong Yurdan jêng n'har, bơh nglao Galilê tât ta dak mƀŭt Arabah, jêng Dak Mƀŭt Khĭt tâm dâng jâng yôk Pisga mpeh luh nar.

Nau Vay Nkah Tay 4:49

nđâp lĕ neh lâng klơ dor Arabah đah ri dak krong Yurdan, mpeh luh nar, kŏ tât ta Dak Mƀŭt Khĭt, tâm dâng jâng yôk Pisga.

Yôsuê 3:16

pôri dak bơh tu nsrŭng hoch, nsŭn du ntŭk, ngai tât ta ƀon Ađam, ƀon nây gŭ dăch ƀon Sarêthan; bi dak hoch mpeh ma dak mƀŭt Arabah, jêng Dak Mƀŭt Khĭt, nking lĕ ro, jêh ri phung ƀon lan rgăn dak krong, ta ntŭk tâm tham đah ƀon Yêrikô.