Êsêkiêl 47:1 - Nau Brah Ndu Ngơi 2023

¹ Jêh ta nây, păng leo gâp hăn đŏng rlet ma mpông pêr ngih brah jêh ri aơ, n'hor dak krong luh tă bơh tâm dâng mbong ngih brah hoch rlet mpeh luh nar (yorlah ngih brah ndâk rle luh nar). N'hor dak nây tă bơh pŭng pa ma ngih brah jŭr hoch mpeh pa dâng nơng ƀư brah.

Êsêkiêl 47:1 ပူးပေါင်းရင်းမြစ်များ

Nau Mprơ Ơm 46:4

Geh du n'hor dak krong, dak păng ƀư maak ma ƀon Brah Ndu, Jêng ntŭk kloh ueh, ntŭk gŭ Nơm Dŭt Prêh.

Nau Mprơ Ơm 46:5

Brah Ndu gŭ ta nklang ƀon nây, păng mâu mra n'gơ ôh. Ơm ôi Brah Ndu mra kơl păng.

Nau Mprơ Ơm 87:7

Phung mprơ jêh ri phung pâl ntalơ̆ mra lah pô aơ: “Lĕ rngôch tu ueh uĭn gâp gŭ tâm May da dê.”

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 30:25

Tâm nar geh nau tâm nkhĭt toyh, lĕ pôih rlâm rai jêh, ri mơ ta klơ lĕ rngôch yôk prêh jêh ri dor yôk mra geh lĕ dak n'hor hoch.

Êsai 55:1

“Ơ, ăp nơm ji hir, Văch hom ta tu dak! Mbu nơm mâu geh prăk ôh, Rvăt hom jêh ri sa! Văch rvăt hom ndrănh jêh ri dak toh ndrôk Mâu ŭch ma prăk, mâu kêh rnoh ôh.

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Êsêkiêl 40:6

Jêh ta nây, păng hăn tât ta mpông pêr mpeh luh nar, chuat hao pe mbak gung gay veh ndring mpông mpêr, nau dĭ du bông mâng; ndring êng ăt du bông mâng.

Êsêkiêl 41:2

Dĭ mpông lăp jêng prăm met, bar met n'gul đah aơ, bar met n'gul đah ri. Păng veh padih ngih brah kloh ueh, nau jong geh bar jât met jêh ri dĭ jât met.

Êsêkiêl 46:24

Bunuyh nây lah ma gâp pô aơ: “Aơ jêng ngih ŭnh, jêng ntŭk phung bunuyh pah kan tâm ngih brah gâm puăch lĕ ndơ ƀư brah ma phung ƀon lan.”

Êsêkiêl 47:12

Ta klơ kơh dak krong nây, đah aơ jêh ri đah ri, mra hon geh ăp ntil tơm si geh play sa, n'ha păng mâu blau kro ôh jêh ri play păng mâu tăch yơt lĕ. Ăp khay, khân păng mra geh play mhe, yorlah dak hoch luh tă bơh ntŭk kloh ueh djrah ăn ma khân păng. Play păng dŏng gay ma sa, n'ha păng prăp ma ƀư dak si.”

Êsêkiêl 47:2

Păng leo gâp luh ma trong mpông pêr mpeh pa lơ jêh ri leo gâp ndăch padih tât ta mpông pêr padih mpeh luh nar jêh ri dak hoch tă mpeh pa dâng.

Yôel 3:18

Tâm nar nây, lĕ yôk luh ndrănh njŭng; Lĕ dor mra luh hoch dak toh, Lĕ rngôch ăp n'hor dak Yuđa mra geh dak hoch ktang. Du n'hor dak mra luh tă bơh ngih Brah Yêhôva Jêh ri tŏ rlŭng Sitim.

Sakari 13:1

Ta nar nây, mra geh du n'hor dak pơk ma ngih Y-Đavit jêh ri phung gŭ tâm ƀon Yêrusalem, gay ƀư kloh nau tih jêh ri nau ƀơ̆ ƀơch.

Sakari 14:4

Tâm nar nây, jâng Păng mra dâk ta klơ yôk Ôlive, jêng yôk tâm tham ƀon Yêrusalem mpeh luh nar. Yôk Ôlive mra đang ta nklang, jêng rlŭng toyh ngăn bơh luh nar tât nhâp nar; n'gul yôk trơn tĭt mpeh pa lơ, n'gul ri trơn tĭt mpeh pa dâng.

Sakari 14:8

Ta nar nây, dak rêh mra hoch tă bơh Yêrusalem, n'gul hoch leo mpeh dak mƀŭt luh nar, jêh ri n'gul hoch mpeh dak mƀŭt nhâp nar, hoch ndăng tâm yan ta vai jêh ri yan puh.

Nau Tâm Mpơl 22:1

Nôk nây tông mpăr ntĭm ma gâp saơ dak krong nau rêh, rsang nâm bu lŭ ang, luh bơh sưng hađăch Brah Ndu jêh ri sưng hađăch Kon Biăp,

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.