Êsêkiêl 47:12 - Nau Brah Ndu Ngơi 2023

¹² Ta klơ kơh dak krong nây, đah aơ jêh ri đah ri, mra hon geh ăp ntil tơm si geh play sa, n'ha păng mâu blau kro ôh jêh ri play păng mâu tăch yơt lĕ. Ăp khay, khân păng mra geh play mhe, yorlah dak hoch luh tă bơh ntŭk kloh ueh djrah ăn ma khân păng. Play păng dŏng gay ma sa, n'ha păng prăp ma ƀư dak si.”

Êsêkiêl 47:12 ပူးပေါင်းရင်းမြစ်များ

Nau Ntơm 2:9

Yêhôva Brah Ndu ƀư ăn neh hon ăp ntil tơm si ueh măt uănh jêh ri sa kah. Ta nklang n'gar trao geh tơm si nau rêh jêh ri geh tơm si gĭt nau ueh, nau mhĭk.

Ndrom Samƀŭt bơh Yôp 8:16

Tâm dâng nchrat nar, phung mhĭk nâm bu tơm si ndrêh ueh, N'gĭng n'ha nkŭm lam ntŭk n'gar trao.

Nau Mprơ Ơm 1:3

Bunuyh nây mra jêng nâm bu tơm si tăm dăch n'hor dak, Luh kao play di yan di khay, N'ha păng mâu blau nhop kro ôh. Lĕ nau păng ƀư dơi jêng da dê.

Nau Mprơ Ơm 92:12

Phung sŏng srăng mra hon nâm bu tơm tră, Jêh ri văch ma toyh nâm bu tơm si sêdar ta n'gor Liban.

Êsai 1:6

Bơh mpang jâng tât ta bôk, Mâu geh du ntŭk bah ôh, Lĕ ntŭk sôt jêh ri ntŭk môr bŭr Jêh ri lĕ ntŭk mhe sôt, Mâu hŏ jĭr ôh, mâu lĕ mâp put, Mâu lĕ mâp mhĭng ma dak ngi ôlive jêh ri piăch.

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Yêrêmi 17:8

Bunuyh nây nâm bu tơm si tăm gŭ kơh dak n'hor, Hon reh tĭng n'hor dak hoch; Mâp trôk duh ăt mâu klach ôh N'ha ăt ndrêh ueh. Mâp năm prăng phang mâu đŏng rvê ir lĕ Ăt luh play mâu rlu ôh.

Yêrêmi 8:22

Tâm Gilêat mâu geh ntăk si ƀâu kah hĕ? Ta nây ăt mâu hôm geh nai dak si hĕ? Pônây mâm ƀư sôt rmanh kon bu ur phung ƀon lan gâp Mâu dơi ƀư bah?

Êsêkiêl 47:7

Tơlah tât jêh ta nây, aơ, bar đah ding kơh dak krong geh âk ngăn tơm si.

Nau Tâm Mpơl 22:2

hoch ta nklang trong ƀon nây. Bar đah kơh dak krong geh tơm si nau rêh geh play jât ma bar yan, ăp khay geh play du tơ̆; jêh ri n'ha si nây prăp ma ƀư bah phung mpôl băl bunuyh.