Êsêkiêl 47:18 - Nau Brah Ndu Ngơi 2023

¹⁸ Mpeh luh nar ntơm bơh vah vang ƀon Hauran, ƀon Damas, bri Gilêat jêh ri bri Israel, njŏ tĭng dak krong Yurdan. Khân may mra veh tă bơh n'har mpeh pa lơ kŏ tât ma dak mƀŭt mpeh luh nar. Nây mra jêng n'har mpeh luh nar.

Êsêkiêl 47:18 ပူးပေါင်းရင်းမြစ်များ

Nau Ntơm 13:10

Y-Lot n'gơr măt uănh jêh ri saơ lam neh lâng dak krong Yurdan tât ta ƀon Sôar. Êlor ma Brah Yêhôva ƀư rai ƀon Sôdôm jêh ri Gômôrơ, n'gor aơ ăp ntŭk geh dak da dê tâm ban ma n'gar trao Brah Yêhôva, nâm bu neh Êjipt đŏng.

Nau Ntơm 13:11

Y-Lot săch ma păng nơm lĕ neh lâng dak krong Yurdan jêh ri mpeh luh nar. Pôri, bar hê va mon khân păng tâm nkhah băl.

Nau Ntơm 31:23

Y-Laban djôt leo phung mpôl băl ndrel ma păng jêh ri hăn tĭng Y-Yakôb tâm pơh nar, jêh ri păng ban Y-Yakôb ta yôk Gilêat.

Nau Ntơm 31:47

Y-Laban rnha ntŭk nây jêng Jêgar Saha-dutha, ƀiălah Y-Yakôb rnha ntŭk nây jêng Galet.

Nau Ntơm 37:25

Nôk phung nâu Y-Yôsep dôl hôm gŭ sông sa, khân păng n'gơr măt uănh jêh ri saơ du phung tăch drăp Ismaêl văch tă bơh Gilêat. Seh samô khân păng rdeng bêng ndơ ƀâu kah, dak si ƀâu kah jêh ri dak si tăng trŭnh let Êjipt.

Ndrom Samƀŭt bơh Yôp 40:23

Păng mra njêng nau tâm rnglăp đah may, Gay may dơn păng jêng dĭk du njăr rêh?

Yêrêmi 50:19

Ƀiălah Gâp mra njŭn Israel sĭt ma ntŭk ndrêch gơ̆ nse păng nơm, păng mra sa gơ̆ hơm mpay ta Karmel jêh ri tâm bri Basan, jêh ri ta klơ yôk bri Êphraim jêh ri tâm bri Gilêat.”

Êsêkiêl 47:16

ƀon Hamat, ƀon Bêrôtha, ƀon Sibraim (n'har vah vang ƀon Damas jêh ri ƀon Hamat), ƀon Haser-Hatikôn, ƀon nây gŭ ta n'har ƀon Hauran.

Yôel 2:20

Gâp mra ăn phung rlăng mpeh pa lơ du ngai ma khân may, Mprơh khân păng tâm ntŭk neh kro nđang jêh ri bri rdah: Mprơh du phung tahan panăp khân păng tâm dak mƀŭt luh nar, Phung tahan pakơi khân păng tâm dak mƀŭt nhâp nar. N'hôl khân păng ƀâu ngăn, N'hôl khân păng luh ƀâu chrĭ.” Yorlah n'hêl nanê̆ Kôranh Brah hŏ ƀư lĕ nau kan toyh.

Nau Kơp Bunuyh 32:1

Phung kon sau Ruben jêh ri phung kon sau Gat geh âk mpôl mpô mpa rong. Khân păng saơ n'gor Jaser jêh ri n'gor Gilêat jêng ntŭk ueh ma nau rong chiăp mpô mpa rong.

Nau Kơp Bunuyh 34:10

N'har mpeh luh nar khân may mra ntơm bơh Hasar-Ênan tât ta Sêpham,

Phung Kôranh Phat Dôih 10:8

Ntơm bơh năm nây, bar phung ƀon lan aơ tŭn jot jêh ri mưch rmot phung Israel. Đơ phung Israel gŭ mpeh kơh tê̆ dak krong Yurdan tâm n'gor Gilêat, ta n'gor Amôrit, bu tŭn jot đŏng jêh ri mưch rmot tâm jât ma pham năm.