Êsêkiêl 47:7 - Nau Brah Ndu Ngơi 2023

⁷ Tơlah tât jêh ta nây, aơ, bar đah ding kơh dak krong geh âk ngăn tơm si.

Êsêkiêl 47:7 ပူးပေါင်းရင်းမြစ်များ

I Phung Hađăch 9:26

Hađăch Salômôn ƀư tay đŏng âk bôk kumpăn ta ƀon Êsiôn-Gêber, dăch Êlôt, ta kơh Dak Mƀŭt Chăng, tâm n'gor Êđôm.

II Phung Hađăch 2:13

Y-Êlisê dônh du mlâm ao jâr bơh Y-Êli tŭp jêh. Păng plơ̆ sĭt jêh ri gŭ nsrâng dâk êp kơh dak krong Yurdan.

Nau Ngluh Êjipt 15:25

Y-Môis kuăl dăn ma Brah Yêhôva. Brah Yêhôva ntĭm ma păng du n'gâng tơm si, păng nklăch tơm si nây tâm dak jêh ri dak jêng ueh. Ta aơ Brah Yêhôva ăn jêh nau vay dăp jêh ri nau vay dăp ma phung ƀon lan, jêh ri ta aơ đŏng Brah Yêhôva rlong uănh nuih n'hâm khân păng.

Êsai 60:13

Tơm si chiprơ, tơm si n'ho jêh ri tơm si buis jêng nau chrêk rmah bri Liban, Ăt mra njŭn ma may, Ŭch ƀư ueh ngih brah kloh ueh Gâp; Gâp mra ăn chrêk rmah ntŭk Gâp chrong jâng.

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Êsêkiêl 47:12

Ta klơ kơh dak krong nây, đah aơ jêh ri đah ri, mra hon geh ăp ntil tơm si geh play sa, n'ha păng mâu blau kro ôh jêh ri play păng mâu tăch yơt lĕ. Ăp khay, khân păng mra geh play mhe, yorlah dak hoch luh tă bơh ntŭk kloh ueh djrah ăn ma khân păng. Play păng dŏng gay ma sa, n'ha păng prăp ma ƀư dak si.”

Nau Tâm Mpơl 22:2

hoch ta nklang trong ƀon nây. Bar đah kơh dak krong geh tơm si nau rêh geh play jât ma bar yan, ăp khay geh play du tơ̆; jêh ri n'ha si nây prăp ma ƀư bah phung mpôl băl bunuyh.